Archaeologia Islandica - 01.01.1998, Blaðsíða 103

Fornleifarannsóknir A Hofstöðum 1995
dæld sem það gat safnast í, en yfir
veggjarbrúnum gryfjunnar hefur það
væntanlega verið þynnra. Þar eð rusla-
lögin sem fylla gryfjuna voru ekki fjar-
lægð nú, eru upplýsingar um lög eldri
en C4 eingöngu fengin úr sniðunum
og því ekki vitað nema að litlu leyti
um útbreiðslu þeirra, né hvort þar
kunni að leynast enn önnur lög.
Undir C4 í könnunarskurðinum er
moldarlag C13 og verður því lýst síðar,
en undir C4 í gryfjunni er annað lag
svipað C4. Það er C5, ruslalag sem ein-
kennist helst af ljósri ösku. I þessu lagi
eru kol, móaska, möl og bein. Það
liggur eins og C4 yfir gryfjunni og
myndar því hluta af fyllingunni í
henni. Það er töluvert lagskipt, að
mestu er það ljós aska, en inn á milli
eru mjóar rendur af dökkri ösku. Þá
eru og linsur af möl hér og þar. Lagið
er þykkast syðst en kemur ekki fram í
sniði-c eða suðurhluta d-sniðs. Því
kann að vera að það hafi ekki náð yfir
suðvesturhluta gryfjunnar, nema það
hafi verið fjarlægt 1908 líkt og lagið
sem víðast liggur ofan á því, þ.e. C4.
Af öllu e-sniði og d-sniði að norðan-
verðu að dæma er lagið þykkt og vold-
ugt yfir norður- og austurhluta gryfj-
unnar, víðast um 20 sm. I norðurhlut-
anum skiptist lagið í a og b. C5b
greinist frá C5a að því leyti að þar er
mikið af fínlegri möl, með sandi og
brenndum beinum, en í C5a er sama
efni í fíngerðum linsum hér og hvar.
C6 er sannarlega aðalruslalagið í
gryfjunni. Það er þykkt safnlag, mjög
lagskipt sót- og viðarkolalag, með
beinum, möl, steinvölum, viðarösku
og móösku. Það er gróft og mislitt og
liggur um alla gryfjuna. Kom það alls-
staðar fram í sniðum í gryfjunni og er
ailt að 55 sm þykkt. Er það langþykk-
ast í miðri gryfju, en þynnist töluvert
er nær dregur gryfjubrúnum. I sniði-b
sést að það hverfur uppi við brún
gryfjunnar. I þessu lagi fannst snældu-
snúður og var það eini fundurinn sem
kom fram við rannsóknina 1995. Lagið
er sett saman úr mjög mörgum linsum
og ógjörningur að lýsa því nema skipta
því niður í flokka sem bera skýr sam-
eiginleg einkenni. Eru þessir undir-
flokkar nefndir a - f; C6e er efst, en
C6a neðst. C6f er á milli b og e, en í
framhaldi af c. C6a er mjög blandað og
þar er mikið af beinum, mold og viða-
rösku. C6b er einsleitara en a, víða al-
gjörlega svart á lit og minna af beinum
að sjá. C6c er linsa af mold sem greina
má yfir norður- og austurhluta gryfj-
unnar. I framhaldi af því að norðan-
verðu er C6f sem er moldarblönduð
móöskulinsa. C6d er heldur svipað
C6a laginu, en geymir meira af viðar-
ösku og á tveimur stöðum má sjá torf
með landnámsgjóskunni í. C6e er
moldarblandað lag með miklu af bein-
um sem aðeins er að finna í miðri hol-
unni þar sem hún hefur verið dýpst. Er
þetta efsti hlutinn á C6 laginu.
Undir C6 laginu liggur kolablönduð
móaska, C7. Hún er grá á litinn, afar
fínkornótt og skiptist í tvö keimlík
lög, a.m.k. vestast í gryfjunni. Er C7a
dökkgrá svotil hrein móaska, en C7b
sem er neðar, er heldur ljósara og
meira blandað aðskotaefnum.
Þar sem C7 sleppir og C8 tekur við
103