Dagblaðið Vísir - DV - 20.02.2015, Blaðsíða 44

44 Lífsstíll Helgarblað 20.–23. febrúar 2015
Ragnheiður Eiríksdóttir
ragga@dv.is Kynlíf án smokks
n Strákar fíla ekki smokka n Stelpur fíla ekki klamidíu
H
æ Ragga
Ég svaf hjá strák um
daginn og komst að því
hálfum mánuði síðar að
hann hafði smitað mig af
klamidíu. Ég veit að smitið kom frá
honum því ég var nýlega búin að
fara í tékk og svaf ekki hjá fleirum
á þessu tímabili.
Þegar við sváfum saman vildi
ég nota smokk en hann ekki. Hann
náði að sannfæra mig um að slá
af kröfunum en annað kom líka
til – með öðrum orðum náði dóm­
greindarleysi yfirhöndinni hjá mér
bæði vegna áfengis og greddu.
Þegar ég hringdi í hann til að
láta vita var ég frekar fúl og sagði
„þarna sérðu, við hefðum átt að
nota smokk og vonandi læturðu
þetta þér að kenningu verða“, eða
eitthvað álíka. Hann fór auðvitað
í vörn og sagði að smokkar væru
svo óþægilegir að það væri ekki
þess virði að nota þá. Ég varð svo
reið, eiginlega kjaftstopp, og nennti
ekki að ræða þetta við hann. Ég hef
hins vegar rætt þetta heilmikið við
vinkonur mínar og komist að því
að mjög margar þeirra hafa lent
í svipuðum aðstæðum – að strák­
ar hafi ekki viljað nota smokk með
þeim. Við höfum allar lent í miklu
nöldri og væli af hálfu karlmanna
yfir smokkanotkun – þeir segja
að smokkar séu óþægilegir, dýrir,
skapi vesen og eru með alls konar
afsakanir. Okkur stelpunum finnst
líka talsvert óréttlæti í því að við
skulum bera kostnað af hormóna­
getnaðarvörnum og svo geri þeir
örfáu sem sættast á að nota smokk
líka ráð fyrir að við kaupum þá.
Viltu vera svo væn að fjalla um
þetta og gefa okkur góð ráð til að
berjast gegn þessu og standa á okk­
ar rétti. Bestu kveðjur, Nína
Hæ Nína.
Þetta væl yfir óþægindum og fjárút­
látum er auðvitað BARA VÆL. Það
stenst einfaldlega ekki að smokk­
ar séu svo rosalega óþægileg­
ir að þeir komi í veg fyrir að karl­
menn njóti kynlífs. Ef riðið er með
smokk og hann dettur af, virðast
þeir að minnsta kosti ekki taka eft­
ir neinu, svo munurinn getur vart
verið mikill. Þeir mættu líka hug­
leiða að það getur verið frekar
óþægilegt að smitast af klamidíu og
enn óþægilegra af klamidían leið­
ir til ófrjósemi – en það getur gerst
ef konur smitast af klamidíu en eru
einkennalausar og ómeðhöndlaðar.
Misjafn smekkur
Mér finnst stóra málið hér snú­
ast um drengi og karla sem þrýsta
á konur að gera eitthvað sem
þær eru ósáttar við. Það gild­
ir einu hvort rætt er um smokk­
lausar samfarir, endaþarmsmök,
bindingar, vélindakynlíf eða ann­
að sem kann að falla að smekk
einhvers en ekki allra. Kynlíf er að
stórum hluta línudans tveggja, og
ef vel á að fara þurfa báðir aðilar að
leggja sig fram til að jafnvægi náist.
Smokklausar samfarir hafa samt
þá sérstöðu að geta haft talsverð­
ar afleiðingar bæði fyrir heilsu og
framtíð þeirra sem þær kjósa – af­
leiðingarnar geta verið allt frá auð­
veldlega meðhöndluðu bakteríu­
smiti, upp í 18 ára skyldu gagnvart
afkvæmi. Í öllum kynferðislegum
samskiptum þurfum við að hlusta
á þarfir og mörk mótaðilans og á
sama tíma tjá okkur um það sem
lýtur að okkur sjálfum. Það gildir
um notkun getnaðarvarna.
Samförum fórnað
Ef þú og vinkonur þínar eruð
ákveðnar í að hafa ekki smokklaus­
ar samfarir er um að gera að standa
fast í fæturna. Strákarnir sem þið
sofið hjá verða svo bara að meta
fyrir sig hvort notkun smokka sé
of sársaukafullur og mikill fórn­
arkostnaður fyrir að fá að stinga
typpinu inn í ykkur. Öðrum konum
gæti þótt mikilvægara að fá inn í sig
typpi, og þess vegna valið að hafa
smokklausar samfarir, sé annað
ekki í boði. Mig grunar þó að fæst­
ir kynferðislega virkir karlmenn
mundu fórna samförum á altari
smokkleysis ef notkun smokks væri
eina leiðin inn í píku. Gangi þér og
vinkonunum vel, Ragga n
„Við höfum allar
lent í miklu nöldri
og væli af hálfu karl­
manna yfir smokka­
notkun – þeir segja að
smokkar séu óþægilegir,
dýrir, skapi vesen og eru
með alls konar afsakanir.
