Bændablaðið - 08.05.2014, Blaðsíða 7

7Bændablaðið | Fimmtudagur 8. maí 2014
íðasti vísnaþáttur var
helgaður Vorfagnaði
Karlakórsins Hreims,
þar sem hagyrðingarnir
Björn Ingólfsson Grenivík, Friðrik
Steingrímsson Mývatnssveit og
Hjálmar Freysteinsson Akureyri
fluttu samkomunni kveðskap milli
söngatriða. Vakti hagyrðingunum
talsverða athygli stjórnunarstíll
Steinþórs Þráinssonar. Friðrik
fyrrverandi hreppungi Steinþórs
orti:
Höndum sveiflar ansi ýkt
eins og brjáluð kona.
Fé er jafnan fóstri líkt;
faðir hans var svona.
Þess er að geta að faðir Steinþórs,
Þráinn Þórisson á Skútustöðum, var
kunnur kórstjórnandi meðan lifði.
Steinþór stjórnandi og Hjálmar
Freysteinsson spila saman bridge
vikulega, og sitja þar eðlilega
hvor mót hinum. Því var Hjálmari
ánægjuleg tilbreyting að skoða
baksvipinn:
Þrekinn um herðar og bakið er breitt
sem blasir hér öllum við.
Ég get ekki sagt að ég sakni þess
neitt
að sjá ekki andlitið.
Þótt stjórnandi góður Steinþór sé
stíllinn sumum blöskrar:
Eins og keppandi í karate,
svo kemur að því hann öskrar.
Nokkurrar furðu gætti með það
ráðslag skemmtinefndar kórsins að
sækja alla aðfengnu skemmtikraftana
innanfyrir Vaðlaheiði. Þegar að
var þó gáð reyndust þeir flestir
brottfluttir Þingeyingar. Friðrik
Steingrímsson orti:
Enga finna eystra má
sem eitthvað hafa af viti.
Vitleysingar vestan frá
voru neyðarbiti.
Björn Ingólfsson tók til varna:
Nefndarmennirnir voru í vafa
um vinsældir kórsins austur þar
og urðu þess vísir að yrði að hafa
eitthvað líka til skemmtunar.
Þraut er að hlusta á Þingeyinga
þekkist ei verra hér á jörð,
því verður að sækja vitleysinga
vestur jafnvel í Eyjafjörð.
Eftir talsverðar tilfæringar
tókst það, þá blasir sú skelfing við
að þeir eru líka Þingeyingar
þessir sem fengu verkefnið.
Hjálmar limraði á liðið af þessu
tilefni:
Við Eyjafjörðinn finna má
frægasta skemmtikrafta og þá
er þykja bestir.
Þeir eru flestir
ættaðir hér austan frá.
Hagyrðingarnir gerðu svo lauslega
grein fyrir þeim mun sem væri á
karlkyns- og kvenkynsstjórnanda
karlakórs. Friðrik taldi muninn
augljósan:
Þótt svo bæði þessi og hinn
þykist geta séð‘ann,
mér finnst aðal munurinn
meira svona að neðan.
Hjálmar var hins vegar fullkomlega
á gati:
Illa gengur mér að muna
mun á hlutum yfirleitt,
því eru göt í þekkinguna;
um þetta veit ég ekki neitt!!
Umsjón:
Árni Geirhjörtur Jónsson
kotabyggd1@gmail.com
Líf og starf
MÆLT AF
MUNNI FRAM
S
Sauðburður byrjaði snemma á
Heiðarbæ II í Þingvallasveit
Í Heiðarbæ II í Þingvallasveit
hófst sauðburður snemma í ár
og þar voru þegar komin nokkur
lömb í heiminn þegar komið var
við á bænum á sumardaginn
fyrsta. Í spjalli við Sveinbjörn
Einarsson bónda sagðist hann láta
gemlingana alltaf byrja snemma að
bera og einnig um 150 af fullorðnu.
Svo er tekið hlé í hálfan mánuð
fyrir aðal sauðburð í maí.
Þegar komið var inn í fjárhúsin
var það fyrsta sem fyrir augu bar
tvær nýbornar þrílembur með fallega
skræpótt lömb. Það var greinilegt að
önnur ærin var af forustukyni miðað
við útlit og lögun horna. Sveinbjörn
þurfti að gefa lömbunum undan
annarri líf og eftir það tókum við
smá spjall.
Býr einn með um 540-550 fjár
á vetrarfóðrum
Sveinbjörn býr einn á Heiðarbæ, ekur
börnum í skóla á veturna og er með á
milli 540 og 550 fjár á vetrarfóðrum.
„Ástæðan fyrir að ég læt bera
svona snemma er aðallega til að
dreifa álaginu, svo eru lömbin örlítið
þyngri á haustin, en aðallega geri ég
þetta til að dreifa álaginu.“
Spurður hvort hann sé einn við
sauðburðinn sagði hann að hann
fengi alltaf vinnumann fyrsta maí og
svo fengi hann hjálp frá þrem konum
stæðu næturvaktirnar til skiptis að
launum fyrir að fóðra fé fyrir þær.
„Þessar konur eiga á þriðja
tug fjár hjá mér sem eru hér á
veturna og í staðin hjálpa þær til í
sauðburði með því að skipta milli
sín næturvöktunum.“
Ánægður með frjósemi og
heimtur af fjalli
Spurður um frjósemi sagðist
Sveinbjörn vera ánægður með hana,
en hann reyndi eftir megni að venja
þrílembinga undir einlembur svo að
sem flestar ær væru með tvö lömb
yfir sumarið.
„Heimtur eru nokkuð góðar en
þó er alltaf eitthvað um að það tapist
eitthvað sem verður fyrir bílum
á Þingvallaveginum, en hættan er
mest í ágúst þegar féð er byrjað að
síga heim eftir sumar á fjalli. Megnið
af mínu fé gengur í sumarhaga fyrir
norðan Þingvallaveg og alltaf er
eitthvað um slys á svona hröðum
vegi eins og Þingvallavegi.“
/HLJ
Heiðarbær II. Myndir / HLJ
Nýbornir þrílembingar í leit að
spena hjá þessari forystuættuðu
móbíldóttu á.
40 einkastofur á fæðingardeildinni í
gömlu hlöðunni á Heiðarbæ II.
Sveinbjörn F. Einarsson.
Mikið er af lituðu fé hjá S
veinbirni.