Orð og tunga - 01.06.2014, Síða 117

Ari Páll og Haraldur; Islenska og enska í háskólastarfi
105
Skrif á íslensku eru mest á Hugvísindasviði (55%), Menntavísindasviði
(50%) og Félagsvísindasviði (47,5%) og þar er líka skrifað svolítið á
öðrum tungumálum en íslensku og ensku þótt í litlum mæli sé. A
Verkfræði- og náttúruvísindasviði og Heilbrigðisvísindasviði eru
skrif akademískra starfsmanna aftur á móti að langmestu leyti á
ensku (96,7% og 81,4%).
I matskerfi opinberra háskóla er akademískum verkum skipað
niður í flokka. A mxjnd 5 er sýnd greining á tungumáli framtalinna
skrifa við Háskóla Islands árið 2011 í fimm flokkum: bókum, bókar-
köflum, tímaritsgreinum, greinum í ráðstefnuritum og ritdómum.
Þar eru skrif á íslensku mest í flokki bóka og ritdóma en skrif í þess-
um tveimur flokkum eru nær eingöngu á Hugvísindasviði, Mennta-
vísindasviði og Félagsvísindasviði. Staða íslensku er langveikust í
flokki tímaritsgreina.
Mynd 5. Fræðileg skrif í Háskóla íslands 2011. Hlutfallsleg skipting eftir tungumáli í
mismunandi flokkum. íslenska er neðst á myndinni, þá enska og efst eru önnur mál.
í flokki tímaritsgreina við Háskóla íslands hefur orðið hægfara þ'ölgun
greina á ensku undanfarin ár á kostnað greina á öðrum málum. A mynd
6 hér á eftir er sýnt yfirlit yfir framtaldar tímaritsgreinar akademískra
starfsmanna árin 2005-2011 eftir tungumálum. A þessu tímabili eru
skrif langmest á ensku, að meðaltali 72%, en skrif á íslensku eru að
meðaltali 26%. Tímaritsgreinar á Norðurlandamálunum færeysku,
norsku, dönsku og sænsku og öðrum málum (þar á meðal þýsku,
frönsku og spænsku) eru samtals að meðaltali 2%.
í íslensku háskólasamfélagi, eins og við háskóla víðast hvar annars