Dagblaðið Vísir - DV - 05.09.2014, Blaðsíða 6

Helgarblað 5.–8. september 20146 Fréttir
„Skólabókar-
dæmi um einelti“
n Einelti og útskúfun Snorra í Betel n Uppsögn sögð byggð á misskilningi
E
inar Gautur Steingrímsson,
lögmaður Snorra Óskarsson-
ar, sem kenndur er við Betel,
segir að uppsögn Snorra sem
kennara við Brekkuskóla á
Akureyri hafi verið endastöð einelt-
is og útskúfunar sem skjólstæðingur
hans hafi orðið fyrir af hálfu skóla-
stjórnenda.
Hinn 26. júlí síðastliðinn var mál
Akureyrarbæjar gegn Snorra þing-
fest í Héraðsdómi Norðurlands
eystra. Snorra var, eins og frægt er
orðið, sagt upp sem kennara við
Brekkuskóla árið 2012 vegna skrifa
um samkynhneigð á bloggi sínu.
Innanríkisráðuneytið úrskurðaði í
apríl síðastliðnum að uppsögn sem
og áminning sem hann fékk hafi
verið ólögmæt. Akureyrarbær unir
ekki þeirri niðurstöðu og fer fram á
ógildingu úrskurðar.
Í greinargerð Einars Gauta
eru færð rök fyrir því að brott-
rekstur Snorra hafi verið byggð-
ur á misskilningi á orðum Snorra.
Þar er því enn fremur haldið fram
að Snorri sé fórnarlamb fordóma. Í
samtali við DV segist Snorri vonast
til að málið verði leitt til lykta fyr-
ir jól.
Kunnáttuleysi í kenningum
kirkjunnar
Lögmaður Snorra telur áminningu
sem hann fékk í starfi vera verulega
gallaða þar sem ekki sé sannað að
skoðanir Snorra hafi haft áhrif á vel-
ferð barnanna. Auk þess eru færð
rök fyrir því að áminningin hafi ver-
ið grundvölluð á fordómum í garð
Snorra. Sú áminning var fyrst og
fremst byggð á bloggfærslu Snorra
um hatursmorð gegn samkyn-
hneigðum í Úganda. „Kunnáttu-
leysi eða fótaskortur stefnanda í
grundvallarkenningum evangel-
ískra kirkna (þ.m.t. lútersku) olli því
að hann las textann svo skelfilega
vitlaust að hann taldi stefnda vera
að draga í dilka með þeim hætti að
yfir samkynhneigðum vofði einhver
sérstök refsing frá Guði, á sama tíma
og stefndi raunverulega var að fjalla
um afleiðingar synda almennt,“ seg-
ir í greinargerð Einars Gauta.
Fer fjarri að guð refsi samkyn-
hneigðum sérstaklega
Enn fremur er skilningsleysi skóla-
yfirvalda á játningaritum lútersku
kirkjunnar harðlega gagnrýnt.
Snorri hafi gert ráð fyrir því að þar
sem þau rit eru á námskrá grunn-
skóla gætu orð hans ekki misskilist.
„Stefnanda [Akureyrarkaupstað,
innsk. blm.] virðist hafa vantað
þennan grunn þegar hann afbak-
aði blogg stefnda og taldi að Guð
myndi draga syndir í dilka og refsa
samkynhneigðum sérstaklega. Slík-
ur skilningur er víðs fjarri því sem
stefndi var að reyna að segja og víðs-
fjarri kenningum hvítasunnumanna
sem og evangelískra manna. Í þeirra
guðfræði eru allir menn undir sömu
sök seldir, háir sem lágir,“ segir í
greinargerð.
Valdníðsla og einelti
Lögmaður Snorra dregur þá álykt-
un að ekki sé hægt að líta á uppsögn
hans sem annað en lokaþátt í einelti
og útskúfun. „Valdníðslu hefur ver-
ið beitt til að losa skólayfirvöld við
eitthvað sem þeim þótti óþægilegt,“
segir í greinargerð. Einar Gautur
telur að skólastjórnendur hafi
brotið vinnuverndarlög með ein-
elti sínu í garð Snorra. Það að hafa
flutt Snorra úr kennslu, sem starf-
að hefur sem kennari um áratuga-
skeið og var skólastjóri einn vetur,
yfir í bókasafnið þar sem hann hafi
átt að lesa fyrir börnin „yndislestur“
hafi verið niðurlægjandi og „skóla-
bókardæmi um einelti á vinnustað“.
Því næst hafi ákveðnum árgöngum
verið haldið fjarri Snorra og hann
settur í launað leyfi frá störfum.
