Þjóðmál - 01.06.2009, Síða 32

30 Þjóðmál SUmAR 2009
.
því, að sundurlyndi ein kenni þessa vinstri
stjórn ekki síður en hinar fyrri eru miklar .
Það er svo annað mál, að sá veruleiki mun
ekki nýtast Sjálfstæðisflokknum í sama
mæli og áður . Kjósendur eru ekki búnir
að gleyma skrípaleiknum í borgarstjórnar-
flokki Sjálfstæðisflokksins, þótt Hanna
birna Kristjánsdóttir, borgarstjóri, hafi
unnið ótrúlegt pólitískt afrek með því að
koma á friði í borgarstjórninni .
Valdataka vinstri flokkanna gefur þeim
tækifæri til að finna sjálfa sig og móta nýja
þjóðfélagsstefnu eftir hrun þeirrar gömlu
hugmyndafræði, sem þeir byggðu á mestan
hluta 20 . aldarinnar . næstu 18 mánuðir
leiða í ljós, hvort þeim tekst það .
En hrun bankanna og afleiðingar þess
leggja ekki síður þá kvöð á Sjálfstæðisflokk-
inn að hann endurskoði og endurnýi
stefnu sína í ljósi fenginnar reynslu . Því fer
víðs fjarri, að því verki hafi verið lokið á
landsfundinum í vetur .
Hin norræna velferðarstjórn Sam fylk ingar og Vinstri grænna hefur tekið fyrstu skrefin
við stjórnun ríkis fjármála . neysluskattar skulu
hækkaðir . Þannig er gripið til sömu gömlu
úrræðanna . Vinstri menn vilja alltaf taka
stærri sneið af kökunni og neita að skilja að
skynsamlegra sé að reyna að stækka kökuna .
Hér skal ekki gert lítið úr þeim vanda sem
blasir við í ríkisfjármálum . En merkilegt er að
fyrsta skrefið sem stigið er skuli vera að auka
álögur á almenning og fyrirtæki í landinu .
á sama tíma eru bankarnir óstarfhæfir og
atvinnulífið fær ekkert súrefni . Stöðugar tafir
á endurfjármögnun bankakerfisins eru helsti
dragbítur á endurreisn efnahagslífsins . Þeir 2,7
milljarðar sem ríkisstjórnin ætlar að næla sér í úr
vasa almennings, hafa glatast margfalt á síðustu
vikum vegna stjórn-, stefnu- og sinnuleysis
ríkisstjórnar, sem hefur geð í sér að kenna sig við
norræna velferð .
Hækkun neysluskatta, sem keyrð var í gegnum
Alþingi með sérstakri flýtimeðferð, mun leiða
til þess að skuldir heimilanna hækka um átta
milljarða vegna hækkunar á neysluverðsvísitölu .
En jóhanna Sigurðardóttir er ekki í vandræðum
með að finna leiðir út úr þeim vanda . Í viðtali
við fréttastofu Ríkisútvarpsins segir hún að
vísasti vegurinn gegn verðtryggingu sé að ganga
í Evrópusambandið . Enn og aftur er lausnarorð
forsætisráðherra aðild að Evrópusambandinu og
líklega sér hún þá tækifæri á að verðtrygging falli
úr gildi af fjárskuldbindingum heimilanna, og að
þar með verði auðveldara fyrir ríkisstjórnina að
afla tekna með auknum álögum á almenning .
Í komandi viku mun peningastefnunefnd
Seðlabankans koma saman til að taka ákvörðun
um stýrivexti . Vonir um að vextir yrðu lækkaðir
hressilega hafa dvínað á undanförnum dögum .
Verðlag hefur hækkað meira en reiknað var með,
skattahækkanir ýta enn frekar undir og engin
heildstæð aðgerðaráætlun í ríkisfjármálum hefur
litið dagsins ljós . Endurreisn bankakerfisins er
í uppnámi og upplýsingum um raunverulega
stöðu bankanna er haldið leyndum . Allt eru
þetta atriði sem peningastefnunefnd hefur sagt
að séu forsendur fyrir því að hægt sé að lækka
vexti . Og umsvifamikil lækkun stýrivaxta,
samhliða afnámi gjaldeyrishafta, er forsenda þess
að fyrirtæki nái að lifa og hefjast handa við að
byggja upp til framtíðar .
Hið rétta andlit vinstri stjórnar hefur komið
í ljós með dug- og stefnuleysi . Ráðþrota horfir
forsætisráðherra, með fjármálaráðherra sér við
hlið, á ástandið og lýsir því yfir að ástandið sé
erfitt . En erfitt ástand kallar á nýjar lausnir – á
nýjar hugmyndir en ekki gamlar kreddur um að
allt skuli skattlagt á meðan það hreyfist .
Íslendingar hafa ekki efni á því að búa við
slíka ríkisstjórn . Við eigum alla möguleika á að
vinna okkur út úr erfiðleikunum á skömmum
tíma . Verkefnin sem þarf að vinna blasa við, en
jóhanna Sigurðardóttir kemur ekki auga á þau .
Öll hennar athygli er á brussel .
Leiðari Óla Björns Kárasonar
á vefsíðunni amx .is 29. maí 2009
_________________
Hún sýndi sitt rétta andlit!