Dagblaðið Vísir - DV - 30.05.2014, Qupperneq 12

Helgarblað 30. maí –2. júní 201412 Fréttir
Dagur næsti borgarstjóri
Spennan snýst um hvort Framsókn nái inn manni á kostnað Sjálfstæðisflokksins
A
llt stefnir í sigur Samfylk-
ingarinnar undir stjórn
Dags B. Eggertssonar í
borgarstjórnarkosningun-
um á laugardag. Flokk-
urinn mælist með yfir þrjátíu pró-
senta fylgi í könnunum sem tryggir
flokknum fimm eða sex fulltrúa
í borgarstjórn. Arftaki núverandi
samstarfsflokks Samfylkingarinnar
í meirihlutanum, Björt framtíð,
mælist svo með þrjá til fjóra menn
inni og er því meirihlutasamstarf
flokkanna tveggja nokkuð tryggt.
Hrun Sjálfstæðisflokksins er lík-
lega það merkilegasta í skoðana-
könnunum síðustu vikna en sam-
kvæmt síðustu könnun MMR, sem
birt var 26. maí síðastliðinn, var
flokkurinn á barmi þess að missa
sinn fjórða fulltrúa til Framsóknar-
flokksins og í könnun sem birt var
28. maí hafði flokkurinn misst full-
trúa til Framsóknar. Í könnun Fé-
lagsvísindastofnunar sem Morgun-
blaðið birti á fimmtudag var það
sama uppi á teningnum. Þar mæld-
ist Sjálfstæðisflokkurinn með 20,9
prósent en gangi það eftir þýðir það
sögulegt hrun flokksins í borginni.
Vinsælir þrátt fyrir
ákvarðanirnar
Þó að nústandandi kjörtímabil, sem
lýkur á laugardag, hafi einkennst af
talsvert meiri stöðugleika en það
síðasta, þegar fjórir mismunandi
aðilar gegndu stöðu borgarstjóra,
hafa ekki öll mál meirihlutans verið
vinsæl. Í Kosningaprófi DV, sem um
þrjátíu þúsund kjósendur hafa tek-
ið undanfarnar þrjár vikur, kemur í
ljós að meirihluti kjósenda er á önd-
verðum meiði við borgarstjóraefni
meirihlutaflokkanna tveggja í veiga-
miklum málum.
Eitt af stærstu málum kjör-
tímabilsins hefur verið nýtt aðal-
skipulag sem gerir ráð fyrir brott-
hvarfi flugvallarins og þéttingu
byggðar, svo dæmi séu tekin. Þetta
eru bæði Dagur B. og S. Björn Blön-
dal, oddviti Bjartrar framtíðar og
aðstoðarmaður núverandi borgar-
stjóra, sammála um að sé til heilla.
Meirihluti kjósenda er hins vegar
á því að flugvöllurinn eigi að vera
áfram í Vatnsmýrinni og að þétting
byggðar eigi ekki að verða á kostnað
byggingar nýrra hverfa.
Ris á síðustu metrunum
Augu flestra eru hins vegar á Fram-
sóknarflokknum sem virðist vera á
hraðri leið með að tryggja sér sæti
í borgarstjórn miðað við skoðana-
kannanir. Í kosningaspá doktors
Baldurs Héðinssonar sem hann
birtir reglulega á vefnum kosninga-
spa.is sést hvernig Framsóknar-
flokkurinn hefur risið hægt og ró-
lega í síðustu dögum. Ellefu dögum
fyrir kosningar sýndi kosningaspá
hans, sem byggir á birtum skoð-
anakönnunum Félagsvísindastofn-
unar Háskóla Íslands, Capacent og
MMR, 3,8 prósenta stuðning við
flokkinn en í spá sem hann birti 28.
maí var fylgið komið í 5,5 prósentu-
stig. Á sama tíma dregur úr fylgi
Sjálfstæðisflokks, Pírata og Vinstri
grænna, samkvæmt spánni. Píratar
og Vinstri græn halda þó sínum
manni inni.
Tveir aðrir flokkar bjóða fram í
borgarstjórnarkosningunum en eru
langt frá því að ná inn manni sam-
kvæmt þessu. Dögun mælist með
um tveggja prósenta fylgi og Al-
þýðufylkingin, sem hefur verið lítið
áberandi í aðdraganda kosning-
anna, mælist vart með fylgi, eða í
kringum 0,3 prósentustig.
Langt í næsta mann
hjá VG og Pírötum
Fulltrúar Pírata og Vinstri grænna
eru öruggir inni miðað við síðustu
kannanir en þeir eru ekki líklegir til
að ná inn öðrum fulltrúa. Fimmt-
ándi og síðasti maður inn í borgar-
stjórn samkvæmt nýjustu könnun
MMR og kosningaspá Baldurs er
Sveinbjörg Birna Sveinbjörnsdóttir,
oddviti Framsóknarflokksins.
Næst á eftir henni er svo fjórði full-
trúi Sjálfstæðisflokksins en þar á
eftir koma fulltrúar Samfylkingar
og Bjartrar framtíðar. Talsverðar
breytingar þarf til að koma inn
næsta fulltrúa Pírata en fulltrúi VG
er ekki í augsýn. n
Aðalsteinn Kjartansson
adalsteinn@dv.is
S. Björn Blöndal - Björt framtíð
„Það sem drífur okkar aðallega áfram er að þróa þessa borg áfram í þá átt
sem búið er að leggja línur að. Gera þetta að betri borg, alvöru borg, og auð-
vitað með þessum mannréttindavinkli. Við fögnum því að vera fjölbreytt.
