Orð og tunga - 01.06.2014, Page 167

Ritfregnir
155
fjölgað um tæplega 4% frá síðustu útgáfu og samkvæmt því eru í henni u.þ.b.
átta þúsund hugtök. Auk þess hafi eldra efni verið yfirfarið og endurskoðað.
Ný^ja útgáfan er einungis birt rafrænt á vef Skýrslutæknifélagsins. Þar má
bæði leita að íslenskum og enskum heitum í vefútgáfu safnsins og sækja
orðasafnið í heild sem pdf-skjal til útprentunar eða notkunar í eigin tölvu.
Einnig má sækja orðasafnið á sérstöku sniði (TBX 'Term Base eXchange')
sem hentar fyrir þýðingarminni og til nota í máltækniverkefnum.
Orðasafn í líjfærafræði. 1. Stoðkerfi. Enska - latína - íslenska. Ritstj.:
Jóhann Heiðar Jóhannsson. (íðorðarit Stofnunar Árna Magnússonar
í íslenskum fræðum 3.) Reykjavík: Stofnun Árna Magnússonar í ís-
lenskum fræðum. 2013. (56 bls.; rafræn útgáfa (pdf: http://www.or-
dabanki.hi.is/files/stodkerfi.pdf). ISBN 978-9979-654-278.
Þetta er fyrsti hluti nýs orðasafns í læknisfræði. Það byggir að hluta á Ið-
orðasafni lækna sem kom út í heftum á árunum 1986-1989 og á alþjóðlegu
líffæraheitunum, Terminologia Anatomica. Orðasafnið er skipulagt þannig að
fyrst kemur flokkaður orðalisti með enskum uppflettiorðum og jafnheitum á
latínu og íslensku ásamt stuttri skilgreiningu og er það meginhluti verksins.
Á eftir fylgja svo tveir stafrófsraðaðir orðalistar, annar með enskum upp-
flettiorðum og íslenskum jafnheitum og hinn með íslenskum uppflettiorð-
um og jafnheitum þeirra á ensku.
Orðasafnið er gefið út í prentuðu kveri en það má einnig sækja sem pdf-
skjal á vef Orðabanka Islenskrar málstöðvar (http://www.ordabanki.hi.is).
Orðasafnið er þriðja ritið í nýrri ritröð, Iðorðarit Stofnunar Árna Magnús-
sonar í íslenskum fræðum. Hin fyrri, sem bæði komu út 2012, eru orðasöfn í
stjórnmálafræði og faraldsfræði.
Ari Páll Kristinsson &JóhannesB. Sigtryggsson (ritstj.). Juridisksprog
i Norden. Rapport fra en nordisk konference om klarsprog, Reykja-
vík 11.-12. oktober 2011. Nordisk sprogkoordination. 2012. (111 bls.)
Rafræn útgáfa: http://nordisksprogkoordination.org/dokumenter-
til-download/Juridisk sprog i norden.pdf. ISBN: 978-87-89410-50-0.
Þetta er ráðstefnurit frá 6. norrænu ráðstefnunni um málskýrð sem haldin
var í Reykjavík haustið 2011. Þema hennar var lögfræðimál á Norðurlöndum
með áherslu á þýðingar lögfræðilegra texta og margmála lagatexta. I ritinu
eru birtar átta greinar sem byggjast á fyrirlestrum af ráðstefnunni auk út-
drátta úr öllum 13 fyrirlestrunum sem haldnir voru og fjórum veggspjöldum
sem þar voru kynnt. Útdráttunum fylgja stutt ágrip af ferli fyrirlesaranna.
Ritið er einungis gefið út rafrænt á vef Skrifstofu um norrænt tungumála-
samstarf (d. Nordisk sprogkoordination).