Dagblaðið Vísir - DV - 11.04.2014, Side 30

30 Umræða Helgarblað 11.–14. apríl 2014
Hverjir eiga erindi að jötunni?
Í
Sandkornum DV áttunda þessa
mánaðar er – undir fyrirsögninni
„Gæðingar á jötu“ – lýst undrun
og hneykslun á því að Álfheiður
Ingadóttir, fyrrverandi þingmaður,
sé tilnefnd til setu í stjórn Lands-
virkjunar. Lokaorð pistilsins eru:
„Óljóst er hvaða erindi hún á í stjórn
stærsta orkufyrirtækis Íslendinga.“
Gera má ráð fyrir að ætlað er-
indisleysi Álfheiðar til afskipta af
orkumálum felist í því að hún er líf-
fræðingur. Miðað við þann vanda,
sem blasir við öllum þjóðum heims
vegna umhverfisspjalla og mengun-
ar af völdum þeirra þjóða, sem búa
við bestu kjörin, ætti að vera ljóst,
að afskipta náttúrufræðinga er þörf,
hérlendis sem erlendis, hvarvetna
þar sem fjallað er um meðferð á um-
hverfi og auðlindum.
Enginn skyldi skilja orð mín svo,
að náttúrufræðingar, og þar með líf-
fræðingar, kunni betur skil en aðrir á
hvers kyns vandamálum. Því miður
eru okkur stundum mislagðar hend-
ur, jafnvel á sviðum, þar sem við
ættum að vita betur. En ef hérlend-
is hefði að undanförnu aldrei ver-
ið pólitískt ráðinn einstaklingur til
stjórnunarstarfs, sem minna erindi
átti til þess en líffræðingurinn Álf-
heiður Ingadóttir á í stjórn Lands-
virkjunar, hygg ég að við mættum
vel við una. n
Auð-trúr Umsjón: Henry Þór Baldursson
Vinsæl
ummæli
við fréttir DV í vikunni
„Því miður eru
okkur stundum
mislagðar hendur, jafn-
vel á sviðum, þar sem við
ættum að vita betur.
Örnólfur Thorlacius
Aðsent
Mynd STefán KarlSSon
Björgvin Guðmundsson
fyrrverandi borgarfulltrúi
Aðsent
H
eimahjúkrun hefur mjög
mikilvægu hlutverki að
gegna. Hún á að veita
öldruðum og sjúkum að-
hlynningu í heimahúsum.
Það er yfirlýst markmið stjórnvalda,
ríkis og sveitarfélaga, að æskilegt sé,
að eldri borgarar og sjúklingar séu
sem lengst í heimahúsum í stað þess
að fara fyrr á hjúkrunarheimili eða á
spítala. Þessu markmiði er hvað eftir
annað lýst af ráðamönnum, einkum
við hátíðleg tækifæri; enda er það
miklu ódýrara fyrir samfélagið, að
eldri borgarar séu áfram í heimahús-
um þó heilsan sé farin að gefa sig.
Hver dagur á hjúkrunarheimili eða á
annarri sjúkrastofnun er mjög dýr.
Þegar þetta er haft í huga, er
það mjög undarlegt, að stjórn-
völd skuli svelta heimahjúkrun fjár-
hagslega með þeim afleiðingum,
að heimahjúkrun er stórlega undir-
mönnuð. Það vantar til að mynda
mikið á að nægilega margt hjúkr-
unarfólk vinni við heimahjúkrun í
Reykjavík. Þetta finna eldri borgar-
ar, sem njóta þjónustunnar, vel. Fjár-
magn til heilsugæslunnar í Reykja-
vík hefur verið skorið niður í ár með
þeim afleiðingum m.a. að fækka þarf
hjúkrunarfræðingum.
Heimaþjónustan rekur
heimahjúkrunina
Í ársbyrjun 2009 tók velferðarsvið
Reykjavíkur við rekstri heimahjúkr-
unar í höfuðborginni samkvæmt
þjónustusamningi við velferðarráðu-
neytið. Heimaþjónusta Reykjavíkur
rekur heimahjúkrunina. Hefur félags-
leg heimaþjónusta og heimahjúkrun
verið sameinuð undir einum hatti.
Heimaþjónusta Reykjavíkur ber
ábyrgð á allri heimahjúkrun í Reykja-
vík og á Seltjarnarnesi en einnig er
hún ábyrg fyrir heimahjúkrun um
kvöld og helgar í Mosfellsbæ og
nætur þjónustu fyrir allt höfuðborgar-
svæðið.
Markmið heimaþjónustunnar er
að gera þeim, sem hennar njóta, kleift
að búa heima þrátt fyrir veikindi eða
heilsubrest. Þjónustan skal veitt í ná-
inni samvinnu við sjúklinginn sjálfan
og aðstandendur hans. Um markmið
heimaþjónustu og heimahjúkrunar
segir enn fremur: Heimahjúkrun
sinnir m. a. einstaklingum, sem
þarfnast sérhæfðrar hjúkrunar og
víðtækrar hjúkrunar daglega eða oft
á dag. Heimahjúkrun er ekki aðeins
fyrir eldri borgara heldur fyrir fólk
á öllum aldri, sem á við heilsubrest
eða skerta getu til daglegra athafna
að stríða.
ríkið greiðir kostnaðinn
við heimahjúkrun
Fyrstu þrjú ár þjónustusamnings-
ins greiddi ríkið alls 2,8 milljarða
fyrir heimahjúkrun í Reykjavík.
