Jón á Bægisá - 01.12.2005, Qupperneq 7

Vilborg Sigurðardóttir
Jóhanna Þráinsdóttir - Minning
Hún var fædd í Reykjavík 5. maí 1940 og
gekk í Austurbæjarskólann, síðar í Lindar-
götuskólann og varð stúdent frá Mennta-
skólanum í Reykjavík vorið 1960. Hún
eignaðist einkason sinn, Jóhann, árið 1959.
Hún stundaði nám í norsku við Háskóla
íslands eftir stúdentspróf en fór 1964 til
náms í Tékkóslóvakíu. Lagði hún þar stund
á tékknesku og leikhúsfræði. Eftir það dvald-
ist hún nokkur ár við nám og störf í Vínar-
borg.
A þessum árum aflaði hún sér góðrar
kunnáttu í tékknesku og þýsku. Síðar átti hún eftir að bæta við kunnáttu
sína í Norðurlandamálum með dvöl í Svíþjóð og námi þar.
Jóhanna átti óvenjulega bernsku. Örlögin höguðu því svo til að Jóhanna
Guðrún Steinsdóttir, sem hefði getað verið amma hennar að aldri til, tók
hana að sér kornunga og ól upp af sérstöku ástríki. Veraldlegur auður var
ekki þar í garði en margt fallegt sagði Jóhanna eldri við sína ungu fóstur-
dóttur og sumt af því sem Jóhanna Þráinsdóttir sagði mér frá er með því
fallegra sem ég minnist að hafa heyrt að væri sagt við barn. Ég býst við að
til fóstru sinnar hafi Jóhanna að einhverju leyti sótt það fallega tungutak
og ást á íslensku máli sem hún svo bar með sér alla tíð. Ég held líka að þar
hafi hún búið við frjálsræði og viðurkenningu á sínum góðu hæfileikum.
Jóhanna fór víða og fékkst við margt og má þar telja kennslu, ferðamál
og blaðamennsku. Frá 1983 lagði hún fyrir sig þýðingar sem aðalstarf. Eins
og flestir lesendur Jóns á Bœgisá vita er ekki hlaupið að því að hafa þýðingar
að lifibrauði — en fyrir þá sem eiga yfir að ráða ieikni í meðferð máls og
lifandi áhuga getur það verið eftirsóknarvert þótt ótryggt sé.
Hún lagði mikla vinnu og metnað í að leysa allt sitt þýðingarstarf af
hendi eins vel og henni var framast unnt. Eins og fyrr segir hafði hún
Jpáv- á- áj3/7y/isá- — Til þess þarf skrokk!
5