Dagblaðið Vísir - DV - 05.09.2014, Síða 16

16 Fréttir Helgarblað 5.–8. september 2014
Sendiherra Kína
á íSlandi horfinn
n Ma Jisheng fór af landi brott í janúar n Ekkert heyrst frá honum síðan n Engin svör frá sendiráði Kína
M
a Jisheng, sendiherra Kína
á Íslandi, er horfinn. Ekk-
ert hefur heyrst né spurst
til hans í rúma sjö mánuði.
Þetta herma heimildir DV
innan úr kínverska sendiráðinu, sam-
félagi Kínverja hér á landi sem og úr
íslensku utanríkisþjónustunni. Ma
fór af landi brott hinn 23. janúar síð-
astliðinn en hugðist snúa aftur í mars.
Ekkert varð af heimkomu og engin
svör fást frá kínverska sendiráðinu um
afdrif hans. Fjölskylduveikindi eða
spillingarmál eru nefnd til sögunnar
sem mögulegar ástæður en engar op-
inberar skýringar hafa verið gefnar út
vegna starfsloka sendiherrans. Þeim
sem þekkja til er nokkuð brugðið.
Urður Gunnarsdóttir, upplýsinga-
fulltrúi utanríkisráðuneytisins, segir
í skriflegu svari við fyrirspurn DV að
kínverska utanríkisráðuneytið hafi til-
kynnt því íslenska í maí að Ma myndi
ekki snúa aftur til starfa á Íslandi.
„Við búum ekki yfir frekari upplýs-
ingum, öðrum en þeim að staðgeng-
ill sendiherra sé Chen Laiping,“ seg-
ir enn fremur í svarinu. Chen hefur
starfað sem sendiráðsritari kínverska
sendiráðsins í rúmt ár en á heima-
síðu sendiráðsins er Ma enn þá titlað-
ur sendiherra.
„Eitthvert vandræðamál“
Eins og fyrr segir fór Ma af landi brott
hinn 23. janúar síðastliðinn. Haft
hefur verið eftir formanni Kínversk-
íslenska menningarfélagsins, að
hann hefði átt ágætis samtal við Ma
skömmu áður. Þar hafi verið ákveðið
að sendiherrann myndi funda með
fulltrúum Kínversk-íslenska menn-
ingarfélagsins þegar hann kæmi aftur
til landsins í mars.
Að sögn heimildarmanns fengust í
fyrstu þær upplýsingar að fjölskyldu-
veikindi væru sennilega ástæðan fyr-
ir seinkun heimkomunnar, móðir
sendiherrans lægi fyrir dauðanum.
Þessi skýring þykir þó ekki halda vatni
enda hermir annar heimildarmaður
blaðsins að haft sé eftir kínverskum
sendiráðsstarfsmönnum að ekki hafi
náðst í sendiherrann, hvorki í síma
né eftir öðrum leiðum, og að þeir viti
í rauninni ekkert hvað hafi gerst. „Það
fær engin frí frá skyldum sínum enda-
laust,“ segir annar sem furðar sig á
málinu.
Frá því í apríl hafa verið háværar
sögusagnir á kreiki í kínverska sam-
félaginu á Íslandi þess efnis að hvarf
Ma megi rekja til spillingarmála sem
hann hafi flækst inn í. „Eitt er víst að
hér er um eitthvert vandræðamál að
ræða sem virðist vera erfitt að fá botn
í,“ segir einn heimildamaður blaðsins.
Tekin til yfirheyrslu?
DV hafði samband við kínverska
sendiráðið á miðvikudag og spurði
um afdrif sendiherrans. Ritari sendi-
ráðsins bað blaðamann um að senda
skriflega fyrirspurn. Sú fyrirspurn
hljóðar svo: „Ma Jisheng, sendiherra
Kína á Íslandi, fór frá Íslandi þann
23. janúar síðastliðinn. Hann hugð-
ist koma heim í mars en gerði ekki, og
það er engin leið að ná í hann. Hvar
er sendiherrann?“ Engin svör höfðu
borist seinni part fimmtudags þrátt
fyrir að fyrirspurnin hafi verið ítrekuð
margsinnis í síma og í tölvupóstum.
Þegar blaðamaður náði aftur sam-
bandi við ritara sendiráðsins fékkst
eftirfarandi svar: „Ég er búinn að tala
við fólkið sem stýrir svona löguðu og
svarið er að þessu verður ekki svarað á
þessum tímapunkti.“
Málið þykir hið furðulegasta enda
ekki á hverjum degi sem sendiherr-
ar hverfa sporlaust og án allra útskýr-
inga. DV hefur heimildir fyrir því að
þeir sem þekki best til málsins telji
mögulegt að Ma hafi verið tekinn
til yfirheyrslu vegna spillingarmála
sem hann hafi flækst í. Þar eru eink-
um nefnd til tvö mál: Hugsanleg af-
skipti hans af vegabréfsáritunum Jap-
ana til Kína á meðan hann starfaði við
sendiráðið í Japan en gríðarlega mikl-
ir fjármunir fara þar í gegn vegna þess
fjölda Japana sem heimsækir Kína á
hverju ári.
