Dagblaðið Vísir - DV - 20.02.2015, Page 46

Helgarblað 20.–23. febrúar 201546 Sport
A
lgjör viðsnúningur þarf að
verða hjá Aston Villa í síð-
ustu 13 leikjum liðsins, ef
það á ekki að falla úr úr-
valsdeildinni í fyrsta sinn.
Tim Sherwood, sem hefur hálfs
árs reynslu sem knattspyrnustjóri í
efstu deild, er maðurinn sem félag-
ið treystir til þess að snúa við gengi
félagsins, sem hefur leikið óslitið í
ensku úrvalsdeildinni frá upphafi.
En sagan vinnur ekki
knattspyrnuleiki. Aston Villa er sem
stendur í fallsæti og hefur raunar
verið í harðri fallbaráttu þrjár undan-
farnar leiktíðir. Félagið, sem er fjórða
sigursælasta lið Englands frá upp-
hafi, má muna sinn fífil fegurri. Eft-
ir nokkuð óvænta en góða byrjun
í haust, þar sem liðið fékk 10 stig
í fyrstu fjórum umferðunum, hef-
ur heldur betur hallað undan fæti. Í
25 deildarleikjum hefur liðið skorað
12 mörk. Ekkert lið í öllum deildar-
keppnum Englands hefur skorað
færri en 22 deildarmörk (Leicester er
það lið) það sem af er tímabilinu.
Í því ljósi verður að teljast ótrú-
legt að Aston Villa skuli yfirhöfuð
eiga möguleika á að forða sér frá falli.
Færa má rök fyrir því að lið sem skor-
ar 0,48 mörk að meðaltali í leik eigi
ekkert gott skilið.
13 leikir til stefnu
Um síðustu helgi var Tim Sherwood
ráðinn nýr knattspyrnustjóri Aston
Villa, þrátt fyrir að blekið á spánnýj-
um samningi félagsins við Paul
Lambert til ársins 2018 hafi vart verið
þornað. Hvorki hefur gengið né rek-
ið síðan Lambert stakk niður penna.
Liðið hefur smám saman sogast nið-
ur í fallbaráttuna.
Sherwood hefur 13 leiki til að
tryggja liðinu sæti í efstu deild
næsta tímabil. Stjórn félagsins þótti
Sherwood falla sem flís við rass
hvað markmið Aston Villa áhrærði.
Hann hefur svolitla reynslu úr úr-
valsdeildinni (stýrði Tottenham í
hálft tímabil þegar Andre Villas-
Boas var rekinn), er vanur að vinna
með ungum leikmönnum (hefur
leitt unglingaakademíu Tottenham)
og hafði bullandi áhuga á að taka
við sem knattspyrnustjóri rótgróins
knattspyrnufélags í efstu deild.
Eiginleikinn að geta unnið með
leikmönnum akademíu Aston
Villa vó þungt. „Við erum ákveðn-
ir í að byggja upp knattspyrnufélag-
ið til langs tíma með ungum og upp-
rennandi leikmönnum,“ var haft eftir
stjórnarformanninum Tom Fox þegar
tilkynnt var um ráðningu Sherwoods.
„Við höfum bullandi trú á að Tim hafi
þá færni sem þarf til að ná því besta út
úr leikmannahópi félagsins og byggja
upp liðið til frambúðar.“
Umdeildur knattspyrnustjóri
Ráðning Tims Sherwood hefur vak-
ið misjöfn viðbrögð. Segja má að ein-
hugur hafi ríkt á meðal stuðnings-
manna félagsins um að Lambert væri
kominn á endastöð og að hann yrði
að fara. Sherwood er hins vegar um-
deildur. Honum er af andstæðingum
sínum lýst sem hrokafullum eigin-
hagsmunasegg, sem grafi skipulega
undan þeim sem fylgja honum ekki
að máli. Einn pistlahöfundur á Bret-
landseyjum fullyrðir að Sherwood
hafi á bak við tjöldin grafið undan
Andre Villas-Boas á sínum tíma og
lekið skaðlegum upplýsingum í fjöl-
miðla. Dálkahöfundur ESPN, Kevin
Hughes, bendir á að Sherwood hafi
sem stjóri Tottenham á köflum ver-
ið gagnrýndur harðlega fyrir skort á
leikskipulagi og slæmar ákvarðan-
ir þegar á reyndi. Hann bendir líka á
að Sherwood vílaði ekki fyrir sér að
deila við leikmenn og gagnrýna þá
opinberlega. Hann sé því alls ekki
allra.
En eftir stendur að vinningshlut-
fall Tottenham var 59 prósent, þegar
hann stýrði liðinu frá desember 2013
til maí 2014. Það getur enginn tek-
ið af honum. Hann stýrði unglinga-
akademíu Tottenham og þótti gera
það vel. Hjá Villa hefur Sherwood
samning til 2018. Honum ætti því
gefast ráðrúm til að hugsa til framtíð-
ar – eitthvað sem hann hafði ekki hjá
Tottenham. Hann tekur nú við félagi
sem þarf sárlega á leiðsögn og for-
ystu að halda.
Aston Villa á útsölu
Bandaríkjamaðurinn Randy Lerner
á Aston Villa og hefur gert undanfar-
in níu ár. Hann setti félagið á útsölu
og vildi 200 milljónir punda. Ein-
hverjar þreifingar voru í gangi í sum-
ar, á milli hans og annarra Banda-
ríkjamanna, en ekkert kom út úr
þeim. Enginn kaupandi fannst en
í haust spurðist út að hann væri til-
búinn að láta félagið fara fyrir helm-
ingi lægri upphæð, eða 100 milljón-
ir punda.
