Dagblaðið Vísir - DV - 30.01.2015, Blaðsíða 60

Helgarblað 30. janúar–2. febrúar 201560 Fólk
Hollywood-stjörnur
sem eldast ekki
n Það er ótrúlegt hvað sumir halda sér vel n Náttúrulegt útlit eða meistaraverk lýtalækna?
F
ólk eldist misvel eins og
gengur og gerist og það
gerir fræga fólkið líka. Flestir
að minnsta kosti. Þessar
Hollywood-stjörnur eru þó
þeim eiginleika gæddar að eldast
ekki, ekki útlitslega að minnsta
kosti. Sumar þeirra virðast meira að
segja yngjast með árunum. Hvort
náttúrulegum gæðum er svona mis-
skipt eða hvort þau hafa fengið ein-
hverja utanaðkomandi hjálp með
útlitið skal þó látið ósagt. Sumir eru
þó einfaldlega bara með barnalegt
andlit og það hjálpar svo sannarlega
þegar aldurinn færist yfir. n
 Svipað dress 15 árum síðar Söng- og leikkonan Jennifer Lopez virðist ekki hafa elst
mikið á síðastliðnum fjórtán árum ef marka má þessar tvær myndir af henni. Þessi vinstra megin er tekin nýlega en hin á Grammy-verð-
launahátíðinni árið 2000. Dressin eru mjög svipuð svo það er auðvelt að bera myndirnar saman. Þess ber að geta að Lopez er 45 ára.
 Vann í gena-
lottóinu Gilmore Girls-stjarn-
an Alexis Bledel yrði örugglega spurð um
skilríki í Ríkinu þótt hún verði 34 ára á þessu
ári. Þessar tvær myndir eru teknar með
tíu ára millibili en barnslegt andlit Bledel
virðist lítið hafa breyst. Hún er líklega ein
þeirra sem vann í genalottóinu og kemur til
með að eldast vel í framtíðinni.
 Lítið breytt Þessa
tvær myndir af Salma Hayek eru teknar með
15 ára millibili. Og hvor þeirra ætli sé eldri?
Það er ekki hlaupið að því að sjá það. Það
er kannski aðallega tískan og förðunin sem
kemur upp um aldur myndarinnar til vinstri,
en hún er tekin árið 2000. Myndin hægra
megin er nýleg, en Hayek er 45 ára gömul.
 Alltaf jafn sexí Það virðist vera að karlmennirnir eldist
frekar en konurnar, en kyntröllið George Clooney er þó undantekning. Á síðustu fjórtán
árum virðist hárið jú örlítið hafa gránað, en hann ber varla önnur merki þess að hafa
elst um einn dag. Alltaf jafn sjarmerandi og sexí, þótt hann sé orðinn 53 ára.
 Fimmtug og fersk Sex and the city stjarnan-Kristin Davis
eldist ekki heldur. Hún lítur nákvæmlega eins út núna og þegar hún byrjaði að leika í þáttun-
um. Við höfum þó ekki mikið séð af henni á síðustu árum, fyrir utan Sex and the city-mynd-
irnar tvær, sem voru sjálfstætt framhald þáttanna. Myndin vinstra megin er tekin árið 2002
en þessi hægri er nýleg. Þess ber að geta að Davis verður fimmtug eftir mánuð.  Ekkert breyst
á 20 árum Það muna allir
eftir hinni krúttlegu Aliciu Silverstone í kvik-
myndinni Clueless. Það er því eflaust áfall
fyrir marga að átta sig á því að myndin er
tuttugu ára gömul. Samt virðist Silverstone
ekki hafa elst um eitt ár. Hún er alveg jafn
krúttleg núna, 37 ára, og hún var 17 ára, fyrir
tuttugu árum.
 Varla eldri en
þrítug Hin kólumbískættaða
leikkona og Modern Family-stjarna Sofia
Vergara er 42 ára en lítur varla út fyrir að
vera deginum eldri en þrítug. Myndin vinstra
megin er næstum fimmtán ára gömul, en sú
hægra megin er nýleg. Það er ekki hægt að
segja að árin hafi færst yfir hana.
 Fegurri með
aldrinum Leikkonan Mary
Lousie Parker, sem er einna þekktust fyrir
hlutverk sitt í þáttunum Weeds, virðist vera
í hópi þeirra sem lítið eldist útlitslega. Og
verður jafnvel bara fegurri með árunum.
Myndin vinstra megin er tekin árið 1991
þegar hún lék í myndinni Fried Green Tom-
atoes, eða Steiktir grænir tómatar. Parker
er fimmtug í dag en var 26 ára þegar hún lék
í myndinni.
 Alveg eins Hin gullfallega leikkona, Kate Beckinsale, hefur ekkert
breyst á tíu árum. Á myndinni til hægri er hún 31 árs en 41 árs á þessari vinstra megin. Ef
eitthvað er þá virðist hún frísklegri í dag heldur en hún var fyrir tíu árum.
 Yngist
með árunum
Gwyneth Paltrow hlýtur að vera
á einstaklega góðu mataræði og
stunda reglulega líkamsrækt.
Henni hefur allavega tekist að
yngjast á síðustu árum í stað þess
að eldast, eins og flestir gera. Pal-
trow er 42 ára og er myndin hægra
megin nýleg. Hin er tekin árið 1998.