Þjóðmál - 01.09.2010, Page 78

Þjóðmál - 01.09.2010, Page 78
76 Þjóðmál HAUST 2010 Guðni Th . Jóhannesson „Fólkið hrópaði Heil, Heil og rétti út höndina“ Kaflabrot úr ævisögu Gunnars Thoroddsens forsætisráðherra sem kemur út fyrir jólin Fljótlega fann Gunnar gott herbergi sem hann tók á leigu . Það var á þriðju hæð í ágætu húsi við Karlstrasse, nálægt Berlínarháskóla og þeim stofnunum sem Gunnar hugðist sækja . Kaffihús, knæpur, óperuhús, leikhús og listasöfn voru ekki heldur fjarri og Gunnar var hæstánægður . „Ég sef á dívan eða ottóman,“ sagði hann í lýs ingu á samastaðnum, „ennfremur er ann- ar dívan í herberginu, skrifborð, hæginda stóll og þrír aðrir góðir stólar, fínasta ljósa króna og stór og góður borðlampi, klæða skápur, tveir gluggar, einar dyr, teppi á nokkrum hluta gólfsins, stór hvítur ofn af hinni vanalegu þýsku gerð – nú, þá er ég víst búinn að telja upp allt sem í því er nema sjálfan mig .“ Gunnar tók upp þráðinn þar sem frá var horfið í Kaupmannahöfn, fékk aðgang að háskólabókasafninu, Kriminalistisches Insti­ tut og Humboldtstofnuninni, fræða setri sem kennt var við Wilhelm von Humboldt, stofn anda Berlínarháskóla . Gunnar var skráð ur til náms í háskólanum en þurfti ekki að sækja fyrirlestra og gerði það sjaldan . Hann las því meira af fræðiritum um refsirétt og kynnti sér einkum hvernig honum væri háttað í Þýskalandi undir stjórn nasista . / . . . / S íðustu daga hefur Gunnar afkastað litlu í Berlín, nú tvíeflist hann . Allan daginn er lesið af kappi og um kvöldið situr hann á uppáhaldsknæpu sinni, Café Unter den Linden við samnefnt breiðstræti í hjarta Berlínar . Gunnar skrifar í dagbók sína, lætur sig dreyma og nýtur tónlistarinnar . „Þarna spilar fimm manna hljómsveit, þetta er fegursta og yndislegasta kaffihúsmúsík sem ég hef heyrt á ævi minni,“ hafði hann skrifað nokkru fyrr: „Í hljómsveitinni eru tveir víolínistar, cello, kontrabassi og flygel . Hún virðist spila eingöngu zarte, lieblich [ljúfa, indæla] músík . . . af afarfínum músíkölsk- um smekk og tilfinningu .“ / . . . /

x

Þjóðmál

Direct Links

If you want to link to this newspaper/magazine, please use these links:

Link to this newspaper/magazine: Þjóðmál
https://timarit.is/publication/1175

Link to this issue:

Link to this page:

Link to this article:

Please do not link directly to images or PDFs on Timarit.is as such URLs may change without warning. Please use the URLs provided above for linking to the website.