Peningamál - 01.11.2007, Blaðsíða 60

P
E
N
I
N
G
A
M
Á
L

2
0
0
7
•
3
60
ÞRÓUN OG HORFUR
Í EFNAHAGS- OG PENINGAMÁLUM
Viðauki 2
Könnun á mati sérfræðinga á fjármála-
markaði á horfum í efnahagsmálum
Fyrir hverja útgáfu Peningamála kannar Seðlabankinn mat sérfræð-
inga á horfum í efnahagsmálum. Könnunin var gerð um miðjan októ-
ber og voru þátttakendur Askar Capital hf. og greiningardeildir Glitnis
hf., Kaupþings hf. og Landsbanka Íslands hf. Helstu breytingar frá spá
sömu aðila í júní sl. eru að þeir spá heldur meiri verðbólgu og hærri
stýrivöxtum á spátímanum. Einnig búast þeir við meiri hagvexti á þessu
ári en heldur minni á næstu tveimur árum.
Meiri verðbólga á þessu og næsta ári
Verðbólguhorfur á spátímanum hafa versnað frá því í sumar. Nú þeg-
ar langt er liðið á árið spá sérfræðingarnir að verðbólga verði tæp
5% milli ársmeðaltala 2006 og 2007, ½ prósentu meiri en í síðustu
könnun. Þeir reikna að meðaltali með 4,2% verðbólgu milli ársmeðal-
tala 2007 og 2008, líkt og í grunnspá Seðlabankans. Í grunnspánni
er gert ráð fyrir að verðbólgumarkmiðinu verði náð á árinu 2009 og
að verðbólga milli ársmeðaltala verði 2,7%. Meðalspá sérfræðing-
anna hljóðar upp á 3,2% verðbólgu árið 2009 og 2,8% verðbólgu árið
2010. Í grunnspá Seðlabankans er verðbólgan við markmið bankans
árið 2010. Þess ber að gæta að í grunnspánni er peningastefnan mun
aðhaldssamari á næsta ári en í spám sérfræðinganna. Einn svarenda
telur þó að verðbólgumarkmiðið náist á næsta ári vegna töluverðrar
lækkunar fasteignaverðs.
Aukinn hagvöxtur á spátímanum
Sérfræðingarnir spá að meðaltali 2,2% hagvexti á þessu ári sem er
nokkur hækkun frá því í sumar. Á næstu tveimur árum gera þeir ráð
fyrir að árlegur hagvöxtur verði rúmlega 2½% og aukist í rúm 3% árið
2010. Athygli vekur að ofangreind verðbólguhjöðnun á spátímanum
eigi að eiga sér stað án aðlögunar þjóðarbúskaparins. Þessar hagvaxtar-
horfur eru töluvert frábrugðnar grunnspá Seðlabankans. Spáð er tæp-
lega 1% hagvexti á þessu ári og ½% á því næsta. Á árinu 2009 er síð-
an búist við 2% samdrætti. Spáð er að hagvöxtur aukist á ný árið 2010
og nemi tæpum 2½%. Reyndar eru sérfræðingarnir nokkuð ósammála
um horfur fyrir árið 2009 og liggja svörin á bilinu 1,5-4%. Einnig er rétt
að hafa í huga að ólíkt Seðlabankanum gera sérfræðingarnir ráð fyrir
stóriðjuframkvæmdum í sínum spám.
Sérfræðingarnir spá tiltölulega sterkri krónu út spátímann
Mikið fl ökt hefur verið á gengi krónunnar undanfarna mánuði vegna
óróa á fjármálamörkuðum. Sérfræðingarnir eru sammála um að gengi
krónunnar lækki nokkuð á næsta ári og spá því að gengisvísitalan verði
að meðaltali tæplega 125 stig að ári liðnu. Flestir reikna með að gengi
krónunnar hækki á ný þegar líður á spátímann og haldist tiltölulega
sterkt út tímabilið. Að meðaltali spá þeir að gengisvísitalan verði 123