Dagblaðið Vísir - DV - 15.08.2008, Qupperneq 46

föstudagur 15. ágúst 200846 Ferðir DV
Á ferðinni
SalerniSpappírinn með
Þegar farið er í ferðalag er gott að taka með
sér salernispappír, hvort sem er í bílnum
eða bakpokanum. Ein til tvær rúllur geta
komið að góðum notum ef maður sullar
einhverju niður á sig eða er kámugur á
höndunum. Pappírinn kemur sér samt best
þegar maður þarf að gera sínar þarfir utan-
dyra eða á almenningsklósettum þar sem
er enginn er pappírinn. umsjón: ásgEir jónsson asgeir@dv.is
Engin götumErki
í AnsAnborg
Thelmu Hafþórsdóttur kom það skringilega fyrir sjónir í Ansan í Suður-Kóreu að pör voru í eins fötum
og að heimamenn drukku alltaf kaffi og aðra heita drykki með röri til að passa litinn á tönnunum. Hún
segir að borgin sé eins og sveit þrátt fyrir að vera mjög stór.
„Ég fór út til að hitta vinkonu
mína sem er kennari þarna úti.
Hún er að kenna suðurkóresk-
um börnum í Ansan ensku. Vin-
kona mín var að vinna á daginn og
því var ég mikið ein yfir daginn og
það er rosalega erfitt að vera ein
í svona stórri borg. Ég var frekar
ósjálfbjarga í borginni en ég lærði
svo margt af því og hefði ekki viljað
sleppa þessari ferð,“ segir Thelma
Hafþórsdóttir söngkona og ferða-
langur. „Ég ákvað í júní að fara út
og það gekk rosalega vel að fá flug
og ég var með fría gistingu og því
ákvað ég bara að slá til.“
menningarsjokk
Í borginni Ansan sem Thelma
fór til var ekki mikið gert fyrir ferða-
menn og þar talar enginn ensku.
Vinkona hennar var búin að vara
hana við að hún gæti fengið menn-
ingarsjokk þegar hún kæmi og var
Thelma búin að undibúa sig fyrir
það.
„Vinkona mín var búin að segja
mér að ég ætti að koma með opn-
um huga og ég reyndi það. Ég var
nú búin að gera mér grein fyrir því
þetta væri ekki eins og heima á Ís-
landi. Það sem kom mér mest á
óvart var að það voru engin götu-
nöfn, þeir styðja sig bara við bygg-
ingar og kennileiti. Það fannst
mér ekki alveg meika sens.“ segir
Thelma. „Það var líka frekar fynd-
ið að pör voru í eins fötum og það
þykir þeim rosalega eðlilegt. Það
var nú líka eitthvað sem meikaði
alveg sens hjá þeim, meðal ann-
ars drekka þeir alltaf kaffi og heita
drykki með röri til að passa litinn á
tönnunum.“
Fiskur nánast í öllum mat
„Borgin sem ég var í var hálf-
gerð sveit en þó var þetta mjög
stór borg. Þegar ég var ein snérist
ég bara í hringi og ég gat eiginlega
ekki fengið mér að borða. Ef ég fékk
mér eitthvað að borða var það eitt-
hvað miður gott,“ segir Thelma. „Ég
pantaði mér einu sinni samloku og
hún átti að vera góð samloka með
skinku og osti. Þegar ég fékk sam-
lokuna var búið að setja sykrað
mæjones á milli. Ég borðaði hana
en var bara fegin að það var ekki
búið að setja fisk á hana.“
Í Suður-Kóreu er mikið um
fiskafurðir og nota þeir fisk í marga
rétti sína. „Ég pantaði mér einu
sinni rjómapasta með skinku og
sveppum og það voru fiskihrogn
í því, svo fékk ég einu sinni græn-
metispiítsu og það var smokkfiskur
á henni. Ef þú fílar ekki fisk getur
þú varla verið þarna í langan tíma,“
segir Thelma um mataræðið.
Útilega í Suður-Kóreu
Thelma fór í útilegu í Suður-
Kóreu með vinkonu sinni og vinum
hennar. „Ég hef mjög gaman af því
að fara í útilegur og er er mikil úti-
legumanneskja, því fannst mér al-
veg frábært að fara í útilegu þarna
úti. Útilegan var mjög svipuð og úti-
lega hjá flest öllum, sofið er í tjaldi,
grillað og hlustað á tónlist. Það sem
var skrítið við útileguna var að ég
gat labbað niður á strönd og fengið
mér Sangríu og haft það gott,“ segir
Thelma. „Og sólarstandarútilega er
eitthvað sem maður er ekki vanur
heima á Íslandi,“ bætir hún við.
líkamsrækt í miklum hitum
Thelma er menntaður einka-
þjálfari og hefur gaman af því að
hreyfa sig. Hún og vinkona hennar
ákváðu að fara í boxtíma. „Það var
alveg æðislegt að fara í boxið en það
er ekki típískt fyrir Suður-Kóreu. Ég
stunda sjálf mikla líkamsrækt og er
einkaþjálfari að mennt en ég hef
aldrei lent í eins góðri brennslu,“
segir Thelma. „Suður-Kóreubúar
trúa því að þú brennir meira því
sem hitinn er meiri, þannig að oft-
ast er bara ein vifta á líkamsrækta-
stöðvunum .“
Góð ferð en of mikil breyting
Þegar Thelma rifjar upp ferða-
sögu sína koma margar skemmti-
legar sögur upp í hugann og margt
sem situr eftir hjá henni. Þar sem
hún fór ekki út sem hefðbundinn
ferðamaður eða með leiðsögu-
mann með sér átti hún erfitt með
að gera sig skiljanlega, þar sem
nánast enginn talar ensku. „Ferð-
in var rosalega ólík öllu því sem ég
hef upplifað. Þetta var alveg frá-
bær ferð en kannski aðeins of mikil
breyting,“ segir Thelma.
Thelma hafði orð á því að þó
breytingarnar séu mjög mikl-
ar, borgin stór og fjöldi fólks út
um allt, séu borgarbúarnir mjög
heiðarlegir. „Þú gast nánast skilið
veskið þitt eftir á borðinu og far-
ið að borga, því þeir eru svo rosa-
lega heiðarlegir. Það er líka enginn
perraskapur í þeim og þeir voru
ekki að stela af þér munum og því
ertu á margan hátt öruggari þarna
en í löndum eins og Spáni en ég
hef sjálf verið búsett þar,“ segir
Thelma að lokum sátt með ferða-
lagið.
Flestir sem ferðast til
Asíu fara þangað sem
ferðamenn. Thelma
Hafþórsdóttir fór í
heimsókn til vinkonu
sinnar í Suður-Kóreu og
upplifði borgina á ann-
an hátt en venjulegur
ferðamaður.
Falleg náttúra Það þarf ekki að fara langt út fyrir borgina til að finna fallega náttúru.
Ferðalangurinn thelma Hafþórsdóttir fór til suður-Kóreu til að heimsækja
vinkonu sína.