Bændablaðið - 03.12.2015, Blaðsíða 14

14 Bændablaðið | Fimmtudagur 3. desember 2015
Fréttir
Könnun VÍS á ljósanotkun bifreiða:
Notkun ljósa ábótavant
í umferðinni
− ljósleysi má að hluta rekja til Evróputilskipunar
Könnun VÍS á ljósabúnaði bíla á
höfuðborgarsvæðinu sýnir brota-
löm á notkun ljósa.
Í myrkri voru 5% bíla eineygð-
ir eða ljóslausir og gildir þá einu
hvort það var að framan eða aftan. Í
björtu var hlutfallið allt annað hvað
afturljósin snertir, þar sem 6,3%
bíla voru alveg ljóslausir og 3,6%
eineygðir. Að framan var 1,3% bíla
ljóslausir í björtu og 4,6% eineygð-
ir. Muninn á milli þess hvort bílar
voru ljóslausir í björtu eða myrkri
virðist að stórum hluta mega rekja
til Evróputilskipunar um orkuspar-
andi dagljósabúnað frá árinu 2011.
Ökumenn þurfa greinilega að
huga betur að ljósabúnaði bíla sinna
að mati VÍS. Hér á landi er skylt að
hafa lögboðin ljós, eða önnur viður-
kennd ökuljós, kveikt allan daginn.
Aðalljós skulu vera kveikt þegar
skuggsýnt er eða skyggni lélegt.
Orkusparandi dagljósabúnað-
ur nýrra bíla tryggir ekki besta
sýnileika þeirra í umferðinni. Á
mörgum þeirra kvikna engin stöðu-
ljós að aftan heldur eingöngu dag-
ljós að framan, sem er mjög baga-
legt út frá umferðaröryggi.
Nauðsynlegt er að ökumenn
kunni góð skil á virkni ljósabún-
aðar bíla sinna. Þeir þurfa að vita
hversu sýnilegur dagljósabún-
aðurinn er að framan og hvort
og hvenær bíllinn er ljóslaus að
aftan. Stór hluti nýrra bíla kveikir
sjálfur á lögbundnum ökuljósum
við ákveðin birtuskilyrði. Í sumum
bílum er hægt að stilla skynjara
eftir því hvenær aðalljósin eiga að
kvikna og a.m.k. í skammdeginu
ættu þau að loga sem mest. Alls
voru 5.076 bílar í úrtaki VÍS og
var fylgst með nokkrum stöðum á
höfuðborgarsvæðinu.
Styrkir til félagasamtaka á sviði umhverfismála:
Opið fyrir umsóknir
Umhverfis- og auðlindaráðu-
neytið auglýsir til umsókn-
ar rekstrarstyrki til frjálsra
félagasamtaka sem starfa á mál-
efnasviði ráðuneytisins.
Markmið styrkjanna er að stuðla
að opnum og frjálsum skoðana-
skiptum um umhverfis- og auð-
lindamál og að efla almenna vitund
um gildi umhverfismála.
Umsækjendur rekstrarstyrkja
ráðuneytisins þurfa að uppfylla
skilyrði sem tíunduð eru í regl-
um um almenna rekstrarstyrki til
frjálsra félagasamtaka sem starfa
að umhverfismálum. Samtökin
þurfa meðal annars að vera opin
fyrir almennri aðild, þau skulu ekki
starfa í hagnaðarskyni, hafa að lág-
marki 30 félagsmenn, hafa opið
og endurskoðað reikningshald og
taka saman ársskýrslur. Loks þarf
eigin fjáröflun að standa undir að
minnsta kosti helmingi kostnaðar
vegna almennrar starfsemi sam-
takanna.
Sækja skal um á rafrænu formi
á umsóknarvef Stjórnarráðsins og
er umsóknarfrestur til kl. 16.00, 5.
janúar 2016. /VH
Orkusparandi dagljósabúnaður nýrra bíla tryggir ekki besta sýnileika þeirra
í umferðinni. Á mörgum þeirra kvikna engin stöðuljós að aftan heldur
eingöngu dagljós að framan.
Textílfyrirtæki í Húnavatnshreppi prófar vörur sínar á heimamönnum:
Bændur skarta svuntum frá Hólabaki
Elín Aradóttir rekur textílfyr-
irtæki á bænum Hólabaki í
Húnavatnshreppi undir vöru-
merkinu Lagður. Svuntur eru
nýjasta afurðin, en þær fóru í
dreifingu í lok nóvember.
