Tímarit hjúkrunarfræðinga - 01.08.2000, Síða 44

^•strA.sel
- býður nýtt og bætt útlit
Systurnar og hjúkrunarfræðingarnir Friðrikka og Eybjörg
hafa frá því í janúar á síðasta ári starfrækt heilsustofuna
Systrasel, en þar bjóða þær margvíslega meðferð í baráttu
við aukakíló, appelsínuhúð og hrukkótta eða óhreina húð.
Ritstjóri Tímarits hjúkrunarfræðinga heimsótti þær til að
fræðast nánar um þá meðferð sem þær bjóða og fékk að
reyna hana á eigin skinni. Stofan er til húsa í vistlegu
húsnæði við Háaleitisbraut og leiðin liggur fyrst í svokallað
rafnudd.
Þær eru með „body shape“ tæki, öflugt rafnuddtæki
sem hefur reynst vel til að styrkja vöðva, við vöðvabólgu,
vefjagigt, verkjum og til að örva sogæðaflæði. Tækið er
einnig notað til grenningar og til að styrkja magavöðva.
Meðan nuddtækið vinnur sitt verk segir Friðrikka frá
aðdraganda þess að þær opnuðu stofuna. Hún er
útskrifuð frá Hjúkrunarskólanum 78 og systir hennar
Eybjörg '85. Þær hafa báðar unnið á skurðstofum sjúkra-
húsanna, Friðrikka var búin að vera í 15 ár á skurðstofu
Landspítalans í Fossvogi er þær opnuðu stofuna.
Hún segir þær hafa verið til í að finna starfi sínu nýjan
farveg og vinna við það sem myndi flokkast undir heilsu-
eflingu, forvarnir eða heilusvernd, eða að halda sér í góðu
formi sem hefur svo í för með sér betri líðan og aukið
sjálfstraust. Viðskiptavinirnir eru flestir konur, á öllum aldri
og úr flestum stéttum samfélagsins. Auk rafnuddsins
bjóða þær Silklight-djúpnudd, meðferð gegn appelsínu-
húð. Talið er að um
85 prósent kvenna,
sem komnar eru yfir
unglingaldur, séu
með þetta ójafna
yfirbragð húðarinnar
sem er talið myndast
vegna þrenginga í
blóðflæði húðarinnar,
útþandra fitufrumna
og minnkuðum
teygjanleika í tengi-
þráðum húðarinnar.
Meðferðin er sú eina
sem er vísindalega
viðurkennd, blóðrás
og sogæðaflæði
eykst auk þess sem
meðferðin bætir útlit og litarhátt húðarinnar. Stífleiki í
vöðvum minnkar einnig auk þess sem umtalsverð
ummálsminnkun fylgir.
En hvernig fer þetta fram? Djúpnuddið fer fram með
sérstöku tæki sem fært er á sérstakan hátt eftir húðinni.
Við þetta myndast sog sem hefur þau áhrif að blóðflæði
og almennt vökvaflæði eykst í líkamanum. Meðferðin
aðstoðar líkamann við að brjóta niður fitu og losa hann við
úrgangsefni. Skjólstæðingurinn klæðist þar til gerðum galla
meðan á meðferð stendur og er meðferð á konum oftast
beint að aftanverðum lærum, handleggjum og rassi. Til að
vinna á appelsínuhúðinni þurfa viðskiptavinirnir að koma í
nokkra tíma, misoft eftir ástandi húðarinnar, en 14 -17
tímar eru algengir. Eftir að farið hefur verið í þessa með-
höndlun þarf að
fylgja henni eftir með
því að fara í djúp-
nuddtækið einu sinni
í mánuði.
Þriðja meðferðin,
sem þær systur
bjóða, og ritstjóri fékk
að reyna, er svo-
kölluð „peel-með-
ferð”. Það er árang-
ursríkasta meðferð
sem til er til að eyða
fínustu línum húðar-
innar, auka fyllingu
hennar og jafna húð-
lit. Meðferðin hjálpar
til að ná og viðhalda
Einn viðskiptavina Systrasels fyrir og eftir Silklight djúpnuddsmeðferð.
168
Tímarit hjúkrunarfræðinga • 3. tbl. 76. árg. 2000