Bændablaðið - 08.05.2014, Blaðsíða 20

20 Bændablaðið | Fimmtudagur 8. maí 2014
Erlent
Sextán ríki Evrópusambandsins eru með 60–175% skuldahlutfall:
Skuldir ESB-ríkjanna hafa aukist
jafnt og þétt frá árinu 2010
– Hallarekstur ESB-ríkjanna 28 var að meðaltali 3,3% á árinu 2013
Fjárlagahalli var í öllum 28
ríkjum Evrópusambandsins nema
tveim á árinu 2013 miðað við 2012
samkvæmt tölum Eurostat. Sama
staða var uppi í þeim löndum sem
eru í myntbandalagi Evrópu. Þá
hafa opinberar skuldir ríkjanna
innan ESB og evrusvæðisins
aukist á hverju ári frá 2010.
Þessar tölur eru athyglisverðar í
ljósi þess að þarna er um að ræða
efnahagsumhverfi sem ákveðin
pólitísk öfl á Íslandi sækjast nú
hart eftir að ganga inn í.
Skuldir hafa aukist jafnt og þétt
síðan 2010
Frá 2010 hafa opinberar skuldir
18 evruríkja aukist úr 7.854.072
milljónum evra í 9.89.370 milljónir.
Í 28 ESB-ríkjum hafa skuldirnar á
sama tímabili aukist úr 9.861.266
milljónum evra í 11.386.019
milljónir evra. Skuldirnar hafa
þrátt fyrir þetta minnkað aðeins sem
hlutfall af vergri þjóðarframleiðslu
landanna. Enda hefur verið lögð á
hersla á að það eina sem bætt geti
stöðuna, fyrir utan beina lækkun
skulda, sé aukin framleiðsla sem
þó hefur gengið afar hægt að efla.
Fjárlagahalli í öllum ESB
ríkjunum nema tveim
Þegar litið er á stöðu einstakra
ríkja, þá var opinber rekstrarstaða
Lúxemborgar örlítið betri en fjárlög
gerðu ráð fyrir 2013, eða um 0,1%
af vergri (brúttó) þjóðarframleiðslu
(GDP). Fjárlagarekstur Þýska
ríkisins var nokkurn veginn í
jafnvægi.
Tíu aðildarlönd ESB voru með
meiri fjárlagahalla 2013 en 3% af
vergri þjóðarframleiðslu. Í Slóveníu
var hann -14,7%, í Grikklandi
-12,7%, í Bretlandi -5,8%, á Kýpur
-5,4%, í Króatíu og Portúgal -4,9%
í báðum löndum og í Frakklandi
og Póllandi var 4,3% í báðum
löndunum.
Í öðrum ESB-löndum var
opinberi hallinn sem hlutfall af
vergri þjóðarframleiðslu lægri
og var hann lægstur í Eistlandi
eða -0,2%, Danmörku um -0,8%,
Lettlandi um -1,0% og Svíþjóð um
-1,1%.
16 ESB-lönd með 60% til 175%
skuldahlutfall
Sextán aðildarlönd Evrópu-
sambandsins voru með
skuldahlutfall yfir 60% af vergri
þjóðarframleiðslu á árinu 2013.
Hæst var hlutfallið í Grikklandi, eða
175,1%. Á Ítalíu var það 132,6%, í
Portúgal 129,0%, á Írlandi 123,7%,
á Kýpur 111,7% og í Belgíu 101,5%.
Lægsta skuldahlutfallið var aftur
á móti í Eistlandi, eða 10,0%, í
Búlgaríu 18,9%, í Lúxemborg
23,1%, í Lettlandi 38,1%, í Rúmeníu
38,4%, í Litháen 39,4% og 40,6%
í Svíþjóð.
