Dagblaðið Vísir - DV - 30.01.2015, Page 30

30 Umræða Helgarblað 30. janúar–2. febrúar 2015
Litlar upphæðir Umsjón: Henry Þór Baldursson
Vinsæl
ummæli
við fréttir DV í vikunni
É
g fór á margumræddan spjall-
fund í Háskóla Íslands á
dögunum þar sem Hannes
Hólmsteinn viðraði skoðan-
ir sínar og athuganir um að
bankahrunið í október 2008 hefði
fyrst og fremst eða eingöngu orðið
vegna samsæris ýmissa útlendinga
um að koma okkur á kné, og margir
hafa vitnað til. Fundurinn var ágæt-
lega kynntur og haldinn á Há-
skólatorginu en samt hafður í lítilli
kennslustofu, svo að þar stóðu menn
ærið þröngt, þeir sem á annað borð
komust inn. En þarna töluðu aðal-
lega áðurnefndur Hannes og að auki
þeir Guðni Th. Jóhannesson og Eirík-
ur Bergmann, allt fróðir og áheyrileg-
ir menn.
Fallegt fóstbræðralag
Margir láta Hannes H. Gissurarson
fara óstjórnlega í taugarnar á sér,
og þá vegna skoðana hans, en sjálf-
ur hef ég oft haft gaman af honum.
Hann er auðvitað víðlesinn og flug-
mælskur, og þótt við séum gjarnan
ósammála þá er varla hægt að kvarta
yfir því; ég held að heimurinn yrði
heldur drumbslegur og leiðinlegur ef
allir væru sammála um allt. Hannes
er að skrifa bók og mér sýnist að
hans aðalerindi sé að sýna og sanna
að Davíð Oddsson vinur hans sé á
engan hátt sekur um þær efnahags-
hamfarir sem hér riðu yfir. Maður
getur ekki annað en dáðst að þessu,
fátt er fallegra en svona fóstbræðra-
lag á milli manna, eða það þegar
menn eru tilbúnir að vaða „elg og
brennistein“ (eins og einhver sagði)
fyrir vini sína. Við eigum reyndar eft-
ir að sjá hvernig til tekst með þenn-
an leiðangur Hannesar; margir hafa
viljað klína mikilli sök á Davíð, með-
al annars útlent stórblað sem setti ís-
lenska valdamanninn á topp tíu um
helstu gerendur heimskreppunnar
sem reið yfir umrædda haustdaga;
Jónas Kristjánsson kallar þá atburði
jafnan „Davíðshrunið“. Eflaust kann
eitthvað að vera ofsagt í þannig úr-
skurðum, en samt verður tæpast al-
veg auðvelt fyrir HHG að hvítskúra
þann mann sem réð mestu um alla
löggjöf og efnahagsstjórn næstliðinn
einn og hálfan áratug fyrir hrun, um
að hafa hvergi gert neitt sem olli því
að það fór sem fór. En semsé: margt
verður forvitnilegt að skoða og ræða
þegar væntanleg bók HHG birtist, og
þar verður hann eflaust kominn með
handfastari og fræðilegri heimildir
fyrir sínu máli en þær upplýsingar að
DO hefði sagt Hannesi að ónefndur
erlendur fjármálamaður hefði sagt
sér eitthvað undir borðum á veitinga-
húsi í Reykjavík sumarið 2008, mörg-
um vikum fyrir hrun – en þannig var
ein sönnunarfærsla hans fyrir máli
sínu á fundinum í Háskólanum.
Hannes sýndi líka nokkrar myndir
í upphafi af þeim sem helst báru
ábyrgð á hruninu að hans mati, þar
var auðvitað Jón Ásgeir, Ingibjörg
Sólrún (út af Borgarnesræðu sem
enginn vitnar í, enda kæmi þá í ljós
að þar var sagt eitthvað allt annað en
hægriöflin hamra á) – og svo fékk að
fljóta með mynd af Hallgrími Helga-
syni „Baugspenna“. Þá hlógu mér
söngfuglar í brjósti.
Einar Kárason rithöfundur skrifar
Þér að segja
„Hrunið bjargaði okkur!“
„Það sem hefur
breyst til hins
betra frá því að
ég var ung, er að unglingar
í dag láta ekkert svona
perrakalla vaða yfir sig. Þau
segja frekar frá í dag. Þegar
ég var unglingur í fiski úti á
landi töluðu sumir svona
perrakallar mjög ógeðslega
við okkur stelpurnar og
þar af yfirmenn. Sem við
þorðum auðvitað ekkert að
andmæla eða segja frá. Í
dag segja krakkarnir frekar
frá og til hamingju með það
kæra Emma að þora að
láta þjóðina vita af svona
ranglæti og perraskap –
dugleg stelpa :),“
segir Adda Guðrún Sigur-
jónsdóttir og hvetur Emmu
Jóhönnu Pálínudóttir, sem fékk
uppsagnarbréf stuttu eftir að hún kvartaði
undan kynferðislegri áreitni frá samstarfs-
manni sínum á Aktu taktu, áfram.
„Mikið rosalega
fara stjórnendur
svona fyrirtækja
illa með orðstír þess
með svona klaufalegum
aðgerðum. Að mínu mati eru
þeir óhæfir að reka og stýra
rekstri, hvað þá að fara með
mannaforráð. Ég dáist að
henni að opinbera þetta,“
segir Þórey Rakel Mýrdal og
tekur þátt í að hvetja Emmu
Jóhönnu áfram.
„Í Pakistan
skvetta þeir sýru í
andlit kvenna sem
hafna þeim, á Íslandi kasta
þeir hefndarklámi á netið,
viðbjóður,“
segir Bubbi Morthens í
athugasemd á dv.is í umfjöllun
um hefndarklám.
„Nú ættu
Íslendingar einu
sinni að standa
saman og hunsa algjörlega
þetta náttúrupassarugl og
fara allra sinna ferða ókeypis
eins og kveðið er á um í lögum.
Það var settur sérstakur
skattur á til að standa straum
af viðhaldskostnaði vegna
ágangs á ferðamannastöðum.
Það er gistináttaskattur sem
var settur á 1. janúar 2012
og eins og þegar um aðrar
„eyrnamerktar“ tekjur er að
ræða ganga þær ekki allar
til þess sem þær eru heldur
hirðir ríkið verulegan hluta
af tekjunum sbr. vegagjald
í eldsneyti, útvarpsgjald,
o.fl. Einfaldast er að hækka
þennan gistináttaskatt úr 100
kr. í 200 kr. og láta hann renna
óskiptan til þess hlutverks sem
hann var stofnaður!“
segir Friðjón Árnason og er ekki
par sáttur við áform iðnað-
arráðherra um náttúrupassa.
15
20
8
8