Dagblaðið Vísir - DV - 20.02.2015, Page 34

Helgarblað 20.–23. febrúar 201534 Fólk Viðtal
stórkostlegt bakslag fyrir okkur, við
misstum nánast alla sölu á skóm
bæði árið 2011 og 2012, fyrir utan allt
álagið á reksturinn, viðskiptasam-
böndin og okkur persónulega.“
Vanlíðan og skömm
Hugrún segir að dómsmálið hafi
valdið þeim mikilli vanlíðan og
skömm. „Við vildum ekki að þetta
fréttist. En auðvitað þurftum við ekki
að skammast okkar því við vorum
beitt ótrúlegum órétti.“ Hún bendir
líka á að það sé mjög erfitt fyrir lítil
íslensk hönnunarfyrirtæki að lenda
í svona málum, og að þetta sé hvorki
í fyrsta né síðasta skipti sem það
muni gerast: „Hér er enga aðstoð að
fá frá yfirvöldum. Ef við værum með
fyrirtæki erlendis og hefðum lent í
svona stuldi hefðum við ekki þurft að
standa í þessu ein og óstudd. Í Bret-
landi er til að mynda ráðuneyti sem
hefur með skóhönnun og framleiðslu
að gera. Hér er ekki neitt bakland,
við þurftum að ganga sjálf í málið og
redda okkur lögfræðingum og vinna
þetta að öllu leyti án stuðnings.
Hönnunarmiðstöð hefur ekki
bolmagn til að styðja hönnuði sem
lenda í svona málum. Við erum búin
að reyna að fá Hönnunarmiðstöð til
að ræða málið okkar í heilt ár og það
er að gerast fyrst núna.“ Hugrún og
Magni hafa líka bent á að málið geti
haft mikið fordæmisgildi fyrir aðra ís-
lenska hönnuði: „Dómarinn tók ekki
tillit til okkar hliðar í málinu. Reikn-
ingar sem stefnandi lagði fram voru
meira að segja rangir. Sannanir okkar
voru ekki teknar til greina og dómar-
inn vildi að við samþykktum 20 pró-
senta afslátt af gölluðu vörunum sem
við greiddum fyrir. Því fór sem fór.“
Falsaðar vörur í umferð
Vörurnar frá Kron by Kronkron
hafa nýlega hlotið þann vafasama
virðingarsess að falsaðar útgáfur af
þeim eru nú fáanlegar á vefsíðunni
Aliexpress sem margir Íslendingar
þekkja. Hugrún segir það dálítið
kaldhæðnislegt, því þar fáist bæði
falsaðar og ekta vörur frá fyrirtæki
þeirra: „Við höfum verið að selja dá-
lítið í Asíu og vörumerkinu hefur
verið vel tekið þar og þetta eru af-
leiðingarnar. Til að mynda eru seld-
ar sokkabuxur þar í nákvæmlega eins
umbúðum og okkar, meira að segja
með okkar vefsíðu á pakkanum, en
það er ekki hægt að gera nákvæmar
eftirlíkingar af sokkabuxunum okkar
því munstrin eru handteiknuð. Þær
fölsuðu eru þess vegna með alls kon-
ar munstrum sem við könnumst ekk-
ert við. Svo eru það verslanir sem eru
í raun og veru að kaupa af okkur sem
selja líka inni á Aliexpress. Þetta er
í raun merki um ákveðinn árangur
svo við tökum þessu frekar létt. Við
þurfum að velja vandamálin sem við
ákveðum að kljást við og það er alltaf
af nógu að taka í þessum bransa.“
Jákvæð athygli mitt í mótlætinu
Þó svo að vandræðin í viðskiptunum
hafi verið talsverð á undanförnum
árum hefur ýmislegt annað gengið
vel, til dæmis innreið þeirra á Banda-
ríkjamarkað sem hefur gengið eins
og í sögu: „Á sama tíma og allt þetta
hræðilega hefur gengið á, eru vörurn-
ar okkar að fá endalaust jákvæða
athygli og stuðning úr öllum áttum.
Það hefur gefið okkur mikinn kraft og
verið nánast óraunverulegt ævintýri. Í
gegnum árin höfum við fengið mjög
mikla og jákvæða pressu erlendis.
Við höfum verið í frábærum
tímaritum og ítrekað lent á listum yfir
bestu skóhönnuði heims. Hins vegar
höfum við lítið talað um þessa athygli
hér heima. Ekki fyrr en í haust þegar
við byrjuðum að nota samfélagsmiðl-
ana markvisst – við skráðum okkur á
Facebook í ágúst síðastliðnum. Okk-
ur fannst kominn tími til að veita
fólki innsýn inn í það sem er að gerast
varðandi okkar vörur úti í heimi. Fólk
er að átta sig á því fyrst núna að við
erum í raun stöðugt vinnandi í mark-
aðsmálum og kynningu.“
Ævintýrið í Hollywood
Í haust var Hugrúnu og Magna í fyrsta
sinn boðið að taka þátt í stórum verð-
launahátíðum í Hollywood: „Við byrj-
uðum á að fara á Emmy- og MTV-
hátíðirnar í Los Angeles í ágúst en
Hollywood Film Awards-, American
Music Awards- og Goldel Globe-há-
tíðirnar höfum við sótt í kjölfarið. Við
vissum í raun lítið um hvað við vorum
að fara út í. Í Bandaríkjunum virðist
fólk annaðhvort verða hrifið eða alls
ekki – og við lentum réttum megin við
strikið. Viðbrögðin hafa verið mjög
sterk og fólk virðist vera afdráttarlaust
mjög hrifið af vörunum okkar. Þessa
dagana er til dæmis verið að fjalla um
okkur á hverjum degi á hinum ýmsu
sjónvarpsstöðvum í Bandaríkjunum.
