Morgunblaðið - Sunnudagur - 06.03.2016, Page 40

Dalvegi 10-14 • 201 Kópavogi • 595 0570 • Parki.is
Margar gerðir
af innihurðum
Hjá Parka færðu gullfallegar
innihurðir frá Grauthoff.
Mikið úrval, sjón er sögu ríkari!
Bjóðum aðeins það besta fyrir þig!
Margar gerðir
af innihurðum
TÆKNI
40 MORGUNBLAÐIÐ SUNNUDAGUR 6.3. 2016
Nýjasta æðið á „snapchat“ og fleiri samfélagsmiðlum er að taka
myndir af tveimur eða fleirum og skipta um andlit. Mörg forrit bjóða
upp á andlitsskiptin eða „face swap“ og getur verið bráðfyndið.
„Face swap“
Nú kemur það kannski ekki á óvart að SamsungGalaxy S7 standi S6 framar og líklega ekkiheldur að hér sé kominn besti Samsung-síminn
til þessa, það er lítið varið í það fyrirtæki sem sendir
ekki frá sér betri og betri síma þegar flaggskipið er ann-
ars vegar. Að því sögðu þá er sjöan ótrúlega lík sexunni
við fyrstu sýn, skjárinn er sá sami til að mynda, en við
nánari skoðun kemur í ljós að þetta er allt annar og
miklu betri sími – ekki bylting, en talsvert endurbættur.
Galaxy S7 er nánast jafn stór um sig og S6, sem var
svo álíka stór og S5 á sínum tíma með skjá sem er 5,1".
Helsta breytingin þegar maður tekur símann upp er að
kanturinn á bakinu er aðeins rúnnaður svo hann fer bet-
ur í hendi fyrir vikið.
Hann verður líka fáanlegur með rúnnuðum skjá að
framan, en það er þá stærri útgáfa: Samsung Galaxy S7
Edge er með 5,5" skjá. Það má því bera hann saman við
þann frábæra síma S6 Edge +, sem er með heldur
stærri skjá, 5,7", og fer ekki eins vel í hendi.
Ókostur við þetta, ef ókost skyldi kalla, er að þegar
bak- og framhlið eru úr gleri er eðlilega meiri hætta á að
eitthvað gefi sig ef síminn dettur á steingólf til að
mynda, en glerið er annars sérstyrkt Gorilla-gler frá
Corning.
Annað sem blasið við þegar haldið er á S7 er að
myndavélin nær ekki eins langt uppúr bakinu á síman-
um, sem felst í því að hún er endurhönnuð, en líka að S7-
síminn er aðeins þykkari en S6 til að koma fyrir stærri
rafhlöðu. Í sjöunni eru þannig 3.000 milliamperstundir,
en í sexunni var rafhlaðan 2.550 mAh. Í S7 Edge er raf-
hlaðan svo 3.500 mAh og gefur augaleið að stærri raf-
hlaða gefur meiri rafhlöðuendingu, á pappírnum í það
minnsta, en vitanlega skiptir höfuðmáli hvernig síminn
er notaður. Eitt af því sem hefur eflaust áhrif á endingu
rafhlöðunnar er að síminn er sífellt með kveikt á skján-
um, þ.e. það slokknar ekki alveg á honum eins og tíðkast
á símum almennt, en að sögn Samsung-bænda er skjá-
lýsingin svo lítið hlutfall af rafmagnseyðslu símans al-
mennt að hún skiptir litlu eða engu máli (reyndar
slokknar á skjánum þegar maður stingur símanum í vas-
ann). Svo styður síminn hraðhleðslu og já, þrálausa
hleðslu, nema hvað.
Það var mikill kostur við S5-símann að hann var
vatns- og rykvarinn og því hugsaði maður sig ekki um að
svara símtali í ausandi rigningu. Sú vörn var ekki til
staðar í sexunni en snýr nú aftur og er vel þegin. Síminn
er með IP68-vottun, sem þýðir að hann á að þola það að
vera í ríflega metradjúpu vatni í hálftíma.
Í símanum er nýr örgjörvi, fjögurra kjarna 2,15 GHz
örgjörvi úr smiðju Samsung, sem er þriðjungi hraðvirk-
ari en sá sem er í S6. Það fer líka ekki á milli mála, sím-
inn er ævintýralega sprækur og var sexan þó snögg. Það
ræður eðlilega miklu að í honum er líka nýr grafík-
örgjörvi sem er ríflega 60% hraðvirkari en eldri gerðin.
Minni símans er 32 GB, en af því fara 8 GB í viðbætur
Samsung við Android, þ.e. TouchWiz-notendaskilin. Það
er því kostur að á símanum er rauf fyrir MicroSD minn-
iskort sem getur verið allt að 200 GB að stærð. Það er
þó sá hængur á að ekki er hægt að nýta nýja minnis-
stýringu sem fylgir Android 6 (sem er á símanum), en
hún nýtir minni á minniskorti eins og það sé fastaminni
símans. Fyrir vikið verður maður að færa forrit á kortið
ef plássið er orðið lítið, sem er lausn í sjálfu sér, en hitt
væri eðlilega miklu þægilegra.
Einna mesta umbætur hafa verið gerðar á myndavél
símans, sem er annars 12 MP. Ljósopið er F1,7, var
F1,9, og sjálfvirkur fókus er orðinn miklu, miklu hrað-
virkari, svo miklu hraðvirkari að maður verður eiginlega
að sjá það til að trúa því. Dílarnir á myndflögunni hafa
líka verið stækkaðir og fyrir vikið verð ég að segja að
myndavélin í S7 er besta símamyndavél sem ég hef kom-
ist í tæri við.
Samsung náði forskoti í tækni og útliti með Galaxy S6
og viðheldur því með S7-símanum. Það er þó erfitt að
gera upp á milli S7 og S7 Edge – sá fyrri fer betur í vasa
og betur í hendi, en sá síðari er glæsilegasti – og besti –
farsími á markaði í dag.
Galaxy S7 kostar 119.990 kr. í Nova, S7 Edge 139.990
kr. Hjá Símanum kosta þeir það sama og eins hjá Voda-
fone.
Vorboðinn knái
Það er fastur liður þegar snjóa tekur að leysa og
daginn að lengja að Samsung kynnir nýjan síma;
fjarkinn kom á markað í lok apríl á sínum tíma,
fimman í byrjun apríl og
sexan um líkt leyti. Nú
er svo sjöan væntanleg,
verður reyndar fyrr á
ferðinni en endranær,
því Samsung Galaxy S7 verður til sölu í næstu
viku – fyrstu símarnir afhentir á þriðjudaginn.
’Nú kemur það kannski ekki á óvart aðSamsung Galaxy S7 standi S6 framar oglíklega ekki heldur að hér sé kominn bestiSamsung-síminn til þessa, það er lítið varið í
það fyrirtæki sem sendir ekki frá sér betri og
betri síma þegar flaggskipið er annars vegar.
Sjöurnar hlið við hlið; til vinstri er hinn „klassíski“ S7 og
hægra megin er S7 Edge, sem er akkúrat passlega stór.
Græjan
Árni
Matthíasson
arnim@mbl.is