Orð og tunga - 01.06.2014, Page 125

Ari Páll og Haraldur: íslenska og enska í háskólastarfi
113
10,9-11,7% á þessu tímabili og jókst heldur 2009-2011 eftir nokkra
lækkun frá skólaárinu 2007-2008 til 2008-2009 eins og sjá má á mynd
12. í Háskólanum í Reykjavík hefur hlutfallið aftur á móti aukist frá ári
til árs öll þessi fjögur skólaár og fer hæst í 23,4% skólaárið 2010-2011
en reyndar má bæta því við að hlutfallið var 23% skólaárið 2011-2012
í Háskólanum í Reykjavík (sbr. mynd 11 að framan) svo að aukningin
hefur stöðvast þar.
4.3 Grunnnám og framhaldsnám
Ef greint er á milli grunnnáms og framhaldsnáms við Háskóla ís-
lands kemur í ljós að hlutfall námskeiða á ensku er drjúgum hærra
í framhaldsnámi en í grunnnámi. Skólaárið 2007-2011 var hlutfall
námskeiða á ensku að meðaltali 8% í grunnnámi en 18% í framhalds-
námi en tölur fyrir þessi ár eru sýndar á mynd 13.
I Háskólanum á Akureyri er kennsla á ensku einnig mun meiri í
framhaldsnámi en í grunnnámi. Skólaárið 2011-2012 voru 8,6% nám-
skeiða í grunnnámi kennd á ensku en 36% í framhaldsnámi.7 í Árs-
skýrslu skólans um árið 2010 kemur fram að kennt er á ensku í all-
mörgum námskeiðum í félagsvísindadeild og lagadeild (bls. 20). Við
lagadeild er BA-nám í lögfræði að hluta kennt á ensku og enn fremur
er boðið upp á alþjóðlegt meistaranám í heimskautarétti sem alfarið
er kennt á ensku (bls. 23-24).
Mi/nd 13. Hlutfall námskeiða á ensku við Háskóla íslands eftir námsstigi skólaárin
2007-2011.
Athygli vekur að þessu er öfugt farið við Háskólann á Bifröst; þar er
kennsla á ensku fyrst og fremst í grunnnámi. í Kennsluskrá skólans fyr-
7 Skv. upplýsingum frá Steinunni Aðalbjamardóttur og Stefáni Jóhannssyni í tölvu-
pósti í apríl 2012.