Tímarit hjúkrunarfræðinga - 01.08.2000, Side 39

gagnvart trúnaðarmönnum sínum. Skyldur trúnaðarmanna
eru býsna margar og mikilvægar eins og fram hefur
komið. Mikilvægt er því að trúnaðarmenn reyni að koma
sér vel inn í starfið með því að sækja fundi, ráðstefnur eða
námskeið á vegum Félags íslenskra hjúkrunarfræðinga.
Fiins vegar er ekki nóg að trúnaðarmenn félagsins reyni að
koma sér vel inn í starfið og kynna sér málefnin, ef ekkert
er leitað eftir þeirra aðstoð.
Titli greinarstúfs þessa var slegið upp í spurnarformi,
þ.e. hvort hjúkrunarfræðingar ættu að nýta sér sinn
trúnaðarmann. Svarið við því er játandi. Að sjálfsögðu eiga
hjúkrunarfræðingar að leita eftir aðstoð trúnaðarmanns sé
einhverju ábótavant í samskiptum við viðkomandi stofnun.
Á þann hátt er tryggður grundvöllur þess að úr ágreinings-
málum verði leyst með eða án hjálpar skrifstofu Félags
íslenskra hjúkrunarfræðinga. Ekki má heldur draga úr
mikilvægi starfs trúnaðarmanns þegar nær dregur kjara-
samningum. Trúnaðarmönnum ber að sjá um atkvæða-
greiðslu í félaginu, kynna félagsmönnum stöðu samninga-
mála þegar svo ber undir, ásamt því að sinna öðrum
trúnaðarstörfum á vegum Félags fslenskra hjúkrunarfræð-
inga.
Ákvæði um trúnaðarmenn voru fyrst lögfest hér á landi
með vinnulöggjöfinni árið 1938. Það eru þau ákvæði sem
við búum enn við. Það hafði kostað mikla baráttu að
tryggja trúnaðarmönnum þá stöðu að geta sinnt málefnum
vinnufélaga sinna án þess að þurfa að óttast sjálfir um sín
störf. Opinberir starfsmenn innan Bandalags háskóla-
manna fengu trúnaðarmannakerfi með lögum nr. 94/1986
um kjarasamning opinberra starfsmanna.
Félag íslenskra hjúkrunarfræðinga státar af fjölmennu
og góðu trúnaðarmannakerfi. Virðum þann lögvarða rétt
sem fram hefur fengist með baráttu formæðranna. Flöfum
ávallt í huga mikilvægi þess að félagið hafi á að skipa
góðum og traustum trúnaðarmönnum sem starfa fyrir
félagsmenn og fyrir félagið.
Heilbrigðisstofnun Austurlands
Heilbrigðisstofnun Austurlands varð til í janúar 1999 þegar heilsugæslustöðvar og sjúkrahús á
Austurlandi voru sameinuð. Starfseiningar stofnunarinnar eru heilsugæslustöðvarnar á Vopnafirði,
Bakkafirði, Seyðisfirði, Egilsstöðum, Reyðarfirði, Eskifirði, í Neskaupstað, á Fáskrúðsfirði, Stöðvarfirði,
Djúpavogi og Breiðdalsvík og sjúkrahúsin á Seyðisfirði, Egilsstöðum og Fjórðungssjúkrahúsið í
Neskaupstað sem er bráða- og sérgreinasjúkrahús svæðisins. Markmið stofnunarinnar er að veita íbúum
þess svæðis, sem stofnunin þjónar, sem besta heilbrigðisþjónustu.
Á stofnuninni fer fram þróunarstarf í hjúkrun sem starfandi hjúkrunarfræðingar taka þátt í.
Laiidsbyggðin er spennandi starfsvettvangurjyrirhjúkrunarfræðinga. Viðfangsefni hjúkrunarfræðings, sem
starfar á stofnuninni, eru fjölbreytt og krefjandi og geta verið alltfrá bráðahjúkrun til Hknandi hjúkrunar.
Hjukrunarfræðinga vantar til starfa á Fjórðungssjúkrahúsið í Neskaupstað
Hjúkrunarstjóra vantar á heilsugæslustöðina á Fáskrúðsfirði í eitt ár.
Einnig vantar hjúkrunarfræðinga til starfa á sjúkrahúsið og heilsugæslustöðina á Egilsstöðum.
Upplýsingar um störfin veita Guðrún Sigurðardóttir, hjúkrunarstjóri, Neskaupsstað, í síma
477 1403 og Halla Eiríksdóttir, hjúkrunarstjóri, EgUsstöðum, í síma 471 1400 og Lilja
Aðalsteinsdóttir, hjúkrunarforstjóri, Heilhrigðisstofnun Austurlands, í síma 860 1920.
Tímarit hjúkrunarfræðinga • 3. tbl. 76. árg. 2000
163