Hin ástæðan er talin vera sú að
hann hafi ekki gætt sín á meðan hann
var upplýsingastjóri kínverska utan-
ríkisráðuneytisins áður en hann fór
til Íslands. Þannig hafi hann jafnvel og
hugsanlega í ógáti gefið einhverjum
einhverjar upplýsingar sem ekki stóð-
ust skoðun kínverskra stjórnvalda.
Ekki á lista
Mikil herferð hefur verið í gangi gagn-
vart spilltum embættismönnum í
Kína síðan Xi Jinping tók við forseta-
stóli í mars á síðasta ári. Sumir halda
því fram að forsetinn sé með þessum
hætti að tryggja völd sín á meðan aðr-
ir vilja meina að með þessu sé verið
að ráðast að rótum ýmiss konar spill-
ingarvanda í kínverska kerfinu. Ljóst
er að almenningur bindur miklar von-
ir við þessar aðgerðir og því er það mat
margra að forsetanum megi ekki mis-
takast þetta ætlunarverk sitt.
Hvort hvarf sendiherrans tengist
þessum aðgerðum er þó alls óljóst en
víst er að málið vekur ýmsar spurn-
ingar. Þeir sem DV hefur rætt við
benda á að hann finnist ekki á lista yfir
embættismenn sem hafa verið leyst-
ir úr embætti vegna spillingarmála.
„Þannig að það getur vel verið að það
sé af einhverjum ástæðum ákveðið
að þagga þetta mál niður en þó með
þeim hætti að hann virðist missa þá
stöðu sem hann hefur.“
Víðtæk reynsla
Ma Jisheng fæddist árið 1957 í Kína
og er því 57 ára gamall. Hann er með
meistaragráðu í sagnfræði og hef-
ur starfað í kínversku utanríkisþjón-
ustunni frá árinu 1988, meðal annars
sem sendiráðsfulltrúi í sendiráðum
Kína í Indónesíu og Japan. Hann tók
við sem sendiherra Kína á Íslandi
haustið 2012 og virkaði að sögn heim-
ildarmanna blaðsins almennt vel á
fólk.
Hinn 22. janúar, eða daginn áður
en sendiherrann yfirgaf landið, sagði
hann í samtali við fréttastofu Stöðv-
ar 2 að innkoma kínversks ríkisolíu-
félags á Drekasvæðið væri nýr áfangi
og nýtt upphaf í samskiptum ríkj-
anna. Þá birtist aðsend grein und-
ir hans nafni í Fréttablaðinu hinn 13.
febrúar síðastliðinn. Þar svaraði hann
sendifulltrúa japanska sendiráðsins á
Íslandi en þeir höfðu staðið í ritdeil-
um mánuðinn á undan. DV fjallaði
um málið hinn 16. janúar með þeim
orðum að áróðursstríð Kínverja gegn
Japönum hefði náð til Íslands. Líklegt
þykir að einhver annar hjá sendiráð-
inu hafi skrifað umræddar greinar þó
hann hafi verið merktur fyrir þeim.
Eftir þetta hefur ekkert birst í hans
nafni hér á landi en á heimasíðu kín-
verska sendiráðsins er ekki að finna
upplýsingar um starfslok hans. Vin-
ir og kunningjar sendiherrans eru að
vonum áhyggjufullir vegna málsins
enda hefur fólk honum nákomið ekk-
ert heyrt frá honum síðan hann yfirgaf
landið. n
Jón Bjarki Magnússon
jonbjarki@dv.is
Vel liðinn Ma Jisheng tók við sem sendiherra Kína á Íslandi haustið 2012 og var almennt vel
liðinn. Á myndunum má meðal annars sjá hann með Ólafi Ragnari Grímssyni, forseta Íslands,
Jóhönnu Sigurðardóttur, fyrrverandi forsætisráðherra, og Hönnu Birnu Kristjánsdóttur
innanríkisráðherra.
Engin svör DV hefur
ítrekað leitað viðbragða
hjá kínverska sendiráð-
inu en án árangurs. Á
heimasíðu sendiráðsins
er Ma Jisheng enn
titlaður sendiherra Kína
á Íslandi.
Mynd SigTryggur Ari
„Ég er búinn að
tala við fólkið sem
stýrir svona löguðu og
svarið er að þessu verð-
ur ekki svarað á þessum
tímapunkti