Eitt stykki Einn smokkur kostar á bilinu
100–130 krónur. Er það of mikið fyrir drátt?
Kynlífsorða-
bankinn
Skeggblindur einhyrningur sem
kann að meta loðtaco
Einhyrningur ­ tvíkynhneigð
kona sem tekur þátt í kynlífi
með pari en krefst ekki annarrar
skuldbindingar. Oft er talað um
að þær séu jafn vandfundnar á
jörðinni og einhyrningar.
Skeggblinda ­ þegar skegg­
sækni einstaklings er á það háu
stigi að annað í fari hans, svo sem
persónuleiki, hættir að skipta
máli.
Bjullur ­ brjóst á karlmanni. Hjá
sumum karlmönnum safnast
fita undir geirvörtur á bringunni
svo úr verða brjóst. Fræðiheitið
er „gynecomastia“. Stundum er
orsökin truflun á hormónastarf­
semi en í öðrum tilfellum er fitu­
dreifingu líkamans um að kenna.
Rimma ­ sögnin að rimma vís­
ar til þess þegar tunga er notuð
í þeim tilgangi að örva enda­
þarmsop.
Tvípoka ­ þegar tveir smokk­
ar eru settir á lim fyrir samfarir.
Þess ber að geta að framkvæmd­
in er ekki talin fela í sér aukna
vörn gegn þungun eða smiti sjúk­
dóma.
Loðtaco ­ píka. Tveir barmar,
safaríkt innihald – og hár!
Kvensmokkur ­ sérstakur
smokkur úr pólýúretan­plast­
efni sem notaður er til að klæða
leggöng fyrir samfarir. Á báðum
endum er stinnur hringur sem
heldur smokknum á sínum stað.
Þ
essi stelling er ekki fyrir
hvaða konu sem er. Ef viss
liðleiki er ekki til staðar er
raunveruleg hætta á sinar­
drætti eða jafnvel tognun sem gæti
tekið margar vikur að jafna sig á.
Fyrir konur sem stunda jóga eða
fimleika eða voru sjúklega dug­
legar í djassballett á sínum yngri
árum er stellingin hins vegar ljóm­
andi skemmtilegur kostur. Með því
að vera ofan á með fæturna í sund­
ur og lítið eitt fram, hvílir nánast
öll þyngdin á mjöðmum og limur­
inn ætti því að ná allnokkurri dýpt
í leggöngunum. Konan getur svo
notað handleggina til stuðnings
og til að taka við hluta þungans.
Meðan á þessu stendur liggur karl­
inn, svo að segja bjargarlaus und­
ir farginu og nýtur þéttra samfara.
Stellingin veitir konunni þannig
ljómandi góða stjórn á aðstæðum
og möguleika á að stýra örvuninni
með flutningi á þyngdarpunktin­
um. Ef liðleikinn er ekki sem bestur
má benda á þann möguleika að
skipta milli gleiðu, glöðu konunn­
ar og kúrekastúlkunnar, en í þeirri
síðarnefndu er konan ofan á en
með hnén bogin og hvílir þannig
þungann á bognum fótleggjunum.
Kynlífspressan mælir ekki endilega
með þessari stellingu fyrir alla. n
Gleiða, glaða konan
Stelling vikunnar „Meðan á þessu
stendur liggur karl­
inn, svo að segja bjargar­
laus undir farginu og nýt­
ur þéttra samfara.
Kynlífsgúrú á
leið til landsins
Íslenskir kynlífsnördar gleðjast
þessa dagana yfir fregnum um að
sjálf Betty Dodson sé á leiðinni
til landsins. Dagana 1.–4. október
næstkomandi verður 37. ráðstefna
Norrænu kynfræðisamtakanna,
NACS (The Nordic Association
of Clinical
Sexology)
haldin í
Reykjavík en
það er Kynís,
Kynfræðafé­
lag Íslands,
sem sér um
skipulagið.
Betty er að­
alfyrirlesari á ráðstefnunni en
hún kemur til landsins með sam­
starfskonu sinni Carlin Ross.
Betty er þekkt fyrir skrif sín, list
og fræðimennsku á sviði kynfræða
síðustu áratugina og hefur unnið
mikið brautryðjendastarf bæði á
heimavelli í Bandaríkjunum og á
heimsvísu. Betty og Carlin lýsa sér
sem kynlífsjákvæðum femínistum
­ þær halda úti vefsíðunni www.
dodsonandross.com en þar má
nálgast ýmiss konar fræðslu,
myndbönd og upplýsingar um
störf þeirra.
Allir geta skráð sig á ráðstefnu
NACS ­ meira um það og annað í
starfi Kynís á síðu félagsins á Face­
book.
Litríkir úr latex
Allir ættu að
geta fundið sinn
uppáhaldslit.