Bændablaðið - 08.05.2014, Síða 32

8 LbhI blaðið 8. maí 2014
Nám við Landbúnaðarháskóla Íslands
Auðlindadeild / Umhverfisdeild
Þriggja ára BS nám á Hvanneyri í Borgarfirði. Rannsóknatengt MS nám
á nokkrum sviðum. MS nám í skipulagsfræði í Reykjavík.
Búvísindi
Haldgóður grunnur í raunvísindum sem byggt er ofan á með sérgreinum landbúnaðarfræða með áherslu
á íslenskan landbúnað og sjálfbæra nýtingu landsins
Náttúru- og umhverfisfræði
Fjórar áherslur: Almenn náttúrufræði, náttúrunýting, þjóðgarðar og verndarsvæði, náttúra og saga.
Áhersla er lögð á vistfræðilega nálgun
Skógfræði/Landgræðsla
Tvær leiðir: Sjálfbær skógrækt og endurheimt vistkerfa. Fléttað er saman náttúruvísindum, tækni og
haggreinum auk landupplýsinga - og landslagsfræða
Umhverfisskipulag
Grunnám í landslagsarkitektúr og skipulagsfræðum. Mótun umhverfis í stórum og smáum skala með
áherslu á vistvænar hönnunarlausnir
Hestafræði
Sameiginleg námsbraut LbhÍ og Hólaskóla – Háskólans á Hólum. Traustur þekkingargrunnur á öllum
meginsviðum hestamennsku
Skipulagsfræði
Námsbraut í skipulagsfræði er tveggja ára MS nám með sjálfbæra þróun og sköpun lífvænlegs umhverfis
að leiðarljósi. Lögð er áhersla á gagnrýna skipulagshugsun
Starfs- og endurmenntunardeild
Bændaskólinn
Tveggja ára nám á framhaldsskólastigi. Bændaskólinn er á Hvanneyri.
Búfræði
Markmið búfræðináms er að auka þekkingu og færni einstaklingsins til að takast á við búrekstur og
alhliða landbúnaðarstörf
Garðyrkjuskólinn
Tveggja ára nám á framhaldsskólastigi auk verknáms.
Garðyrkjuskólinn er á Reykjum við Hveragerði.
Blómaskreytingar
Blómaskreytinganámið veitir nemendum undirstöðuþekkingu í störfum sem lúta að
blómaskreytingum og fá þeir innsýn í rekstur blómaverslana
Garðyrkjuframleiðsla: Garð- og skógarplöntubraut
Nemendur eru búnir undir sérhæfð störf á fagsviði garð- og skógarplöntuframleiðslu. Þeir fá
undirstöðuþekkingu í framleiðslu allra helstu tegunda garð- og skógarplantna
Garðyrkjuframleiðsla: Ylræktarbraut
Nemendur eru búnir undir sérhæfð störf á fagsviði ylræktar og matjurtaræktunar. Ylræktarnám veitir
nemendum undirstöðuþekkingu á framleiðslu allra helstu tegunda í gróðurhúsum
Námsbraut um lífræna ræktun matjurta
Markmið námsbrautar um lífræna ræktun matjurta er að búa nemendur undir sérhæfð störf á
fagsviði lífrænnar ræktunar matjurta í gróðurhúsum eða í útiræktun
Skógar- og náttúrubraut
Námið á brautinni veitir nemendum undirstöðuþekkingu í störfum sem lúta að skógrækt,
landgræðslu og öðrum landbótum og umönnun umhverfis
Skrúðgarðyrkja
Löggilt iðngrein. Sveinspróf að loknu verknámi. Nýframkvæmdir, umhirða og viðhald garða og
grænna svæða. Hellulagnir, hleðslur og önnur mannvirki í umhverfinu
www.lbhi.is
Niturjöfnuður
í ræktuðum
vistkerfum
Hvernig framleiðum við gott fóður
með lágmarks áhrifum á umhverfið?
Um þetta fjallar doktorsverkefni Þór-
eyjar Ólafar Gylfadóttur en í því er
rannsakað hvernig hægt er að velja
saman ólíkar fóðurjurtir með mis-
munandi eiginleika til að fá meiri og
betri uppskeru með minni áburðar-
gjöf heldur en með ræktun grasa í
einrækt.
Í verkefninu eru bornir saman mis-
munandi valkostir við nýtingu fóð-
urbelgjurta í íslenskri túnrækt til að
finna þá meðferð sem gefur mesta og
besta fóðrið og bætir jafnframt nýtingu
niturs og dregur úr umhverfisálagi
ræktunarinnar.
Áhrif tegundafjölbreytni og
misstórra niturskammta á uppskeru
og fóðurgæði hafa verið metin í til-
raunareitum þar sem ræktaðar eru
tvær grastegundir og tvær smára-
tegundir, ýmist í hreinrækt eða í
blöndum þar sem jafnræði milli
tegunda er breytilegt.
Þannig er niturjöfnuður í mjög
breytilegum reitum borinn saman, allt
frá hreinum smárareitum með mjög
lága áburðarskammta yfir í hreina
grasreiti með mjög háa áburðar-
skammta og allt þar á milli.
Verkefnið mun gefa nýjar upplýs-
ingar um samspilsáhrif tegundafjöl-
breytni og nituráburðar á heyfeng,
fóðurgæði, niturnám og niturtap.
Með því að skoða umsetningu niturs
og útskolun á sömu reitum skiljum
við betur með hvaða hætti nitur tapast
úr ræktarlandi og þannig má greina
valkosti við nýtingu fóðurbelgjurta
í íslenskri túnrækt og áhrif þeirra á
niturjöfnuð ræktunarkerfa.
Á efnarannsóknarstofum
LbhÍ á Hvanneyri og Keldna-
holti eru framkvæmdar ýmsar
almennar efnagreiningar á
fóðri og jarðvegi en einnig
aðrar tilfallandi greiningar
er tengjast rannsóknarverk-
efnum við skólann. Stærstu
verkefnin eru efnagrein-
ingar á heyi og jarðvegi fyrir
bændur og einnig reglulegar
efnarannsóknir á loðdýrafóðri
fyrir framleiðendur loðdýra-
fóðurs.
Í rannsóknarhúsi á Hvann-
eyri er einnig aðstaða til
verklegrar kennslu í efna-
fræðigreinum og líffræðit-
engdum greinum. Nemendur
í rannsóknaverkefnum sem
krefjast sérhæfðs tækjabún-
aðar eða aðstöðu geta haft
tímabundna vinnuaðstöðu á
meðan á verkefni stendur.
Peik M. Bjarnason verkefnisstjóri við svokallað ICP-tæki (Inductively Coupled Plasma) sem notað er við að greina steinefni í jarðvegs-, mykju- og heysýnum fyrir
bændur, einstaklinga og rannsóknafólk á Íslandi.