Þjóðmál - 01.09.2011, Blaðsíða 39
Þjóðmál HAUST 2011 37
sem þá hafði yfirumsjón með fjölmiðlafyrir-
tækjum Baugs, frá því að gengið hefði
verið frá samn ingi um að selja stjórn enda-
teymi BostonNOW hlut Baugs í blaðinu
en lengi hefðu farið fram viðræður um að
sameina blaðið öðrum frí blöðum í borginni .
Aðeins þremur dögum seinna kom fram að
stjórnenda teymið hefði hætt við og útgáfu
blaðsins hefði verið hætt . Þórdís sagði í
samtali við mbl.is að þetta hefði komið Baugs-
mönnum í opna skjöldu . Skýringar Russells
Perga ments, fram kvæmda stjóra blaðsi ns, að
um væri að kenna versnandi efna hags ástandi
á Íslandi, væru út í hött .
Fleiri en klikkaðir Íslendingar
Í byrjun árs 2008 var ljóst að vilji og geta
Baugs til þess að halda úti blaði í Danmörku
hafði minnkað mikið . Leitað var að lausnum .
Í slíkum tilvikum er oft sagt að eina leiðin
sé að finna einhvern annan til þess að sitja
uppi með Svarta-Péturinn . Það tókst . Í
janúar 2008 bárust af því fregnir að unnið
væri hörðum höndum að því að finna nýja
eigendur að Nyhedsavisen . Morten Lund,
danskur fjárfestir, keypti þá 51% í félaginu
á krónu að sögn Jyllandsposten . Á móti
kæmi, að Íslendingarnir hefðu gert samning
við nýja eigendur um að fá tiltekinn hluta
af væntanlegum hagnaði blaðsins . Þórdís
Sigurðardóttir sagði þetta fjarri lagi .
Ný stefna blaðsins var „að jafnvægi kom-
ist á í rekstri Nyhedsavisen í Danmörku í
nóvember á þessu ári (2008) eftir mikinn
taprekstur frá því blaðið kom fyrst út í
október 2006 . Auglýsingaverð verður tvö-
faldað og stefnt er að því að fjölga föstum
lesendum úr um 540 þúsund í um 800
þúsund á dag án þess að auka upplag
blaðsins, sem er 525 þúsund eintök .“
Einhverjir hefðu talið að þetta væru ekki
mjög raunhæf markmið enda kom það á
daginn . Taprekstur á mánuði var um þessar
mundir 30 til 40 milljónir danskra króna .
„Þetta staðfestir að fleiri en einhverjir
klikkaðir Íslendingar hafa trú á þessu,“ sagði
Troels Mylenberg, danskur sér fræð ingur
í fjölmiðlarannsóknum, um þá ákvörð un
Mort ens Lund að kaupa 51% hlut í Dagsbrun
Group sem gaf út frí blaðið Nyheds avisen .
Þann 22 . apríl 2008 var viðtal við Gunnar
Smára Egilsson í Berlingske Tid ende. Hann
sagði m .a .: „Það verður nokkrum fríblöðum
lokað en það þýðir ekki, að hugmyndafræðin
á bak við blöðin sé röng .“ Gunnar Smári
sagði að hann hefði sjálfur tekið þá ákvörðun
að hætta störfum hjá Dagsbrun Media . Hann
hefði fengið áhuga á nýjum hlutum, væri
í leyfi og íhugaði hvað hann ætlaði að taka
sér fyrir hendur . Í sama blaði sagði Morten
Lund, nýr aðal eig andi Dagsbrun Media, að
Gunnar Smári væri ótrúlegur hugmynda-
smiður og í raun fað ir hugmyndafræðinnar
á bak við Nyhedsavisen .
Í byrjun september 2008 var rætt við
Þór dísi Sigurðardóttur og Gunnar Smára
eftir að útgáfu Nyhedsavisen hafði verið
hætt . Þór dís sagði: „Þetta fór öðru vísi en
við gerðum ráð fyrir, en það enda víst ekki öll
ævintýri vel .“ Ekki liggur fyrir hvert endan-
legt tap Stoða verður, en að sögn Þórdísar
veitti félagið alls 450 milljónum DKK í
reksturinn . Þórdís sagðist þó vonast til að
eitthvað af láns fénu fengist til baka í gegn-
um veð sem Stoðir ættu í eignum Lunds .
Gunnar Smári sagði: „Ég tel að þetta sé
vegna samdráttar á efnahagsmarkaði og aug-
lýs ingamarkaði .“ Morten Lund sagðist á
bloggsíðu sinni vera orðinn blankur eftir
aðkomu sína að útgáfu Nyhedsavisen . Hann
hefði eytt 105 milljónum danskra króna,
sem hann hefði tekið að láni .
„Afar slæm ákvörðun,“ sagði Lund . „Þið
getið sagt að ég sé heimskur og óáreiðanlegur,
það er í lagi, ég klúðraði málunum . Ég axla
alla ábyrgðina . Þetta voru mínir peningar
og allt það fé sem ég hafði aðgang að .“