Morgunblaðið - Sunnudagur - 06.03.2016, Qupperneq 52

52 MORGUNBLAÐIÐ SUNNUDAGUR 6.3. 2016
LESBÓK
SJÓNVARP Sýningar á fjórðu þáttaröðinni af hinni
geysivinsælu seríu Spilaborg (House og Cards) hefjast í
Ríkissjónvarpinu á mánudaginn og bíða margir hennar
með óþreyju. Blaðamaður breska blaðsins The Inde-
pendent tók forskot á sæluna á dögunum og fullyrðir, án
þess að vilja spilla neinu fyrir áhorfendum, að Claire
Underwood, sem leikin er af Robin Wright, fari á svaka-
legt flug í seríunni og gefi aðalkarakternum, Frank
Bandaríkjaforseta eiginmanni sínum, ekkert eftir. Fram
að þessu hefur Spilaborg fyrst og síðast verið þáttur Ke-
vins Spaceys. Fleiri kvenkarakterar láta til sín taka í
nýju seríunni, þeirra á meðal pólitíski ráðgjafinn Leann
Harvey. Hún er leikin af Neve Campbell sem líklega er
frægust fyrir leik sinn í Scream-myndunum.
Claire fer á flug
Hin ólseiga Claire Underwood.
KVIKMYNDIR Leikarinn og háðfuglinn
Chris Rock fór mikinn í kynningu sinni á Ósk-
arsverðlaunahátíðinni um liðna helgi og
snerist mál hans í upphafi hátíðarinnar ekki
síst um þá staðreynd að enginn þeldökkur
væri tilnefndur til verðlauna í helstu flokk-
um. Til að bæta fyrir þetta sagði Rock að
minningarstundin á hátíðinni myndi að þessu
sinni ekki hverfast um þá leikara og kvik-
myndagerðarfólk sem sálast hefðu frá síð-
ustu hátíð, heldur yrði stundin notuð til að
minnast þeirra blökkumanna sem lögreglan
hefði skotið þegar þeir voru á leið í bíó. Já,
það var allt látið flakka.
Blökkumenn skotnir af lögreglu
Það kjaftaði hver tuska á Chris Rock.
AFP
Notaði kúa-
dellu á Trump
FURÐUR Bóndi nokkur í Ohio-ríki
í Bandaríkjunum greip til frum-
legrar aðferðar á dögunum til að
andmæla forsetaframboði auðkýf-
ingsins Donalds Trumps; notaði
kúadellu til að rita „No Trump“ eða
„Engan Trump“ á landareign sína.
Svo stórt var letrið að það sást vel
úr flugvélum sem flugu yfir svæðið.
„Trump hefur enga pólitíska
reynslu og svo er hann yfir-
gangsseggur,“ sagði bóndinn.
FURÐUR Maður
nokkur réðst á
annan mann á
neðanjarðar-
lestarstöð í New
York fyrir
skemmstu með
súkkulaðistykki af
gerðinni Snickers
að vopni. Illa lá á Snickers-
manninum og þegar annar maður,
sem beið eftir lest á sama tíma,
spurði hvað amaði að honum brást
hann reiðilega við og klíndi súkku-
laðistykkinu í andlitið á honum.
Fylgdi því svo eftir með þungum
höggum. Fórnarlambið skarst í
andliti og var flutt á spítala til að-
hlynningar. Árásarmaðurinn var á
hinn bóginn handtekinn og kærður
fyrir líkamsárás.
Snickersaður
FURÐUR Maður nokkur í Nýju-
Mexíkó þurfti nauðsynlega að kom-
ast yfir sígarettur að morgni síð-
asta sunnudags. Þegar hann kom
að læstum dyrum í næstu sjoppu
stóðst hann ekki freistinguna og
braust inn. Náði þar í pakka af
sígarettum en skildi samvisku-
samlega eftir 6 Bandaríkjadali
fyrir pakkanum. Athæfið náðist á
eftirlitsmyndavél og nú bíður
mannsins reikningur upp á 800 dali
vegna skemmdanna.
Erfitt er að vera án sígarettna.
Í nikótínþörf
Á tímum þegar línuleg dagskrá í sjónvarpi á undir högg að sækja hlýt-ur að vera fagnaðarefni þegar uppákomur vekja eins mikil viðbrögðog söngur Reykjavíkurdætra í þættinum Vikan með Gísla Marteini í
Ríkissjónvarpinu um liðna helgi. Um fátt var meira rætt á samfélagsmiðlum,
heimilum og kaffistofum næstu daga á eftir. Var atriðið frábært eða til há-
borinnar skammar? Reykjavíkur-
dætur urðu Reykjavíkurþrætur.
