Dagblaðið Vísir - DV - 21.12.2011, Side 22

22 Hetja ársins 21.–27. desember 2011 Jólablað
Hver er hetja ársins 2011?
n Kosning um hetju ársins stendur nú yfir á DV.is n Hægt er að velja á milli 27 einstaklinga
n Um 200 tilnefningar bárust n Kosningu lýkur á miðnætti þann 26. desember næstkomandi
Viggó M. Sigurðsson
n Viggó er stýrimaður og sigmaður hjá
Gæslunni. Hann seig eftir veikum skip-
verja á litháíska flutningaskipinu Skalva
sem statt var um 115 sjómílur suðvestur
af Reykjanestá í janúar. Veður var mjög
slæmt, mikil ölduhæð og skipið lítt hlaðið
þannig að það valt mikið. „Þetta var með
því erfiðara sem ég hef lent í, kannski
það erfiðasta,“ sagði Viggó í samtali við
Morgunblaðið nokkrum dögum síðar.
Þorsteinn Jakobsson
og gönguhópur
n Þorsteinn fjallagarpur setti sér það
markmið að klífa 400 fjallstinda á
árinu. Þetta gerði hann til stuðnings
Ljósinu, sem er endurhæfingar- og
stuðningsmiðstöð fyrir fólk sem hefur
fengið krabbamein eða blóðsjúkdóma og
aðstandendur þeirra. Hann náði mark-
miðinu þann 10. desember þegar hann
kleif Esjuna í vonskuveðri með um 200
manns með sér.
Meðan fæturnir
bera mig
n Signý Gunnarsdóttir, Sveinn Benedikt
Rögnvaldsson, Alma María Rögnvalds-
dóttir og Guðmundur Guðnason hlupu
hringinn í kringum landið til styrktar
krabbameinssjúkum börnum í átakinu Á
meðan fæturnir bera mig. Það tók hópinn
tvær vikur að hlaupa hringinn en samtals
hlupu þau 1.344 kílómetra og höfðu
safnað 11 milljónum þegar þau komu í
mark.
Theodór Fannar
Eiríksson
n Sautján ára drengur sem bjargaði
móður sinni úr brennandi húsi í Fagra-
hjalla í desember. Þegar Theodór sá
móður sína alelda hljóp hann að henni,
tók upp fyrsta gólfteppi sem hann fann
og reyndi að slökkva í andlitinu á henni.
Því næst slökkti hann eld á maga hennar
og helti svo vatni yfir fætur hennar.
Mæðginin hlupu saman út í snjó og þar
næst til nágranna. Þar fékk Theodór að
hringja í Neyðarlínuna.
Tristan Arnar Beck
n Níu ára drengur úr Reykjanesbæ vann
hetjudáð þegar hann slökkti eld, sem
farið hafði úr böndunum, í kamínu heima
hjá sér. Þetta gerðist í byrjun október
og atvikaðist á þann hátt að Tristan var
heima með litlu systur sinni og ömmu og
þau voru að horfa á sjónvarpið. Allt í einu
tók Tristan eftir því að mikill reykur barst
frá kamínunni og það byrjaði svo að loga
út úr henni að aftan. Tristan brást strax
við, hljóp fram á gang og sótti slökkvi-
tæki og slökkti eldinn.
Elva Dögg
Gunnarsdóttir
n Elva Dögg var illa haldin af Tourette-
heilkenni en hún er uppistandari og ein
úr grínhópnum Innrásarvíkingunum. Hún
er ófeimin við að gera grín að sjálfri sér
og veikindum sínum. Hún fór svo í aðgerð
sem virðist hafa breytt líðan hennar.
Kvikmyndin Snúið líf Elvu var sýnd í
Sjónvarpinu í nóvember en þar kom fram
að aðgerðin sem Elva Dögg gekkst undir í
maí hefði gengið vel.
Ragna Erlendsdóttir
n Móðir Ellu Dísar hefur verið tilnefnd
fyrir baráttu sína gegn kerfinu en Ella Dís
hefur verið greind með taugaskaða af
völdum sjálfsofnæmis í kjölfar bólusetn-
ingaróþols. Ragna er einstæð móðir með
tvö önnur börn og hefur átt í fjárhags-
vandræðum vegna veikinda dóttur
sinnar. Í byrjun mánaðar átti að taka fyrir
útburðarbeiðni á hendur Rögnu í Héraðs-
dómi Reykjavíkur en málinu hefur verið
frestað fram yfir áramót.