Ákveðinn stjörnustílisti hafði sam-
band við okkur og fékk fullt af vörum
sendar frá okkur. Við erum að vinna
þetta allt sjálf og stílistinn hafði beint
samband við okkur. Við erum samt að
átta okkur á því núna hvað það væri
frábært að vera með umboðsmann
úti og erum að leita að réttu mann-
eskjunni til að vinna með. Það væri
alveg draumur.“
George Clooney „lækar“
Nú sitja Hugrún og Magni á huggu-
legum laugardagskvöldum í Þing-
holtunum og taka við sms-skilaboð-
um frá Angelu Bassett og öðrum
Hollywoodstjörnum, og fylgjast með
George Clooney „læka“ tíst frá þeim.
Stjörnurnar hafa heldur betur tekið
þeim vel og á hátíðunum komast
færri að þeim en vilja. „Við mætum
á svæðið og setjum upp okkar litla
heim til hliðar við salinn þar sem
stjörnurnar sitja í kvöldverð. Þetta
eru A-lista stjörnur sem eru allar
með hóp af starfsfólki í kringum sig.
Samskiptin geta verið mjög spes, en
við höfum sem betur fer undantekn-
ingarlaust mætt jákvæðni.“
Klassísk hönnunarvara
Það er ljóst að þrotlaus vinna hefur
skilað Kron by Kronkron á þann stað
sem fyrirtækið er á í dag, en hvað
skyldi Hugrún líta á sem sérstöðu
fyrir tækisins? „Við erum ekki beint
tískufyrirtæki, frekar hönnunarfyrir-
tæki. Við fylgjum ekki straumum og
stefnum á hefðbundinn hátt eins og
tískufyrirtæki gera. Þau gæta þess að
passa inn í ákveðinn ramma en við
gerum það ekki og þess vegna eru
okkar vörur ekki eins viðkvæmar fyr-
ir tísku og tíma. Við höfum alltaf haft
þessa hugsun að leiðarljósi – að var-
an sé sterk og klassísk. Þess vegna
náum við til breiðs hóps, burtséð frá
aldri eða starfsstétt. Svona virkar þetta
hér á landi og greinilega líka í Banda-
ríkjunum.“ Hugrún segir ævintýrið í
Bandaríkjunum vera rétt að byrja en
það sé með ólíkindum að fá umfjöllun
um nýja vefverslun þeirra í morgun-
þætti í Houston daginn eftir opnun.
„Við erum ekki einu sinni að borga
fyrir þessa umfjöllun, við sendum föt-
in út og fáum þau svo til baka. Það er
að skila sér núna hvað við höfum haft
ótrúlega mikla trú á okkur alla tíð og
ávallt fylgt sannfæringu okkar.“
Bjartsýn á framtíðina
Samhliða sigrum í Hollywood heldur
fjölskyldulífið áfram á Íslandi. Syn-
ir Hugrúnar og Magna ferðuðust
með þeim fram að tveggja ára aldri
en nú fá þeir að vera heima á með-
an foreldrarnir fara í víking: „Eldri
sonur okkar fór út fimm daga gamall
og þegar hann var þriggja vikna var
hann búinn að koma til allt of margra
landa. Ég var hlaupandi um skósýn-
ingar og að reyna að finna tíma til að
setjast niður og gefa honum brjóst.
Við ferðuðumst með báða strákana
upp að tveggja ára aldri.“ Hugrún er
bjartsýn á framtíðina: „Við erum mjög
spennt fyrir þessu ári. Vonandi eru
erfiðleikarnir að mestu að baki eftir
að þessu dómsmáli lauk.
Við ætlum að halda áfram ótrauð
og bein í baki og líta á allt þetta ströggl
sem reynslu og læra af henni. Sköp-
unin er það sem gefur okkur kraft-
inn til að halda áfram. Sem betur fer
skiptumst við á að fara á bömmer.
Þegar ég lyppast niður stendur Magni
sterkur og svo öfugt. Stundum hef-
ur mig langað til að fara að sofa öll
kvöld klukkan sjö, bara til þess að
hörmulegir dagar endi. En við styrkj-
um hvort annað, reynum að einblína
á það góða og læra af hinu,“ segir
fatahönnuðurinn Hugrún og það er
engan bilbug á henni að finna á þess-
um fallega vetrardegi í Reykjavík. n
„Frágangurinn
á skónum var
skelfilegur og alls
ekki hægt að selja þá
Stendur sterk Þrátt
fyrir mótbyr undanfarinna
missera er engan bilbug á
Hugrúnu að finna.