Persónulega hneyksluðu Reykja-
víkurdætur mig ekki en kannski er
það bara vegna þess að ég náði
minnstu af textanum sem ku vera í
dónalegri kantinum. Alltaf gaman að
listamönnum með „attitjúd“. Mega
konur ekki hanga fram af brúninni
alveg eins og karlar? Annað eins
hlýtur nú að hafa heyrst kveðið í
sjónvarpi. Er sú tíð ekki líka löngu
liðin að stúlkur þurfi að
kunna sig betur en piltar?
Ekki síst á almannafæri.
Mögulega hefði mátt
vara viðkvæma við at-
riðinu, enda hafa að-
standendur þáttarins líklega vitað í hvað stefndi, en í ljósi
þess að Vikan er á dagskrá eftir kl. 21 á kvöldin er
það sennilega óþarfi. Eins og allir sjónvarps-
áhorfendur vita getur allt gerst eftir kl.
21 á kvöldin. Líka á RÚV.
Margumrædd miðöldrun söng-
og leikkonunnar Ágústu Evu Er-
lendsdóttur þegar hún gekk út í
miðju atriði þeirra dætra er á margan
hátt skiljanleg. Það er erfitt fyrir lista-
mann að vera óumbeðinn „props“ eða leik-
munur í atriði annarra listamanna, ekki síst þeg-
ar þeir listamenn eru yngri og ófrægari. Ágústa
Eva hefði örugglega látið gjörninginn yfir sig
ganga hefði þetta verið Björk Guðmundsdóttir
eða Megas – og líklega bara verið stolt af sínu framlagi. Hlýtur þetta ekki að
hafa vegið þyngra en hneykslun hennar á atriðinu sem slíku og boðskap
þess?
Áttu karlarnir að ganga út?
Hvers vegna gengu hinir gestir þáttarins þá ekki út líka kann einhver að
spyrja. Voru þeir ekki í sömu sporum og Ágústa Eva? Nú þekki ég færeyska
söngfuglinn Eivøru Pálsdóttur ekki neitt en hef á tilfinningunni að ansi mikið
þurfi til að koma henni úr jafnvægi. Alltént virtist atriði Reykjavíkurdætra
ekki trufla hana hið minnsta. Kannski kann hún sig bara svona vel!
Útganga Ágústu Evu var dramatísk en í ljósi aðstæðna hefði útganga karl-
gestanna, Sólmundar Hólm skemmtikrafts og Jóhannesar Hauks Jóhannes-
sonar leikara, verið ennþá dramatískari. Ég meina, „karlmaður gengur út úr
miðju atriði Reykjavíkurdætra“. Það hefði verið umræða í lagi. Þá fyrst
hefðu samfélagsmiðlar farið á hliðina. Ætli þeir félagar hafi hugleitt þetta
meðan á öllu þessu stóð? Uppeldið hefur mögulega unnið gegn þeim. Nú eða
með þeim, eftir því hvernig á það er litið.
Hvað þá ef umsjónarmaður þáttarins hefði sjálfur látið sig hverfa? Það
hefði toppað allt.
Ekki svo að skilja að Gísli Marteinn hafi þurft á
því að halda, aðra eins kynningu á þætti sínum fær
hann ekki í bráð. Er hann þó, eins og dæmin sanna,
til alls líklegur, þegar kemur að því að bjóða til sín
gestum í sjónvarpssal. Er það vel, enda ekki auðvelt
að ná til yngri áhorfenda í línulegri dagskrá. Hvað
þá eftir kl. 21 á föstudagskvöldum.
Eftir þessa æsilegu uppákomu býst ég við að
margt ungmennið hugsi sig um tvisvar áður en
það hendir sér út á galeiðuna eða gleymir sér í
símanum sínum næst þegar Vikan með Gísla
Marteini er á dagskrá sjónvarps.
Hvernig er það annars, ætli Gísli Marteinn,
þessi dagfarsprúði piltur, sé að verða ein-
hvers konar „enfant terrible“ í Efstaleit-
inu? Er ef til vill búið að taka hann af
dagskrá? Alltént var engin Vikan í gær-
kvöldi. Eða báru tónlistarmenn og verð-
launaveisla þeirra bara ábyrgð á því?
Reykjavíkurdætur kalla
ekki allt ömmu sína.
Morgunblaðið/Eggert
Reykjavíkurþrætur
’Útganga Ágústu Evuvar dramatísk en í ljósiaðstæðna hefði útgangakarlgestanna, Sólmundar
Hólm skemmtikrafts og Jó-
hannesar Hauks Jóhann-
essonar leikara, verið
ennþá dramatískari.
Pistill
Orri Páll Ormarsson
orri@mbl.is