Orð og tunga - 01.06.2014, Page 172

160
Orð og tunga
Tólfta ráðstefna Norræna orðabókarfræðifélagsins í Osló
13.-16. ágúst 2013
Ráðstefna Norrænna orðabókarfræðifélagsins (Nordisk forening for leksiko-
grafi), hin 12. í röðinni, var haldin í Osló dagana 13.-16. ágúst 2013. Fram-
kvæmd ráðstefnunnar var í höndum norska málráðsins, Sprákrádet, og
Institutt for lingvistiske og nordiske studier við Oslóarháskóla. Ráðstefnan
var haldin í nýjum og glæsilegum húsakynnum vísindagarða háskólans,
Forskningsparken. Þáttakendur voru um 90 talsins frá öllum Norðurlönd-
unum.
Ráðstefnan fór fram í tveimur málstofum og alls voru flutt um 40 erindi.
Efni erindanna var margvíslegt og varðaði bæði fræðilega og hagnýta hlið
orðabóka og orðabókargerðar, m.a. efnisafmörkun og val flettiorða, gerð og
notagildi málheilda í orðabókarlegu samhengi, gagnagrunna sem greining-
arumhverfi og nýjungar í gerð stafrænna orðabóka. Þá var gerð grein fyrir
ýmsum verkefnum á veggspjöldum, þ. á m. var lýsing á Islex sem Hall-
dóra Jónsdóttir og Þórdís Úlfarsdóttir stóðu að. Norsk orðabókargerð var
að vonum fyrirferðarmikil, en nú fer senn að ljúka hinu stóra og mikla
orðabókarverki um nýnorsku og norskar mállýskur, Norsk ordbok, og verið
er að móta yfirgripsmikið verk um bókmálið. Aðalfyrirlesarar voru Arleta
Adamska-Salaciak frá Háskólanum í Poznan í Póllandi en erindi hennar bar
yfirskriftina „Sameness of meaning in a bilingual dictionary", Lars Trap-
Jensen frá Det Danske Sprog og Litteraturselskab í Kaupmannahöfn en hans
erindi nefndist „Leksikografisk tradition og fornyelse: digital revolution
eller organisk reformisme?" og Victoria Rosén frá Háskólanum í Bergen sem
nefndi erindi sitt „Samspillet mellom leksikon og syntaks".
Þátttakendur frá íslandi voru venju fremur fáir að þessu sinni. Framlag
til dagskrárinnar af Islands hálfu var auk kynningar Halldóru og Þórdísar
erindi Jóns Hilmars Jónssonar sem hann nefndi „Semantisk nærhet og syno-
nymi i parataktisk og paradigmatisk perspektiv". Þá ber að nefna að Anna
Helga Hannesdóttir frá Háskólanum í Gautaborg flutti erindi um v?al og
hlutverk notkunardæma í Islex.
Aðalfundur orðabókarfræðifélagsins var haldinn í lok ráðstefnunnar þar
sem kosin var ný stjórn félagsins. Nýkjörinn formaður, Henrik Hovmark frá
Nordisk Forskningsinstih.it við Háskólann í Kaupmannahöfn, boðaði síðan
til næstu ráðstefnu félagsins í Kaupmannahöfn vorið 2015.
Osló skartaði sínu fegursta þessa sumardaga og skipuleggjendur lögðu
sig fram um að gera ráðstefnugestum dvölina sem eftirminnilegasta.
Jón Hilmar Jónsson
jhj&hi.is