Tímarit hjúkrunarfræðinga - 01.12.2007, Qupperneq 29

Þórbjörg Sóley Ingadóttir flytur skýrslu stjórnar
Aðalbjörg Albertsdóttir, hjúkrunarfræðingur á
Reykjalundi, flytur dæmi úr sjúklingafræðslu
Þórarinn Gíslason, yfirlæknir á lungnadeild
Landspítala, lagði áherslu á að langvinn
lungnateppa (LLT) er óafturkræf og fer
versnandi, það sem við getum gert
er að reyna að hægja á versnuninni
og meðhöndla einkenni. Því fyrr sem
sjúkdómurinn greinist því betra. Reiknað er
með að um 10.000 einstaklingar séu með
LLT á íslandi, langflestir eru ógreindir. Þá
eru um 20.000 með langvinna berkjubólgu
(chronic bronchitis) sem er afturkræf ef
hún er rétt greind og meðhöndluð. Því
míður er LLT í vexti á sama tíma og
aðrir langvinnir sjúkdómar eru í rénum.
Heilbrigðisyfirvöld eiga eftir að uppgötva
þetta og veita meira fé í að snúa ástandinu
við. Heilbrigðisstarfsfólk þarf að hugsa
stærra - okkur hættir til að einbeita okkur
að því að meðhöndla þá sem eru veikastir
en við þurfum ekki síður að greina og
meðhöndla þá sem er hætt við að
veikast. Blásturspróf (spirometria) er mjög
mikilvægt og einfalt greiningartæki sem
ætti að nota á alla með astmaeinkenni,
berkjubólgu eða önnur merki um sýkingu
í öndunarfærum.
Stella Hranfnkelsdóttir, hjúkrunar-
fræðingur við súrefnisþjónustu á Land-
spítala, sagði frá vinnusmiðju um
þunglyndi og kvíða lungnasjúklinga sem
hún sat í Chicago. Eins og þyngdartap er
þunglyndi bæði afleiðing og áhættuþáttur
við lungnasjúkdóma. Því fylgir oft lakari
meðferðarheldni, talsvert lengri legutími
og meiri dánartíðni. Þunglyndi er reyndar
fylgifiskur margra langvinnra sjúkdóma.
Þunglyndi og kvíða er einfalt að greina
með spurningalista en eru oft ógreind og
ómeðhöndluð.
Segja má að boðskapur fræðslunnar
hafi verið að hægt sé að ná langt með
einföldum aðgerðum sem okkur hættir
til að gleyma - vigta sjúklinginn, greina
næringarástand.framkvæmablásturspróf
og skima eftir þunglyndi.
FRETTAPUNKTUR
HANDBÓK - DAGBÓK
Með þessu blaði fylgir dagbók sem gjöf til
hjúkrunarfræðinga. Handbókin verður hins vegar ekki
endurnýjuð fyrr en eftir áramót þar sem miklar breytingar
eru fram undan bæði í kjaramálum og uppbyggingu og
skipulagi félagsins. Handbókin 2005/2007 gildir fram
að útgáfu nýrrar bókar að öðru leyti en því að kosnir
voru nýir fulltrúar í stjórn félagsins, nefndir og ráð á
fulltrúaþingi félagsins í maf 2007. Einnig hafa orðið
einhverjar breytingar á formönnum fag- og svæðisdeila
og starfsfólki á skrifstofu félagsins. Upplýsingar um
þessar breytingar er að finna á heimasíðu félagsins,
www.hjukrun.is.
Tímarit hjúkrunarfræöinga - 5. tbl. 83. árg. 2007
27