Við þurfum ekki öll að vera eins. Styrkleikar okkar aukast svo rosalega ef við
áttum okkur á því að styrkurinn felst í fjölbreytninni. Þetta er ástæðan fyrir
því að við erum að þessu.“
Hjartans mál
oddvitanna
Foringjar framboðanna í
Reykjavík lýsa því hver þeirra
hjartans mál eru, hvaða mál
umfram önnur það eru sem
drífa þá áfram í baráttunni um
sæti í borgarstjórn.
Sveinbjörg B. Sveinbjörnsdóttir - Framsókn
Ekki náðist í Sveinbjörgu áður en DV fór í prentun þrátt fyrir margítrekaðar
tilraunir. Það sem hún og flokkurinn hafa helst talað um í aðdraganda
kosninga er að Reykjavíkurflugvöllur verði áfram í Vatnsmýri.
Sóley Tómasdóttir - Vinstri græn
„Mitt hjartans mál er að tryggja raunverulegt réttlæti í Reykjavík. Ef að við ætlum
að tryggja raunverulegt réttlæti í Reykjavík þá mismunum við ekki börnum eftir
efnahag foreldra þeirra, þá einkavæðum við ekki grunnþjónustuna eða þau
samfélagslegu fyrirtæki sem eru í eigu borgarbúa, þá umgöngumst við umhverfi og
náttúru þannig að komandi kynslóðir geti notið sömu lífsgæða og við, þá ölum við
ekki á fordómum og misrétti í samfélaginu heldur virðum rétt allra. Kannanir gefa
vísbendingu um að það sé raunveruleg hætta á að Vinstri græn detti út úr borgar-
stjórn. Það má ekki gerast. Skýrasti valkosturinn til að tryggja réttláta Reykjavík og
andstöðu við fordóma og misrétti er Vinstri græn. Það mun engin flokkur standa
með samfélaginu eins og Vinstri græn og rödd okkar má ekki þagna í borgarstjórn.“
Þorvaldur Þorvaldsson - Alþýðufylkingin
„Það er auðvitað almennt hagsmunir alþýðunnar, fyrir auknum jöfnuði og
réttlæti. Aftur á móti höfum við aðra skoðun á því en hefur verið ríkjandi. Við
teljum að félagslegar lausnir séu skilyrði fyrir því að árangur náist á þessu
sviði, auknum jöfnuði og réttlæti. Einmitt vegna þess að því hefur ekki verið
fylgt eftir á þann hátt stöndum við jafnvel verr en fyrir nokkrum árum.“
Halldór Halldórsson - Sjálfstæðisflokkurinn
„Mitt hjartans mál er að íbúarnir í borginni fái betri þjónustu en þeir fá í
dag án þess að það þurfi að kosta þá meira. Þess vegna þarf að gera betur í
rekstri borgarinnar því að góður rekstur, þegar öllu er á botninn hvolft, snýst
um hag borgarbúa.“
Þorleifur Gunnlaugsson - Dögun
„Ef ég tek eitt mál út þá er það að vinna lausnamiðað með þessa barnafátækt
sem er í borginni. Það er ekki líðandi í svona ríku samfélagi að sextán prósent
barna sé í mikilli hættu á að lenda í vandræðum vegna fátæktar. Það er algjör
óþarfi. Auðvitað er hægt að vinna með þetta á marga vegu en við leggjum til að
strax verði farið í tekjutengingar í gjaldskrá er snerta börn. Þá erum við að tala um
leikskólana, skólamáltíðir og frístundaheimili en einnig frístundakort svo að þessi
börn hafi möguleika á því að stunda íþróttir og tómstundir á við önnur börn.“
Halldór Auðar Svansson - Píratar
„Mínu hjartans máli mætti í raun lýsa með slagorðinu „Ekkert um okkur
án okkar“ sem Öryrkjabandalagið setti sér og ýmis önnur réttindasamtök
hafa tekið upp á sína arma. Þetta þýðir að allir eigi að hafa rétt á aðkomu
að málum sem þá varða. Í allri stjórnsýslu eru einhverjir að taka ákvarðanir
um málefni einhverra annarra og þá þarf alltaf að hafa virkt samráð til að
tryggja að þessar ákvarðanir séu eitthvað sem viðkomandi geta unað við.
Grundvöllur allra samfélaga verður að vera eins konar sáttmáli þar sem
virðing fyrir réttindum og mannhelgi allra einstaklinga er höfð að leiðarljósi.
Í borginni er brýnasta málið að opna stjórnsýsluna fyrir ytra aðhaldi og auka
aðkomu íbúanna að ákvarðanatöku.“
Dagur B. Eggertsson - Samfylkingin
„Það eru húsnæðismálin. Þau hafa tekið mestan tíma minn á þessu á kjör-
tímabili og munu gera það áfram. Ég sogast að því sem kalla mætti pólitík
hins daglega lífs og þetta er mjög brýnt verkefni sem margir finna fyrir, eiga
erfitt með að láta enda ná saman. Það bara vantar fjölbreyttara húsnæði.
Bæði til að kaupa en sérstaklega að leigja og það er gagnvart leiguhlutan-
um sem borgin hefur hlutverki að gegna.“