Dagblaðið Vísir - DV - 30.05.2014, Síða 65

U m s j ó n : Á s g e i r J ó n s s o n / a s g e i r @ d v . i s
Til hamingju með
daginn sjómenn!
Baldursgötu 14 | sími: 552 3939 | www.3frakkar.com
T
ónlistarmaðurinn Kristján
Kristjánsson, KK, hefur
stundað strandveiðar í nokk­
ur ár á trillunni sinni, Æðru­
leysinu. Blaðamaður DV sló
á þráðinn til KK og spurði hann út
í áhugann á sjómennskunni, sem
reyndar fær að sitja á hakanum um
þessar mundir á meðan að ný plata
fæðist.
„Ég fór nokkrar ferðir á togara í
gamla daga. Svo hef ég átt trillu í rúm­
lega tíu ár og stundað strandveiðar
nokkur sumur,“ segir KK aðspurð­
ur um áhuga sinn á sjómennsku
og bætir við að það sé erfitt fyrir Ís­
lendinga að vera ekki í snertingu við
hafið á einhvern hátt. „Þegar þú býrð
svona á eyju úti á hafi þá fangar sjór­
inn athygli þína. Þú kemst ekkert hjá
því. Hafið bláa hafið hugann dregur.“
KK gaf í fyrra út plötuna Úti á sjó
ásamt Magnúsi Eiríkssyni, sem þeir
tileinkuðu íslenskum sjómönnum.
KK segir starf sjómannsins virðingar­
vert og í raun vanmetið. „Ég man
alltaf eftir því hvað ég varð fyrir mikl­
um vonbrigðum þegar það átti að
velja mann aldarinnar um síðustu
aldamót. Að það skuli ekki hafa verið
sjómaðurinn,“ segir KK glettnislega
og bætir við að sjómenn eigi lof skilið
fyrir störf sín. „Ef þú ferð hundrað
eða þúsund ár aftur í tímann, frá því
að Ingólfur Arnarson kom hingað og
land byggðist, þá hefur engin stétt
manna fórnað meiru fyrir þessa þjóð
heldur en sjómenn.“
KK segir þó að sem betur fer hafi
starf sjómannsins orðið auðveldara
og öruggara með framförum í tækni.
„Staðsetningarbúnaður og veður­
athuganir eru orðnar miklu ná­
kvæmari í dag en þær voru fyrir bara
nokkrum árum. Ég man það bara
sem krakki og unglingur þegar togar­
ar voru að farast á hverjum vetri,
ýmist íslenskir eða erlendir togarar.
Það var bara árlegur viðburður. En
það er orðið miklu sjaldséðara, sem
betur fer. En þegar maður er úti á sjó
þá veistu aldrei hvað getur skeð, þú
getur fengið á þig brotsjó og ýmislegt
getur farið úrskeiðis,“ segir KK.
Það er kannski ekki furða að sjó­
mennskan sé svona rótgróin í ís­
lenska menningu að sögn KK.
„Ísland er náttúrulega bara ein alls­
herjar sjávarbyggð, þetta eru bara
firðir og hafnir hérna allan hringinn.
Það eru einstaka staðir sem hafa ekki
hafnir, kannski helst Egilsstaðir og
Kirkjubæjarklaustur,“ segir hann og
hlær. n jonsteinar@dv.is
Engin stétt fórnað meiru
fyrir þjóðina en sjómenn
Tónlistarmaðurinn KK segir starf þeirra virðingarvert og oft vanmetið
30. maí 2014
Sjómannadagur