Peningamál - 01.11.2007, Qupperneq 86

TÖLFRÆÐIHORN
P
E
N
I
N
G
A
M
Á
L

2
0
0
7
•
3
86
bréfa og hlutdeildarskírteina lítillega en hlutdeild skuldabréfa dróst
saman. Vægi eignar í hlutdeildarskírteinum er mikið og kemur ekki á
óvart þar sem að öllu jöfnu er minni áhætta því samfara að fjárfesta
í hlutdeildarskírteinum erlendra verðbréfasjóða en að kaupa erlend
hlutabréf í tilteknu félagi.
Góð ávöxtun í erlendri mynt og enn betri í íslenskum krónum
Helstu hlutabréfamarkaðir heims skiluðu fjárfestum ágætis ávöxtun
árið 2006 og gott dæmi um það er heimsvísitala hlutabréfa (MSCI) sem
hækkaði um 14,6% í dollurum talið milli áranna 2005 og 2006. Banda-
ríska S&P500-vísitalan hækkaði um 13,6% og breska vísitalan FTSE
100 hækkaði um 10,7%. Umtalsverð hækkun varð einnig á frönsku
hlutabréfavísitölunni CAC-40 (17,5%) og japönsku vísitölunni Nikkei
(6,9%). Gengisvísitala gengisskráningarvogar hækkaði um 23,2% árið
2006 og gengi krónunnar veiktist gagnvart erlendri mynt um 18,8%
yfi r árið. Af þessu má álykta að ávöxtun erlendra verðbréfa hafi verið
góð í erlendri mynt og enn betri í íslenskum krónum. Gengi krónunnar
veiktist gagnvart evrunni um 21%, gagnvart bresku sterlings pundi um
22,8%, gagnvart Bandaríkjadal um 12,1% og gagnvart japönsku jeni
um 11%. Þessi gengisþróun jók ávöxtun verðbréfaeignarinnar met-
innar í krónum umfram hækkun á markaðsvirði verðbréfanna.
Lífeyrissjóðir juku eign sína
Erlend verðbréfaeign allra lífeyrissjóða landsins nam 29,6% af hreinni
eign sjóðanna í árslok 2006. Verðbréfaeignin jókst um 144,1 ma.kr. á
árinu 2006. Fróðlegt er að bera þessa tölu saman við niðurstöður könn-
unarinnar fyrir 11 stóru lífeyrissjóðina en samkvæmt henni var staða
í ársbyrjun 2006 um 254,9 ma.kr., kaup á árinu námu 49,6 ma.kr.,
sala nam 22,9 ma.kr. á árinu og staða í árslok 2006 var 367,6 ma.kr.
Samkvæmt þessu námu nettókaup ársins um 26,7 ma.kr. en hækkun á
markaðsvirði bréfanna nam 86 ma.kr. (sjá mynd 3).
Niðurlag
Ávöxtun erlendrar verðbréfaeignar lífeyrissjóðanna árið 2006 var enn
hærri en árið á undan þrátt fyrir lágar arðgreiðslur. Hækkun markaðs-
virðis erlendu verðbréfanna tryggði sjóðunum háa ávöxtun.
Samsetning erlendrar verðbréfaeignar lífeyrissjóðanna breytt-
ist lítið milli áranna 2005 og 2006. Erlend verðbréfaeign í hlutdeildar-
skírteinum er eins og áður sagði langstærsti hluti verðbréfaeignar
líf eyrissjóðanna og var í árslok 2006 um 80% af heildinni. Ávöxtun
erlendra verðbréfa var góð í erlendri mynt árið 2006 og enn betri í
íslenskum krónum.
Heimild: Seðlabanki Íslands.
Mynd 3
Viðskipti stærstu lífeyrissjóðanna
á erlendum verðbréfamörkuðum
Staða í ársbyrjun
Kaup
Sala
Staða í árslok
Ma.kr.
0
50
100
150
200
250
300
350
400
200620052004
Heimild: Seðlabanki Íslands.
Mynd 2
Skipting verðbréfaeignar lífeyrissjóðanna
í könnuninni
Staða í árslok
Hlutabréf
Hlutdeildarskírteini
Skuldabréf
%
0
20
40
60
80
100
20062005200420032002