Snorri var því næst boðaður á fund
í ráðhúsi Akureyrar þar sem hon-
um var tjáð að ekki væri óskað eftir
hans starfskröftum og honum boðin
starfslokasamningur. Að lokum var
Snorri rekinn.
Gleymdist að huga að einelti
kennara
Snorri segir í samtali við DV að
hann hafi ekki kveikt á strax á per-
unni að um væri að ræða einelti í
hans garð. „Eins og einelti og að-
ferðirnar við það eru skilgreindar;
setja í einangrun, menn fá ekkert að
vita, og það er lokað á upplýsingar,
þú hefur ekki hugmynd um hvað er
í gangi. Þá er þetta einelti. Þetta átti
skólinn að vita því við erum búin að
starfa samkvæmt Olweusaráætlun-
inni. Allir kennarar eru menntaðir
í einmitt þessum aðferðum, að sjá
þetta hjá nemendum. Það kannski
gleymdist að beina sjónum að okk-
ur sjálfum,“ segir Snorri.
Trúaðir verða fyrir fordómum
Snorri segir marga í samfélaginu
verða fyrir fordómum og trúaðir
einstaklingar séu engin undantekn-
ing frá því. „Það eru fleiri sem verða
fyrir fordómum en það sem er kall-
að gjarnan fordómar gegn samkyn-
hneigðum. Við trúaðir höfum orðið
fyrir þessu mjög lengi,“ segir Snorri.
Hann segir enn fremur mikilvægt
að fá niðurstöðu um hvort upp-
sögn hans hafi verið lögmæt, burt
séð frá því hvort hún verði hon-
um í hag. „Ég held að það sé mjög
nauðsynlegt að öll svona mál séu til
lykta leidd á opinberum vettvangi.
Það er allt í lagi að samfélagið fái að
tjá sig um hvernig við högum okk-
ur. Það hefur verið svo undanfarið
að kristnum gildum hefur verið ýtt,
leynt og ljóst, út úr samfélaginu.“ n
Hjálmar Friðriksson
hjalmar@dv.is
Ósáttur
Snorri segist ekki hafa áttað
sig á því strax að um einelti í
hans garð væri að ræða.
„Það hefur
verið svo undan-
farið að kristnum gildum
hefur verið ýtt, leynt og
ljóst, út úr samfélaginu.
Lokuninni aflétt
Lögreglustjórinn á Húsavík, í
samvinnu við almannavarna-
deild ríkislögreglustjóra, hefur
ákveðið að aflétta innri lokun
næst gosstöðvunum í Holuhrauni
og munu vísindamenn og fjöl-
miðlar á svæðinu geta farið aftur
að þeim. Þetta er gert með þeim
fyrirvara að það gæti komið til
þess að rýma aftur ef aðstæð-
ur breytast. Sem fyrr á þessi að-
gangsheimild einungis við um
vísindamenn og fjölmiðlafólk.
Svæðinu var lokað vegna mik-
ils óróa, sem kom fram á mælum
og ekki var hægt að staðsetja eða
útskýra með vissu. Óróinn gekk
niður á miðvikudagskvöld og
hafði ekki orðið vart í sama mæli
aftur þegar þetta var skrifað.
Svarar
fullum hálsi
Oddviti Pírata ósáttur við Moggann
Halldór Auðar Svansson, borg-
arfulltrúi Pírata, er harðorður í
garð Morgunblaðsins á Face-
book-síðu sinni í dag. Í Stakstein-
um blaðsins, nafnlausum dálki
ritstjórnar, er fullyrt að Halldór
fái „greitt með vel launuðu gælu-
verkefni“ fyrir að þaga um það
að fulltrúar hinna flokkanna vilji
ekki „veita almenningi upplýs-
ingar um starfsemi borgarinnar
og fyrirtækja hennar“.
Halldór kveðst þegar hafa
svarað þeim „rógburði“ sem
fram kemur í Staksteinum í dag.
„Það gerði ég til dæmis úr ræðu-
stóli á borgarstjórnarfundi síð-
astliðinn þriðjudag. Þar áréttaði
ég að minn eigin fjárhagslegur
ávinningur af formennsku minni
í stjórnkerfis- og lýðræðisráði er
enginn,“ segir Halldór.
„Í stað fréttamennsku þar
sem því er sýndur raunverulegur
áhugi að komast að því hver nýt-
ur hvaða launa vegna umrædds
'gæluverkefnis' fer Morgunblað-
ið þá leið að henda fram algjör-
lega rakalausum ósannindum í
ritstjórnarpistli, hannaðar til að
skaða orðspor og heiður fólks að
ósekju,“ segir Halldór enn fremur
og spyr: „Fyrirfinnst einhver sem
hugnast svona vinnubrögð?“