Morgunblaðið - Sunnudagur - 06.03.2016, Page 53

Fá lög nutu meiri lýðhylli hér um
slóðir árið 1983 en „99 Luftbal-
lons“ með þýsku nýbylgjusveitinni
Nenu. Lagið var á fyrstu plötu
sveitarinnar sem bar nafn söngkon-
unnar. Ári síðar var textanum
snarað yfir á ensku og lagið endur-
útgefið undir heitinu „99 Red
Balloons“. Urðu vinsældir þeirrar
útgáfu síst minni en hún komst
meðal annars á topp breska vin-
sældalistans og í annað sætið á
þeim bandaríska, á eftir erkismell-
inum Jump með bandarísku rokk-
sveitinni Van Halen.
Til að gera langa sögu stutta
varð „99 Red Balloons“ eini al-
þjóðlegi smellur Nenu. Réttið upp
hönd ef þið getið nefnt annað lag
með sveitinni? Nena naut þó áfram
hylli heima fyrir og í fleiri Evr-
ópulöndum næstu misserin.
Sveitin leystist upp árið
1987 og síðan hefur
söngkonan starfað á eig-
in vegum, undir sama
nafni.
Gabr-
iele Sus-
anne Ker-
ner fæddist í
þýsku borginni
Hagen árið 1960
og verður 56 ára
síðar í þessum
mánuði. Gælunafn-
ið, Nena, fékk hún
þriggja ára gömul í
sumarfríi
með for-
eldrum
sínum á
Spáni. Það
þýðir einfaldlega
„lítil stúlka“ á spænsku.
Nena lærði til gullsmiðs
en hellti sér út í tónlist-
ina nítján ára gömul,
fyrst með hljómsveitinni Stripes en
síðan bandinu sem kennt var við
hana sjálfa. Nena gerði út frá Vest-
ur-Berlín og meðal meðlima í
sveitinni var ástmaður söngkon-
unnar, trommuleikarinn Rolf Bren-
del.
The Stripes sendi frá sér eina
breiðskífu, hljómsveitin Nena
fimm og söngkonan hefur gefið út
tólf plötur undir eigin nafni. Þá síð-
ustu „Oldschool“ í fyrra.
Hún er sumsé ennþá virk og nýt-
ur bærilegra vinsælda í Þýskalandi.
Auk söngsins hefur Nena starfað
annað veifið í sjónvarpi, einkum við
tónlistar- og skemmtiþætti.
Hætt komin í fæðingu
Upp úr sambandi Nenu og Bren-
dels slitnaði árið 1987, um sama
leyti og hljómsveitin leystist upp.
Fljótlega eftir það tók hún saman
við svissneska leikarann Bene-
dict Freitag og ól honum þrjú
börn. Fyrsta fæðingin gekk afar
illa og var Nena hætt komin.
Barnið var fatlað, mögulega
vegna læknamistaka, og
lést skömmu fyrir
fyrsta afmælisdag sinn.
Árið 1990 eignuðust
þau tvíbura, dreng og
stúlku, sem í dag syngja
bakraddir hjá móður
sinni.
Nena og Freitag
skildu og hún tók næst
saman við trymbilinn
og upptökustjórann
Philipp Palm. Þau
eiga tvo syni, fædda
1995 og 1997, og
núna á Nena líka þrjú
barnabörn. Nena og
Palm eru ennþá sam-
an og búa í Hamborg,
eins og frúin forðum.
Söngkonan Nena eins og hún kom okkur fyrir sjónir á hátindi frægðar sinnar.
HVAÐ VARÐ UM NENU?
Blöðrur sem
springa aldrei
Nýleg mynd af
Nenu á tónleikum.
Söngkonan hefur
engu gleymt.
6.3. 2016 MORGUNBLAÐIÐ SUNNUDAGUR 53
SJÓNVARP Þættirnir Popp- og rokksaga Íslands hefja
göngu sína á ný í Ríkissjónvarpinu að kvöldi sunnudags.