Lerner er talinn hafa lagt um það
bil 250 milljónir punda í félagið, svo
fyrir liggur að hann tapar illa á fjár-
festingunni. Markmið hans hefur
undanfarin misseri verið að reka
klúbbinn á núlli, líklega með það að
markmiði að gera félagið að fýsileg-
um fjárfestingarkosti fyrir aðra. Fyr-
ir áhangendur, þýðir það bara að fé-
lagið verður áfram í meðalmennsku
– í allra besta falli – enda að keppa
við félög sem hafa bolmagn til að
eyða fúlgum fjár í leikmenn ár eft-
ir ár. Ekkert er að sinni í farvatninu
sem getur bundið enda á áralanga
eyðimerkurgöngu stuðningsmanna
Aston Villa. Leikmannahópurinn
hefur ekki burði til að berjast í efsta
þriðjungi deildarinnar og á meðan
Randy Lerner á liðið verður því varla
breytt.
Örlögin bíða
Allt þetta veit Sherwood en spurn-
ingin er hvað gerist í vor. Hvað
gerist ef liðið fellur? Hvert verð-
ur framhaldið ef félagið heldur sér
í deildinni? Verður félagið þá selt í
sumar? Ljóst er að stuðningsmenn
hafa þungar áhyggjur. Leikmanna-
hópurinn er þunnskipaður og
óreyndur og við blasir að liðið hef-
ur ekki náð sér á strik síðan Martin
O-Neill var í brúnni og liðið barðist
ár frá ári um að spila í Evrópukeppn-
um. Síðan hefur heldur betur hallað
undan fæti. Örlög félagsins að sinni
ráðast í næstu 13 deildarleikjum. n
13 leikja lífróður
Tims Sherwood
n Þarf að vinna kraftaverk með eitt sigursælasta lið enska boltans n Reynslulítill stjóri
Árangurinn í deildinni
1
2
3
4
5
6
7
8
9
10
11
12
13
14
15
16
17
18
19
20
Eins og sjá má hefur gengi Aston Villa í úrvalsdeildinni verið sveiflukennt. Fleiri ár en færri hefur liðið hafnað í sætum fjögur til
átta en síðustu ár hefur mjög hallað undan færi. Ástæða þess að liðið féll ekki vorið 1995 er sú að þá voru 22 lið í deildinni.
Lokastaða Aston Villa í ensku úrvalsdeildinni frá stofnun hennar árið 1992
1 Aukið sjálfstraust Fimm tapleikir í röð í deildinni
þýða að Villa er í fallsæti. Enginn
leikmaður fer varhluta af þessu.
Sherwood tekur við þokkalega skip-
uðum leikmannahópi en sjálfstraustið
er lítið sem ekkert. Hann hefur sterka
nærveru og mikinn persónuleika. Hann
þarf að nota þá eiginleika til að hjálpa
liðinu að vinna leiki.
2 Frelsi til að skora mörk Ekkert félag í ensku
deildunum hefur skorað jafn lítið
og Villa. 12 mörk í 25 leikjum er
hörmulegt fyrir hvaða lið sem er. Liðið
virkaði á köflum sem bælt undir stjórn
Lamberts. Menn þorðu ekki að sækja.
Sherwood verður að gefa mönnum
svigrúm til að spila sóknarleik og um
leið kveikja vonarneista hjá lang-
þreyttum stuðningsmönnum Villa.
3 Virkja Benteke Ef Sherwood tekst að blása lífi
í Belgann Christian Benteke, verður
lífið á Villa Park miklu léttara. Undir
stjórn Lamberts var þessi nautsterki
leikmaður kominn á bekkinn. Hann
er langbesti sóknarmaður liðsins og
hefur sýnt að hann getur skorað mörg
mörk. Adebayor blómstraði undir
stjórn Sherwoods. Hann þarf að ná
því sama út úr Benteke.
4 Gefa Grealish tækifæri Stuðnings-
menn Villa hafa lengi farið fram á að
vængmanninum Jack Grealish verði
gefið tækifæri. Grealish þykir eitthvert
mesta efni sem fram hefur komið á
Villa Park í áraraðir. Hann hefur enn
ekki byrjað leik í ensku úrvalsdeildinni
og raunar ekki verið í hópnum að
undanförnu. Grealish gæti fengið lang-
þráð tækifæri undir stjórn Sherwoods.
5 Sterkur aðstoðar-maður Þegar Roy Keane
gekk út hjá Villa, eftir að hafa sagst
eiga í erfiðleikum með að sinna
hlutverki sínu hjá liðinu samhliða
aðstoðarþjálfarastarfinu hjá írska
landsliðinu, tók Lambert þá ákvörðun
að ráða ekki mann í hans stað.
Sherwood þarf góðan aðstoðar-
mann, sem hefur spilað fyrir félagið.
Varnarmaðurinn Ugo Ehiogu hefur
verið nefndur til sögunnar.
Þetta þarf
hann að
gera strax
Að mati Kevins Hughes,
dálkahöfundar ESPN
Baldur Guðmundsson
baldur@dv.is
Mikið undir Tim
Sherwood hefur 13
leiki til stefnu.