Bændablaðið - 08.05.2014, Qupperneq 37

37Bændablaðið | Fimmtudagur 8. maí 2014
Heimalningar –
böl eða blessun?
Því miður eru til nokkrar
hjartalausar manneskjur sem
telja heimalninga enga sérstaka
blessun og nenna ekki að leggja
mikið á sig til að þeim geti liðið
sem allra best. Jafnvel fyrirfinnst
fólk sem telur eðlilegt og sjálfsagt
að heimalningarnir séu með drullu
sumarlangt. Þessari grein er fyrst
og fremst beint til þeirra sem ekki
eru þannig gerðir en mig langar að
kynna fyrir því fólki nokkur ráð sem
ég hef reynt til hagsbóta fyrir mína
heimalninga.
EKKI gefa heimalningunum úr
túttufötu. Það getur virst fljótlegt og
þægilegt þegar lömbin eru mörg en
þessi aðferð er afar óhentug þegar
betur er að gáð. Lömbin drekka mjög
mis hratt. Með því að gefa úr fötu
fá sum of lítið og þrífast illa. Önnur
drekka of mikið og geta fengið drullu
eða hreinlega drepist. Þegar lambið
drekkur meira en kemst í vinstrina,
fer mjólkin yfir í hina magahlutana
með þessum afleiðingum. Líklega er
þó óhætt að gefa úr túttufötu ef fóðrað
er með súrmjólk og aðgangur er frjáls.
Ármann á Svínafelli sagði mér þetta
með túttufötuna. Hann hafði það eftir
Ragnheiði grannkonu sinni og það sem
sú kona hefur að segja um sauðfjárrækt
er satt. Ég hef drepið heimalning með
túttufötu og það ætla ég ekki að gera
aftur. Hæfilegur mjólkurskammtur
fyrir lamb er ekki meira en 300 ml í
mál, þó að það stálpist. Gott er að gefa
þrisvar eða fjórum sinnum á dag fyrst
í stað (minni skammt að sjálfsögðu ef
lambið er lítið og torgar ekki fullum
pela) en kvölds og morgna dugar þegar
kemur fram á sumar. Mjólkin má ekki
vera köld.
Hægur vandi er að hafa
mátulega heita, góða mjólk handa
heimalningunum eftir að mjólkurduft
fyrir lömb fór að fást. Gætið þess að
fylgja leiðbeiningum um blöndun
drukksins. EKKI reikna út hvað
þetta kostar. Kúabændur geta notað
kúamjólk en hún má ekki vera hálfkalt
eða vatnsþynnt sull.
Mér finnst best að gefa lömbunum
úr pela ætluðum ungbörnum, stærri
gerðinni. Þeir eru hæfilega stórir og
heimalningarnir eru mjög hrifnir
af að vera gefið þannig. Vesalings
móðurleysingjarnir þurfa líka á ást og
umhyggju að halda, ekki bara mjólk.
Svolítil stund með lömbunum eftir að
þeim er gefið er tími sem enginn ætti
að sjá eftir.
Ef þú þolir ekki að lesa meira, ert þú
örugglega einn af þessum hjartalausu,
en næsta ráð ætti samt að henta þér.
Heimalningar eru frægir fyrir að
hanga heima við bæ og elta fólk í
tíma og ótíma, jarmandi og rellandi.
Til að lömbin venjist ekki á að sækja
í mannsrödd hringi ég bjöllu þegar ég
kem að gefa þeim. Þetta þarf að gera
í nokkra daga áður en þeim er leyft
að vera lausum úti. Þegar hópurinn er
kominn út, nægir að hringja bjöllunni
til að kalla þau til sín. Sé þetta alltaf
gert áður en heimalningunum er gefið,
sækja þeir mikið síður í að elta fólk
utan gjafatíma og skipta sér ekki af því
þó að mannsrödd heyrist í grenndinni.
Engu ætti að skipta hvaða hljóð er
notað, annað en mannsrödd, ef það
er greinilegt og einkennandi og alltaf
það sama.
Auðvitað fara heimalningar allt
sem þeir komast, ekki síður en aðrir.
Svo það er ekki þeim að kenna þó að
þeir komist þangað sem þú hefur ekki
girt.
Bestu kveðjur.
Sigríður Jónsdóttir
Arnarholti. Sigríður Jónsdóttir í Arnarholti.
Rúlluplast, bindigarn og net
FORSALA 2014
Sendum frítt á
afgreiðslur
Samskipa-Landlutninga
um land allt
VISQUEEN rúlluplast 75 cm Hvítt / Grænt / Svart 11.100,- 11.600,-
VISQUEEN rúuluplast 75 cm Hvítt - án hlífðarpakkningar 10.950,- 11.445,-
VISQUEEN rúlluplast 50 cm Hvítt / Grænt 8.900,- 9.400,-
Piippo MagicBlue net 1,23 m x 3100 m 22.100,- 23.430,-
Piippo MagicBlue net 1,30 m x 3100 m 21.500,- 22.790,-
Piippo HYBRID net 1,23 m x 4000 m 27.300,- 28.940,-
Piippo rúllubindigarn 1000 m/kg (5 kg hnota) 2.020,- 2.140,-
Piippo baggabindigarn 400 m/kg (5 kg hnota) 2.020,- 2.140,-
Piippo ferbaggagarn 130 m/kg (9 kg hnota) 3.470,- 3.680,-
KRONE ferbaggagarn 110 m/kg (10 kg hnota) 4.400,- 4.665,-
Greiðslufrestur
Verð
án VSK
Plast, garn og net
Verðlisti - FORSALA 2014
Staðgreiðsla
Verð
án VSK
REYKJAVÍK - AKUREYRI
ÞÓR HF
ÞÓR HF | Reykjavík: Krókhálsi 16 | Akureyri: Lónsbakka | Sími: 568-1500 | www.thor.is
OUEE
POLIWRAP
Finnska PIIPPO bagganetið og bindigarnið þekkja
íslenskir bændur af yfir þriggja áratuga frábærri
reynslu. PIIPPO er leiðandi framleiðandi á sínu
sviði og net og garn frá PIPPO hefur ávallt verið í
hæsta gæðaflokki.
VISQUEEN 5-laga rúlluplast í hæsta gæða-
flokki, framleitt í Bretlandi eftir ströngustu kröfum
úr besta fáanlega hráefni. VISQUEEN rúlluplast
hefur verið notað af íslenskum bændum í mörg
ár með frábærum árangri. Hentar jafnt á rúllur
sem stórbagga. Eitt vandaðasta plastið sem völ
er á í dag.
GREIÐSLUSKILMÁLAR ef pantað er fyrir 1. maí:
STAÐGREIÐSLA: Staðgreiðsla eða greiðsla við móttöku greiðsluseðils.
GREIÐSLUFRESTUR: 2 gjalddagar - 15. júli og 15. október 2014.
50% greiðist 15. júlí 2014 og eftirstöðvar greiðast 15. október 2014.