Gripið hefur verið til
niðurskurðar á opinberum útgjöldum
í öllum löndum bæði innan ESB
og evrusvæðisins. Það hefur þó
ekki leitt til meira en 0,1% minni
opinberrar eyðslu í evrulöndunum
18 og 0,3% minni eyðslu í ESB-
löndunum 28 á milli áranna 2012
og 2013. Á sama tíma jukust
opinberar tekjur í evrulöndunum í
heild aðeins um 0,6% og um 0,3%
í ESB-löndunum 28. Frá 2010 hefur
aðeins tekist að draga úr opinberri
eyðslu í evruríkjunum. /HKr.
Verg þjóðarframleiðsla heimsbyggðarinnar 2011:
Þrjú efnahagsveldi með
um helming kökunnar
ESB, Bandaríkin og Kína voru
samtals með 50,6% af vergri
þjóðarframleiðslu heimsins
árið 2011 samkvæmt tölum
Alþjóðabankans (World
Bank). Þar af eru 28 ríki innan
Evrópusambandsins með 18,6%,
Bandaríkin með 17,1% og Kína
14,9%. Bandaríkin eru aftur á móti
með hæsta kaupmáttarstuðulinn.
Á eftir efnahagsrisunum þrem
kemur Indland með 6,4%, Japan
með 4,8% og Rússland með
3,5% af vergri þjóðarframleiðslu
heimsbyggðarinnar.
Bandaríkin með mestan kaupmátt
Ef hins vegar er litið á kaupmáttar-
stuðulinn (PPS) sem verga
þjóðarframleiðslu einstakra ríkja
með tilliti til höfuðstóls þar sem
ESB-ríkin 28 eru sett með hlutfallið
100%, eru Bandaríkin aftur á móti
langöflugust með nærri 150%
hlutfall. Þá kemur Sádi-Arabía
er á hæla Bandaríkjanna með um
145% hlutfall. Síðan er Ástralía
með nálægt 125%, Kanada er með
rúmlega 120%, Taívan með rétt undir
120% og Japan með rúmlega 100%.
ESB í sjöunda sæti
ESB-ríkin 28 eru samanlagt í sjöunda
sæti með um 100% PPS-hlutfall. Að
meðaltali er heimsbyggðin í heild
með 40% hlutfall og Kína er aðeins
í fimmtánda sæti með um 30% PPS-
hlutfall.
Verðbólga jókst í evrulöndunum frá mars til apríl:
Lækkun orkukostnaðar hélt
aftur af meiri verðbólgu
Verðbólga jókst úr 0,5% í
0,7% í evrulöndunum í apríl
samkvæmt áætluðum tölum
Eurostat, efnahagsstofu
Evrópusambandsins, frá 30. apríl.
Samkvæmt þessum tölum
Eurostat hafði þjónusta mest áhrif á
hækkun verðbólgu, en þar hækkaði
verðlag úr 1,1% í mars 1,6% í apríl.
Athygli vekur að orkukostnaðurinn
heldur verðbólgunni niðri, en hann
lækkaði úr -1,2% í -2,1% og étur
lækkun orkukostnaðar upp stærstan
hluta hækkunar á þjónustu.
Ef litið er á verðbólgu milli ára,
eða frá apríl 2013 til apríl 2014,
þá sýnir áætlun Eurostat fyrir
2014 að verðbólgan heldur farið
lækkandi í evruríkjunum, eða um
0,5 prósentustig.
Strúktúr ehf er nýtt fyrirtæki
í innflutningi stálgrindar-
og límtréshúsa, yleininga
og klæðninga en að baki
býr áratuga reynsla
fagmanna í greininni.
STYRKUR
TRAUST
REYNSLA
ÚTSJÓNARSEMI
KUNNÁTTA
ÚRRÆÐI
RAUNSÆI
TRYGGÐ
Strúktúr ehf er rekið með
hámarkshagkvæmni í huga
með hagsmuni viðskiptavina
að leiðarljósi.
Strúktur ehf www.struktur.is struktur@struktur.is
Hraðastöðum IV, 271 Mosfellsbæ sími: 860 0264