Sex fyrstu þættirnir voru sýndir fyrir áramót og nú er
röðin komin að seinni þáttunum sex. Dagskrárgerð er
sem fyrr í höndum Arnar Marinós Arnarsonar og Þor-
kels Harðarsonar í samstarfi við Dr. Gunna en þættirnir
eru byggðir á bók þess síðastnefnda, „Stuð vors lands“. Í
þáttunum er rætt við tónlistarmenn sem sett hafa svip á
íslenskt dægurtónlistarlíf gegnum tíðina og rykið
dustað af gömlu myndefni. Komið var fram á níunda
áratuginn þegar frá var horfið fyrir áramót og næstu
vikurnar mun kastljósið án efa beinast að stórlöxum á
borð við Bubba Morthens, Sálina hans Jóns míns, Syk-
urmolana og Björk, Of Monsters & Men og Sigur Rós.
Poppsagan aftur í loftið
Björk Guð-
mundsdóttir.
ÞRASS Dave Mustaine, söngvari og gítarleikari
bandaríska þrassbandsins Megadeth, er skeleggur
samfélagsrýnir og sé einhver þungarokkari líklegur til
að bjóða sig í framtíðinni fram til embættis forseta
vestra er það hann. Á dögunum mátaði kappinn sig
raunar við embættið á Twitter. Færi hann fram myndi
hann vilja hafa Alien Cooper sem varaforsetaefni.
Fréttaskýrendur telja að þar sé Mustaine að tala um
gamla brýnið Alice Cooper. Hann vill fá Michael Sweet
úr kristilega málmbandinu Stryper sem utanríkis-
ráðherra, Ben Carson sem heilbrigðisráðherra, Mike
Muir, söngvara Suicidal Tendencies, sem varnar-
málaráðherra og móður sína í menntamálaráðuneytið.
Hreint ekki illa mannað, eða hvað?
Mustaine mátar sig við forsetaembættið
Dave Mustaine er þrælpólitískur.
Morgunblaðið/Sverrir
Breski háðfuglinn James Corden hefur verið með
nokkuð sérstakt þema í þætti sínum, The Late Late
Show, undanfarið en þátturinn er sýndur á CBS í
Bandaríkjunum og SkjáEinum hér heima. Þannig er
mál með vexti að sami maðurinn kemur aftur og aft-
ur sem gestur í þáttinn en undir mismunandi nöfn-
um og starfsheitum. Á alltaf að standa fyrir kynningu
af einhverju tagi. Þegar kemur að honum gerist hins
vegar alltaf það sama; tónlistarstjóri þáttarins,
Reggie Watts, brestur í óstöðvandi söng og valtar yf-
ir manninn. Tíminn rennur út og aumingja gesturinn
kemst ekki að. Rýkur út úr stúdíóinu í fússi. Skilj-
anlega.
Fyrst hét þessi ágæti maður Andrey Arshavin og
sérhæfði sig í því að pakka inn jólagjöfum; næst hét
hann Gilles Grimandi og var vísindamaður af ein-
hverjum toga og nú síðast hét hann Marc Overmars
og var brellumeistari í kvikmyndum. Hafði meira að
segja skrifað bók um efnið í samstarfi við félaga sinn,
José Antonio Reyes.
Eins og glöggir lesendur hafa þegar áttað sig á eru
þetta allt nöfn á fyrrverandi leikmönnum enska
knattspyrnufélagsins Arsenal. Og hvers vegna eru
þeir niðurlægðir með þessum frumlega hætti? Jú,
James Corden er forfallinn aðdáandi annars knatt-
spyrnufélags í Lundúnum, nefnilega West Ham Unit-
ed. Og eins og allir sannir aðdáendur West Ham hat-
ar hann Arsenal eins og sjálfa pestina.
Corden er ekki fyrsti West Ham-maðurinn til að
draga dár að Arsenal en frægt var þegar málmbandið
góðkunna Iron Maiden var með eftirfarandi úrslit aft-
an á plötu sinni Somewhere in Time árið 1986: West
Ham 7 - Arsenal 3. Bassaleikari Maiden, Steve Harris,
er sem kunnugt er grjótharður stuðningsmaður West
Ham.
Reggie Watts og James Corden eru annálaðir æringjar.
Ætli Bandaríkjamenn skilji þetta Arsenal-grín?
AFP
SPÉFUGLINN JAMES CORDEN
Hæðist að
Arsenal
Marc Overmars Gilles Grimandi Andrey Arshavin
Nýr og glæsilegur veitingastaður á Hótel Örk. Fjölbreyttur og vandaður matseðill.
Pantaðu borð í síma 483 4700