Brúarsmiðir
Vegagerðarinnar
n Í byrjun júlí varð mikið hlaup í Múlakvísl
og fljótlega fór brúin og þar með
hringvegurinn í sundur. Búist var við að
smíði nýrrar brúar mundi taka tvær til
þrjár vikur en brúarsmiðir Vegagerðar-
innar brugðust hratt við og var bráða-
birgðabrúin opnuð rúmri viku síðar að við-
stöddum ráðherrum. Þótti frammistaða
Vegagerðarinnar við smíði brúarinnar
vera einstök og með smíði hennar tókst
að varna því að ferðaþjónusta á svæðinu
yrði fyrir stórtjóni.
Ólafur Karl Óskarsson
n Ólafur er þriggja ára og hefur verið
veikur frá fæðingu. Hann er meðal annars
með óstarfhæf nýru og þarf að mæta
á skilunardeild Landspítalans þrisvar
í viku, nokkra tíma í senn í blóðskilun.
Þetta er erfið meðferð en alltaf mætir
Óli með bros á vör og dundar sér meðan
á meðferðinni stendur. Fjölskyldan bjó á
Akureyri en þurfti að flytja til Reykjavíkur
þegar Óli byrjaði í blóðskilun fyrir rúmu
ári.
Jóhannes Kr.
Kristjánsson
n Jóhannes stýrði innslögum sem sýnd
voru í Kastljósi, annars vegar um lækna-
dóp og hins vegar um meinta markaðs-
misnotkun bankanna þriggja. Þættirnir
vöktu mikla athygli og Jóhannes fékk
lof fyrir að stíga fram með umfjöllunina.
Sér í lagi þótti umfjöllun Jóhannesar um
læknadóp athyglisverð í ljósi þess að ári
áður hafði hann sjálfur misst dóttur sína
sem hafði verið í neyslu á umræddum
lyfjum.
Edda Heiðrún Backman
n Leikkonan Edda Heiðrún greindist
með MND-sjúkdóminn fyrir átta árum.
Hún hefur barist fyrir réttindamálum
fatlaðra, meðal annars með fjársöfnun
fyrir endurhæfingardeild Landspítalans
við Grensás.
Kara Pálsdóttir
n Kara er flugfreyja sem er tilnefnd
vegna hetjulegrar björgunar á ungri
konu sem fékk áfall í Bónus. Sú fékk
hjartastopp og var hætt að anda þegar
Kara kom að. Hún kannaði hvort læknir
eða hjúkrunarfræðingur væri á staðnum
en svo var ekki. Þá hófst hún sjálf handa
og hnoðaði og blés konuna þar til hún
komst aftur til lífs. Sjúkraflutningamenn
fluttu konuna síðan á spítala. Kara sýndi
þarna hugrekki og festu og bjargaði lífi
konunnar.
17 ára drengur sem sagði
frá heimilisofbeldi
n „Ég fann fyrst fyrir vilja til að segja frá
þessu eftir að ég las bókina Grafarþögn í
íslensku. Ég sá bara fyrir mér fjölskylduna
mína. Það vakti upp svo margar minn-
ingar að ég gat bara ekki meir. Ég gat ekki
einu sinni klárað bókina – mér fannst
þetta bara eins og heima hjá okkur,“ segir
sautján ára piltur sem setti sögu sína af
heimilisofbeldi á Facebook. Hann var í
opinskáu viðtali við DV í ágúst.
Grímur Hergeirsson
n Grímur, sem er lögmaður og fyrrverandi
lögreglumaður, var að keyra upp Kamb-
ana í byrjun desember og kom að manni
sem lá hreyfingarlaus. Sá var flutninga-
bílstjóri sem hafði ákveðið að setja keðjur
á dekkin en hnigið niður. Grímur sá að
hann var hreyfingarlaus og hljóp til hans
og sá að hann var meðvitundarlaus. Hann
fann ekki púls, hringdi í neyðarlínuna og
hóf endurlífgun. Þar komu þá að hjón sem
voru bæði sjúkraflutningamenn og í sam-
einingu komu þau honum til lífs. Hann var
svo fluttur í bæinn með sjúkrabíl.
L
esendum DV gefst kostur á
að kjósa um hetju ársins 2011
sem verður nú valin í fjórða
sinn. Úr vöndu er að velja
en lesendur DV.is geta valið
á milli 27 tilnefnindra. Kosningu
lýkur á miðnætti þann 26. desember
næstkomandi.
DV óskaði eftir tilnefningum frá
lesendum um hetju ársins 2011 og
bárust rúmlega 200 ábendingar.
Tekið var mið af þeim ábendingum
en þar að auki komu tilnefningar frá
dómnefnd DV. Hana skipuðu Hall-
grímur Helgason rithöfundur, Ingi-
björg Dögg Kjartansdóttir, blaða-
maður DV, auk
Jóns Gnarr
borgarstjóra.
Niðurstaða
kosningarinnar
verður kunn-
gjörð í kringum
áramótin en
hetjan fær að
gjöf Samsung
Galaxy 10.1 frá Samsung setrinu að
verðmæti 109.900 krónur.