Tímarit hjúkrunarfræðinga - 01.08.1995, Qupperneq 33

A fyrra tímabilinu voru hjúkrunarfræðingar og aðrir
starfsmenn stofnunarinnar fáir. Pað var í mörg horn að
líta, heimilið stórt, vinnustaðirnir margir og vinnudagur-
inn langur. Hjúkrunarfræðingarnir gegndu ekki aðeins 8
klukkustunda vöktum heldur voru samvistum við vist-
mennina frá fótaferð fram að háttatíma. Oft var útkall að
nóttu því að ekki var föst næturvakt. Þeir höfðu afskipti
af vinnu vistmanna, tóku þátt í lausn félagslegra vanda-
ntála og létu sig varða manneldismál. Þeir sáu um lyfin,
ekki aðeins útdeilingu þeirra, heldur líka um lyfja-
aðdrætti og lyfjabúrið. I stuttu máli má segja að þeir hafi
gengið í flest þau störf sem nú tilheyra öðrum starfs-
greinum innan endurhæfingarteymanna.
A Reykjalundi ríkti frá upphafi sérstakt andrúmsloft
og snyrtimennska var í fyrirrúmi. Staðinn prýddi ein-
hvers konar sambland af virðuleika, kyrrð og friði, en þó
lá glaðværðin í loftinu og mannleg samskipti voru með
ágætum. Allir þekktu alla. Börn starfsmanna, sem þá
bjuggu á staðnum, féllu vel inn í þetta heimilislega
umhverfi. Mörg þeirra lærðu að lesa hjá Ingibjörgu
Þorgeirsdóttur, kennara, sem lengi dvaldi á Reykjalundi
og hélt uppi vísi að smábarnaskóla. Aðfangadagskvöld í
samvistum við vistmenn og starfsmenn eru ógleymanleg
þessum börnum. Allir mættu í sínu fínasta pússi til sam-
eiginlegs kvöldverðar, síðan var gengið í kringum jólatré í
dagstofunni og jólasveinnin kom með jólagjafir. Kvöld-
vökur voru tíðar, þar var spilað og sungið og jafnvel
brugðið upp bíósýningum. Þó að viss eftirsjá sé eftir
þessu andrúmslofti var óumflýjanlegt að starfsemi
Reykjalundar tæki stakkaskiptum í takt við nýja tíma,
breyttar þarfir, tækni og vinnubrögð endurhæfingar.
Nútíminn á Reykjalundi
Endurhæfingarhjúkrun ntá skilgreina á mismunandi
vegu, en sameiginlegt markmið er að hjálpa þeim ein-
staklingum, sem eru með skerta líkamlega eða andlega
getu, að setja sér markmið við hæfi, líkamleg, andleg,
félagsleg og efnahagsleg og að stuðla að því að hver ein-
staklingur nái besta mögulega árangri sem sjúkleiki og
almenn lífskilyrði leyfa.
Mikil áhersla er lögð á góða samvinnu við skjólstæð-
ing og fjölskyldu hans. Þannig eru mestar líkur á að
árangur náist í endurhæfingu og að auðveldara verði
fyrir fólk að halda áfram þegar heim er komið.
Þessum markmiðum er erfitt að ná nema með sam-
vinnu fagfólks (hjúkrunarfræðinga, lækna, iðjuþjálfa,
sjúkraþjálfara, félagsráðgjafa, sálfræðinga, talmeina-
fræðinga, næringarfræðinga og sjúkraliða).(Mynd 1).
Endurhæfingarstofnunin Reykjalundur er deilda-
skipt í sex sérhæfðar einingar. Innan hverrar einingar
eru samstarfshópar fagfólks sem kallast fagteymi og
annast þau starfsemi sinnar deildar.
Upplýsingasöfnun og skráning hjúkrunar gefur yfir-
sýn yfir alla þætti endurhæfingar. Hjúkrunarfræðingar á
hverri deild gegna því mikilvægu hlutverki við að sam-
ræma vinnu teymisins svo hún nýtist skjólstæðingum
þeirra sem best. Fræðsla, bæði einstaklingsfræðsla og
fyrirlestrar, gegnir veigamiklu hlutverki á hverju stigi
meðferðar. Við fræðsluna er tekið mið af hæfileikum ein-
staklinga og þeirri þjálfun sem þeir taka þátt í.
Nánari útskýring á hjúkrun og upphyggingu hverrar
deildar fylgir hér á eftir. Hver deild er sérstök heild þar
sem tillit er tekið til mismunandi þarfa sjúklinga til end-
urhæfingar.
Deildaskipting á endurhælingarmiðstöð Reykjalundar.
A Deild Hjartasvið - hjartateymi.
B Deild Miðtaugakerfissvið - hemiteymi ( heilaáfall ).
C og F Deild Geðsvið - geðteymi. Verkjasvið - verkjateymi.
D Deild Gigtarsvið - gigtarteymi og hæfingarteymi.
E Deild Lungnasvið - lungnateymi.
Mynd 1.
Hjartasvið
Hjartasjúklingar koma til þjálfunar á hjartasviði sex til
átta vikum eftir að hafa fengið hjartaáfall eða eftir
hjartaaðgerð. Endurhæfingardvöl stendur yfirleitt í
fjórar vikur.
Líkamleg þjálfun fer frarn fimni daga vikunnar.
Hjúkrunarfræðingar ásamt öðru teymisfólki halda sér-
hæfða fyrirlestra fyrir þennan hóp. Aðaláhersla er lögð á
TÍMAHIT IIJÚKKUNAHFHÆÐINGA 2.-3. tbl. 71 árg. 1995
81