Þjóðmál - 01.09.2010, Blaðsíða 61

Þjóðmál HAUST 2010 59
iðnaðar ráðherra vinstri stjórnarinnar við
að fara í kringum reglur innri markaðarins
varðandi fjárfestingar . Það er líka ljóst,
að vanmáttur vinstri stjórnarinnar við að
leiða „Icesave“-deiluna til lykta hefur tafið
fjárhagslega endurskipulagningu Íslands .
Afgreiðsla AGS á lánveitingum til Íslands og
þar með á endurfjármögnun erlendra skulda
landsins hefur dregizt úr hömlu vegna þess,
að vinstri stjórnin hafði enga burði til að
leiða „Icesave“-málið til farsælla lykta .
Vinstri stjórninni mistókst gjörsamlega að
afla bandamanna innan AGS, og munar þar
e .t .v . mest um stirða sambúð við Bandaríkin .
Vinstri stjórnin guggnaði áður en á hólm-
inn var komið, kokgleypti ýtrustu kröf ur
Breta og Hollendinga, og jaðrar allt fram-
ferði ríkisstjórnarinnar í þessu mesta deilu-
máli seinni tíma við útlendinga við landráð,
sem hlýtur að þurfa rannsóknar við .
Í landhelgisdeilunum knúðu Íslendingar
á um, að þessum deilumálum yrði lyft upp
á forræði forsætisráðherra . Sömu leið á að
fara með „Icesave“-deiluna, því að úrslit
hennar munu hafa áhrif á alþjóðasamskipti
Íslands og þjóðarhag næstu áratugina . Sú
forræðisbreyting gagnast þó Íslendingum
ekki, nema í embætti forsætisráðherra sé karl
eða kona, sem stenzt starfsbræðrum sínum,
eða -systrum, snúning, en stundar ekki
stjórnarhætti, sem tíðkaðir eru í banana-
lýðveldum, þar sem stjórnarherrar klóra yfir
eigin skít að sínum hætti og hylja slóð sína .
„Engin gögn finnast í ráðuneytinu um þetta
mál!“
Ísland – Quo Vadis?
Það þarf enga mannvitsbrekku til að átta sig á sérstöðu Íslands í Evrópu . Aðal-
atvinnuvegur Íslendinga er sjávar út vegur,
sem er einsdæmi í Evrópu . Stærð hafsvæðis
m .v . landsvæði er einnig eins dæmi . Á þessu
hafsvæði eru nú á dögum beztu fiskimið í
Evrópu . Hér er um að ræða mikla auðlind,
sem með viturlegri auðlindastjórnun getur
vaxið mikið enn . Sumar þjóðir ESB klæjar
eftir að komast með fingurna í nýtingu
sjávarauðlinda Ís lend inga, eins og umræður
um að skilyrða aðildar viðræður ESB við
Íslendinga við bann hvalveiða bera vott
um . Hvort stórskaðlegar hugmyndir vinstri
flokkanna um eignarnám nýtingarréttar
nytjastofna á Íslandsmiðum er tilraun til að
draga burst úr nefi útgerðarmanna til að laga
íslenzkan sjávarútveg að sjávarútvegsstefnu
ESB er ekki enn ljóst, en hitt er vitað, að
gangi Ísland í ESB verður sjávarauðlind
Íslands í fullkomnu uppnámi gagnvart
risaflotum Spánverja og annarra, og þess
yrði þá skammt að bíða, að íslenzkur
sjávarútvegur yrði niðurgreiddur, eins og
annars staðar í Evrópu . Hvaða áhrif halda
menn, að þessi þróun mála hefði á afkomu
ríkisins, sveitarfélaga við sjávarsíðuna og
efnahag almennings á Íslandi?
Íslendingar eru fullkomlega einfærir um
að nýta íslenzka efnahagslögsögu og að
fjárfesta í sjávarútveginum sjálfir og úr-
vinnslu greinum hans til að auka magnið,
gæðin og framleiðnina .
Önnur sérstaða Íslands eru endurnýjan-
leg ar orkulindir, sem enn hafa aðeins að
litlu leyti verið nýttar . Þetta er einsdæmi
innan Evrópu og skapar Íslendingum
gífur leg sóknarfæri til hagsældar . Aftur-
halds öfl beita sér með illvígum hætti gegn
nýtingu þessara auðlinda, og slík sjálfs-
tor tímingarstefna er fullkomlega óboðleg
upplýstu nútímasamfélagi . Gegn henni
verður að snúast af fullri hörku .
Landsmenn munu t .d . á þessum áratugi
geta hafið rafvæðingu bílaflotans og þannig
dregið úr eldsneytisinnflutningi . Árið 2013
munu verða settir á markaðinn fjölda-
fram leiddir og eigulegir rafmagnsbílar,
sem draga munu úr mengun þéttbýlis
og spara gjaldeyri . Fyrir utan Norðmenn