Gerðir kirkjuþings - 2006, Qupperneq 74

fluttist til Prestssetrasjóðs og höfðu eða kunna að hafa í för með sér íjárskuldbindingar
fyrir sjóðinn.
Samkomulag er með aðilum um að í uppgjöri þessu felist einnig að bættur hafi
verið sá umsýslu- og stjómunarkostnaður sem Prestssetrasjóður hefur haff af rekstri
sjóðsins eftir að dóms- og kirkjumálaráðuneytið hætti að kosta umsýslu með honum.
Sama gildir um þarrn lögfræði- og málskostnað sem Þjóðkirkjan kann að bera í
framtíðinni við að leiða nánar í ljós réttindi eða skyldur sem tengjast umræddum
jörðum.
6. gr.
Með samkomulagi þessu em ekki afhentar aðrar eignir en þær sem nú em á
forræði Prestssetrasjóðs. Hjáleigur prestssetursjarða, nýbýli, lóðir og jarðarhlutar sem
skipt hefur verið úr hinum afhentu jörðum ganga ekki til Þjóðkirkjunnar né andvirði
fýrir sölu þeirra nema þess sé sérstaklega getið í samkomulagi þessu, sbr. III. Kafla.
Önnur prestssetur, ásamt því sem þeim fýlgdi og aðrar eignir og skuldbindingar
ríkisins vegna prestssetra, teljast með kirkjueignum, sem afhentar vora með
kirkjujarðasamkomulaginu frá 10.1.1997. Jörðin Þingvellir er þar meðtalin og skal hún
vera eign íslenska ríkisins. Kirkjan þar er eign íslenska ríkisins, sem sér um búnað
hennar og viðhald, ásamt því að veita aðstöðu fyrir sóknarprest í tengslum við
kirkjuathafrdr.
7. gr.
Prestssetursjarðir, sem afhentar era, miða við landamerki jarða eins og þau era
talin vera í dag og er Þjóðkirkjunni kunnugt um að niðurstöður Óbyggðanefhdar og/eða
dómstóla skv. lögum nr. 58/1998, um þjóðlendur og ákvörðun eignarlanda, þjóðlenda
og afrétta, kunna að breyta þeim landamerkjum.
Séu á umræddum jörðum byggingar eða aðrar eignir sem ekki hafa verið í eigu
eða umsjá Prestssetrasjóðs fýrir samkomulag þetta, s.s. skólabyggingar, íbúðarhús eða
önnur mannvirki, skal Þjóðkirkjan útmæla slíkum mannvirkjum hæfilega lóð og gera
lóðarsamning við eiganda eða umsjónaraðila mannvirkisins.
Þjóðkirkjan tekur við eignunum að öðra leyti í því ástandi, sem þær era í, við
undirritun samkomulags þessa og sættir sig við að fullu.
8. gr.
Nú rís ágreiningur um efhi eða túlkun samkomulagsins milli aðila þess, t.d.
varðandi eignir, landamerki, hlunnindi eða ítök einstakra prestssetursjarða, og skal þá
þriggja manna gerðardómur útkljá slík deilumál, enda verði gerðardómsmál höfðað
fyrir árslok 2010.
Gerðardómurinn skal skipaður einum fulltrúa tilnefndum af fjármálaráðuneytinu,
einum tilnefndum af Þjóðkirkjunni og einum skipuðum af Héraðsdómi Reykjavíkur.
Um gerðardóm þennan og um skiptingu málskostnaðar fýrir honum fer að öðra
leyti samkvæmt lögum nr. 53/1989, um samningsbundna gerðardóma.
Sé ágreiningur þess eðlis að hann varði eignir, hlunnindi, ábúð, ítök, landamerki
o.fl. sem snúi að öðrum en ríkisaðilum, eða gerðardómsmál skv. 1. mgr. 8. gr. og mál
72