Þjóðmál - 01.06.2013, Síða 36

Þjóðmál SUmAR 2013 35
Íþessari grein hyggst ég ræða afstöðu þeirra Karls Marx og Friedrichs Engels
til þjóða og trúflokka á borð við Gyðinga .
Ég neita því ekki að oft gæti fordóma í garð
einstakra þjóða og trúarbragða í skrifum
þeirra félaga . Samt tel ég að þeir hafi fyrst og
fremst verið það sem ég kalla „alþjóðaremb-
ungar“ . Slíkir menn dýrka hið alþjóðlega
með sama ofsa og þjóðrembungurinn dýrk-
ar þjóð sína . Kjörorð þeirra gæti verið „hið
al þjóðlega er hið ágæta og hið ágæta er hið
alþjóðlega“ .1
Hægrialþjóðarembungar telja hnatt vædd-
an markað allra meina bót, remb ung ar
meðal íslenskra krata trúa því að ESB-aðild
sé lausn allra vandamála . Og vinstri alþjóða-
rembungar lofsyngja fjöl menningar sam-
félagið sem í þeirra augum er alfull komið .
Ég hef áður bent á að Marx og Engels væru
ekki saklausir af voðaverkum kommúnista
og mun efla þá skoðun rökum hér .2 Athugið
að ef alþjóðaremba þeirra á einhverja sök á
þessum voðaverkum þá er slík remba engu
síður varhugaverð en þjóðremba .
Andkommúnisminn er alltof mikilvægur
til að láta hann hægrimönnum einum eftir .
Við, sem kennum okkur við jafnaðar stefnu,
hljótum að leggja fram okkar skerf .
Eitt og annað um
marxisma og þjóðerni
Norski sagnfræðingurinn Øystein Sørensen gaf í hitteðfyrra út bók um
alræðisstefnur og ber hún heitið Drømmen
om det fullkomne samfunn (Draumurinn
um hið fullkomna samfélag) . Hann
heldur því fram að Marx og Engels hafi
beinlínis hvatt til þjóðarmorða . Máli sínu
til stuðnings dregur hann fram í dagsljósið
ýmsar lítt þekktar greinar og bréf sem þeir
félagar skrifuðu .3 Hann byggir að nokkru
leyti á bók Leopold Schwarzschilds, The
Red Prussian . Schwarzschild benti manna
fyrstur á bréf og smágreinar þar sem þeir
Marx og Engels nota einkar sóðalegt orðafar
og daðra við skuggalegar skoðanir .4
Ég tók mig til og las obbann af þeim grein-
um sem þeir Sørensen og Schwarzschild
vitna í . Ekki verður séð að Marx og
Engels hvetji ótvírætt til þjóðarmorða . En
glannalegt orðaval þeirra er með þeim hætti
Stefán Snævarr
Marx og Engels: Þjóðir
og alþjóðaremba