Undanfarin ár hefur kostnaður við
heimahjúkrun verið í kringum einn
milljarð á ári. Árið 2011 nam þessi
kostnaður 992 milljónum kr. Síðasta
ár var kostnaðurinn 1.116 milljónir
kr. Í ár verður kostnaðurinn svipað-
ur; hækkar aðeins sem svarar verð-
lagshækkunum og tæplega þó. 296
starfsmenn sinna heimahjúkrun
á þessu ári, einkum hjúkrunar-
fræðingar og sjúkraliðar. Um 1.000
heimili á Stór-Reykjavíkursvæðinu
njóta heimahjúkrunar að jafnaði.
Tvöfalt fleiri einstaklingar fá þjón-
ustuna. Á fjórða hundrað starfsmenn
sinna félagslegri heimaþjónustu. Á
fjórða þúsund heimili njóta hennar.
Kostnaður við félagslega heimaþjón-
ustu er talsvert meiri en kostnaður við
heimahjúkrun eða 1.589 milljónir kr.
sl. ár.
of mikill hraði í heimahjúkrun
Hjúkrun er mjög vandasöm. Það er
ekki unnt að vinna hana í flýti. En fjár-
skortur og undirmönnun heimahjúkr-
unar í Reykjavík hefur leitt til þess, að
reynt er að hraða vinnu við hjúkrun í
heimahúsum sem mest. Það er slæm
þróun, sem kemur óhjákvæmilega
niður á gæðum þjónustunnar og leið-
ir jafnvel til þess að þjónusta er skor-
in niður. Það samræmist ekki mark-
miðinu um að stuðla að því, að eldri
borgarar og sjúklingar geti verið sem
lengst í heimahúsum. Því miður virð-
ist sem hugur fylgi ekki alltaf máli,
þegar stjórnmálamenn gefa yfirlýs-
ingar um að vinna eigi að því, að aldr-
aðir og sjúkir geti búið sem lengst í
heimahúsum. Það er hvergi nærri nóg
gert til þess að tryggja það, að unnt sé
að framkvæma þessar hástemmdu
yfirlýsingar. Hér þarf því að verða
breyting á. Það verður að tryggja
nægilegt fjármagn í heimahjúkrun.
Það er miklu ódýrara fyrir samfélagið
en að senda eldri borgara og sjúklinga
fyrr á hjúkrunarheimili.
Ég vil því skora á ríkisstjórnina,
að auka fjármagn til heimahjúkrun-
ar. Það mun borga sig fyrir ríkissjóð,
þegar til lengdar lætur. Heilbrigðis-
ráðherra, Kristján Þór Júlíusson,
og fjármálaráðherra, Bjarni Bene-
diktsson, þurfa að taka höndum
saman í þessu máli til þess að tryggja
heimahjúkrun nægilegt fjármagn. n
Heimahjúkrun er undirmönnuð
„Heimahjúkrun er
ekki aðeins fyrir
eldri borgara heldur fyrir
fólk á öllum aldri.
„Þessi einhver
prestur að
norðan var nú
málefnalegri og færði betri
rök fyrir hugsunum sínum
en þessi einhver Jón Gunnar
Geirdal.“
Sigurður Haraldsson var ekki
ánægður með ummæli Jóns
Gunnars Geirdal um skoðanir
Hildar Eirar á komu Jordans Belfort til
Íslands.
23
„Ég skil vel gremju
sorphirðumanna
með þennan
fréttaflutning í ljósi þess
að hér var um eðlilegar
skýringar um að ræða. Ég
vil hins vegar koma því á
framfæri að ég ber mikla
virðingu fyrir störfum
sorphirðumanna sem vinna
oft við afar erfiðar aðstæður
og þá sérstaklega á veturna.“
Verkalýðsforinginn
Vilhjálmur Birgisson skrifaði
athugasemdina við frétt um
mótmæli við höfuðstöðvar 365.
26
15
17
„Ég hef það
staðfest frá látnu
fólki að þessi
kona getur ekki talað við
neinn að handan og er bara
að þykjast.“
Húmoristi sem ber nafnið
Sjáandinn á Facebook
hæddist að frétt um konu sem
starfar sem miðill á Facebook.
„Svo eru sumir
sjálfstæðismenn
hissa á
slöku gengi hans [sic] í
skoðanakönnunum. Hvernig
er hægt að ætlast til þess,
að venjulegir launamenn,
aðrir en stjórnendur
fjármálafyrirtækja, sem nú
fá leyfi til að greiða fjórfalt
meir í bónusa en áður, kjósi
Flokkinn “
Bjarni Kjartansson skrifaði
athugasemdina við frétt um
boðaðar skattalækkanir.
„Þetta er á sama
tíma og Bjarni
ætlar að HÆKKA
skatta á t.d. matvæli. Það
er ljóst að þessi ríkisstjórn
vinnur einungis fyrir
auðmenn, ekki almenning.“
Haukur Kristinn Guðnason
var ómyrkur í máli við frétt um
fyrirhugaðar skattalækkanir.
11