Gerðir kirkjuþings - 1992, Qupperneq 178

1992
23. Kirkjuþing
22. mál
T I L L A G A
til þingsályktunar um skipan nefndar til aö ijalla um
verkaskiptingu sóknarnefnda, sóknarpresta, safnaöa og
kirkjustjómar og úrvinnslu ágreiningsmála.
Flm. sr. Jón Bjarman og sr. Karl Sigurbjömsson
Frsm. sr. Karl Sigurbjömsson
Kirkjuþing 1992 ályktar að fara þess á leit við biskup og kirkjuráö að hafa
forgöngu um skipan nefndar til að gera úttekt á lögum og reglum og hefðum sem
gilda um verkaskiptingu sóknamefnda, sóknarpresta og safhaða svo og
kirkjustjómarinnar, og að gera tillögur um úrbætur sem forðað gætu því að eðlilegur
ágreiningur þróist í alvarleg átök kirkjunni til ógagns og hneisu. Gerð verði sérstök
könnun á málavöxtum og framvindu þeirra deilna sem mest hafa verið áberandi nú
undanfarin ár.
Leitað verði eftir tilnefningum eftirfarandi aðila í nefndina auk fulltrúa kirkjuráðs:
Kirkjumálaráðherra, sem verði oddviti nefndarinnar, Prestafélags Islands, Guðfræðideild
Háskóla Islands, kirkjuþings (fulltrúa leikmanna).
Greinargerð
Undanfarin ár hafa hvað eftir annað komið upp alvarlegir árekstrar í söfnuðum
þjóðkirkjunnar. Atök þau er urðu á ísafirði í kjölfar þess er sóknarkirkjan brann eru
enn í fersku minni, svo og deilur milh' sóknarprests, starfshðs og sóknamefndar í
Keflavík og hin alvarlegu átök um kirkjubyggingu í Digranessöfnuði. I öllum þessum
tilvikum hafa komið í ljós gallar á stjómunarmynstri kirkjunnar og úrræði
kirkjustjómarmnar reynst afar takmörkuð til að grípa inn í og ná sáttum og samstöðu.
Brýnt er að leita leiða til að koma í veg fyrir að eðlileg ágreiningsmál nái að þróast
með slíkum hætti og valda óbætanlegu tjóni fyrir þá einstaklinga sem hlut eiga að máli
og kirkjuna alla. ítrekað skal 15. mál Kirkjuþings 1991 um handleiðslu starfsmanna
kirkjunnar og fullyrt að hefði kirkjan búið yfir slíkum úrræðum hefði mátt afstýra
mörgum vanda er snertir samskipti og verkaskiptingu.
Máhð var sameinað 6. máh og vísast til afgreiðslu þess.
173