„Við hófum nú nýverið sölu á
nýjum gerðum af svuntum og feng-
um bændur úr nágrenninu til að sitja
fyrir í svuntunum. Ég var ansi ánægð
með útkomuna,“ segir Elín Aradóttir.
Hún segir að bændum í Húnaþingi sé
ýmislegt til lista lagt. Það hafi bara
verið eins og þeir hefðu aldrei gert
annað, karlarnir, en að vera fyrir-
sætur.
Elín segir að hún hafi byrjað á
þessum rekstri ásamt manni sínum,
Ingvari Björnssyni, árið 2011 þegar
þau bjuggu á Akureyri. Síðan fluttu
þau að Hólabaki fyrir rúmum tveim
árum þar sem þau reka nú kúabú
í samstarfi við foreldra Ingvars,
Björn Magnússon og Aðalheiði
Ingvarsdóttur. Búið er með á fjórða
tug kúa en Elín segist lítið koma
nálægt því þar sem vinna við textíl-
fyrirtækið sé nú hennar aðalstarf.
Nýta gamalt fjós fyrir
textílvinnslu
„Hér á bænum var vannýtt gömul
bygging, eða gamla fjósið sem nýtt
hafði verið sem geymsla. Við tókum
það í gegn fyrir þessa starfsemi. Til
þessa hef ég fyrst og fremst verið
að selja púðaver og læt ég þá prenta
fyrir mig á efni ljósmyndir úr náttúru
Íslands. Núna er ég að bæta við mig
með þessum svuntum og fleiru.“
Elín segir að starfsemin fari
vaxandi. Við höfum einnig verið að
prófa okkur áfram með lítils háttar
verslunarrekstur hér heima á bæ. Við
héldum jólamarkað í fyrra og síðan
aftur núna síðustu helgina í nóvem-
ber. Um 140 gestir sóttu markaðinn
í ár og vorum við mjög ánægð með
aðsóknina.“
Nýtir saumastofur í héraði
„Ég er með allan saumaskapinn í
undirverktöku, en pökkun, lager-
hald og dreifing
er hér heima. Við
erum svo hepp-
in að vera
með tvær saumastofur hér í héraði
sem sauma mest af þessu. Það er
saumastofan Þing hér í sveitinni
og saumastofan Íris á Skagaströnd.
Síðan er saumastofan Una á Akureyri
líka að vinna fyrir okkur og það er
fullt að gera.“
Hún segir að nú sé jólavertíðin
komin á fullt, en salan sé þó einna
drýgst í ferðamannaverslunum yfir
hásumarið. Hún segist taka eitthvað
af myndunum sjálf sem prentaðar
eru á efnið, en meirihlutinn sé eftir
áhugaljósmyndara sem hún hefur
gert afnotasamninga við. /HKr.
Það er ýmislegt sýslað í Húnaþingi. Hér eru f.v.: Bjarni Kristinsson, bóndi á Bjarnastöðum, Ingvar Björnsson, bóndi á
Hólabaki og Pálmi Ellertsson, bóndi á Bjarnastöðum, í glænýjum svuntum frá fyrirtækinu Lagði á Hólabaki. Mynd / EA
Bærinn Hólabak stendur rétt við Vatnsdalshóla í Húnavatnssýslu.
Frá jólamarkaðn-
um sem haldinn
var á Hólabaki um
nýliðna helgi.
Vegagerðin:
Áform um að lagfæra
þjóðveginn um Blönduós
Vegagerðin hefur uppi áform um
að lagfæra og bæta þjóðveginn
í gegnum Blönduós sem og þá
einnig Blöndubrú. Endurnýja á
gólf brúarinnar og setja á hana
nýtt handrið. Áætlaður kostnaður
nemur um 30 milljónum króna.
Samhliða framkvæmdunum verð-
ur vegurinn beggja megin við brúna
breikkaður og er áætlaður kostnaður
við það um 10 til 15 milljónir króna.
Engin ákvörðun hefur verið tekin
um tímasetningu framkvæmda en
þær eru háðar því að fjármagn fáist
í nýrri samgönguáætlun, segir í frétt
á Húnahorninu.
Þar segir enn fremur að á fundi
sveitarstjórnar Blönduósbæjar í
október hafi verið rætt um þessa
framkvæmd, sem og mögu-
lega göngubrú neðan núverandi
Blöndubrúar, en frumkostnaðaráætl-
un við hana var um 80 milljónir. Þá
var rætt um gömlu brúna, m.a. hvort
Vegagerð tæki þátt í að sandblása
hana og mála auk þess að setja hana
upp og ganga frá brúargólfi ef hún
yrði sett upp við Hrútey. /MÞÞ