Þjóðmál - 01.09.2011, Blaðsíða 13
Þjóðmál HAUST 2011 11
tveir kostir: stjórnarskráin frá 1944 og
tillögur stjórnlagaráðs .
Þórhildur Þorleifsdóttir, sem sat í stjórn-
lagaráði, sagði við Stöð 2 4 . ágúst, innan við
viku frá því að tillögur ráðsins voru afhentar
þing forseta, að til álita kæmi að stofna nýjan
stjórn málaflokk að tilstuðlan stjórnlagaráðs .
Sal vör Nordal, forseti stjórnlagaráðs, sagði
hins vegar á dv.is 9 . ágúst að ekki væri á dag-
skrá hennar að hefja stjórnmálaþátttöku . Óm-
ar Ragnarsson tók undir með Salvöru . Óm-
ar bauð sig fram til þings í apríl 2009 und ir
merkjum Íslandshreyfingarinnar með Jakobi
Frímanni Magnússyni og fleirum . Flokk ur-
inn hlaut 5 .953 atkvæði, eða 3,3% fylgi .
Á dv.is lauk umfjöllun um hugsanlegt
þing framboð stjórnlagaráðsliða á þessum
orðum:
Ljóst er að ef Alþingi fer ekki þá leið sem
fulltrúum stjórnlagaráðs hugnast gætu
flokk arnir á þingi átt það á hættu að vinsælir
stjórn lagaráðsfulltrúar myndi flokk sem
freisti þess að hirða af þeim þingsætin .
Orðin „vinsælir stjórnlagaráðsfulltrúar“
vísa hvorki til fjölda kjósenda í stjórn laga -
þings kosningunum né atkvæða sem ein-
stakir stjórnlagaráðsliðar fengu í þeim . Eigi
að finna eitt orð sem lýsir viðhorfi sumra
stjórn lagaráðsliða í garð alþingis sækir
„ósvífni“ á hugann . Að þeir sem taka að sér
að semja nýjar leikreglur um stjórnskipan
lýðveldisins skuli koma frá því verki með
þau orð á vörunum að gildandi leikreglur
beri að hafa að engu er ekkert annað en
ósvífni .
Hinn 29 . ágúst kynnti samfylkingarkon-
an Ásta Ragnheiður Jóhannesdóttir, forseti
alþingis, þinglega meðferð tillagna stjórn-
laga ráðs . Í tilkynningu hennar segir að aðeins
þingmenn geti lagt tillögur í formi þingskjals
fram á alþingi, forseti þingsins vilji hins vegar
að tillögur stjórnlagaráðs séu lagðar fram
sem skýrsla frá forsætisnefnd til þingsins . Í
því felist ekki efnisleg afstaða til tillagnanna
eða einstakra þátta þeirra . Í skýrslunni
verði saga málsins reifuð og fjallað um störf
stjórnlagaráðs, frumvarpstextinn birtur ásamt
greinargerð frumvarpsins og jafnframt birt
nauðsynleg fylgiskjöl . Skýrslan verði lögð
fram í október eftir að nýtt þing kemur
saman af því að ekki sé tími til að ræða málið í
september . Engar hömlur verði af hálfu forseta
á þeirri umræðu . Að henni lok inni gangi
málið til stjórnskipunar- og eftirlits nefndar
þingsins, sem fjalli um stjórnar skrármál .
Æskilegt sé að nefndin kalli til fundar við
sig ýmsa þá sem unnið hafi að málinu á fyrri
stigum þess, t .d . fulltrúa í fyrrum stjórn laga-
nefnd og stjórnlagaráði, sérfræðinga í stjórn-
skip unarrétti og aðra þá er nefndin kunni að
telja gagnlegt að hafa samráð við um meðferð
málsins . Þá hvetur forseti þingsins til þess
að stjórnskipunar- og eftirlitsnefndin leiti
jafnframt til almennings með auglýsingu
um umsagnir líkt og gert var við breytingar á
stjórnarskrá á þinginu 1994–95 .
Margítrekað er í tilkynningu forseta al-
þingis að samstaða sé um þetta mál í for sætis -
nefnd þingsins, forseti alþingis hafi reifað
þessi sjónarmið opinberlega og enginn gert
athugasemd við þau . Hugmyndum stjórn-
lagaráðsliðanna er þannig vísað á bug .
III .
Þrír stjórnmálaflokkar halda landsfundi á næstu vikum . Samfylkingin hefur
boðað landsfund á höfuðborgarsvæðinu 21 .
til 23 . október . Vinstri grænir (VG) efna til
landsfundar á Akureyri 28 . til 30 . október .
Sjálfstæðismenn koma saman á landsfundi í
Reykjavík 17 . til 20 . nóvember .
Á fundunum verður gengið til mál-
efnastarfs og kosninga á formanni og for-
ystusveit . Enginn formaður þessara þriggja
flokka er óumdeildur innan eigin raða .