Morgunblaðið - 06.04.2017, Blaðsíða 76

Ásgeir Ingvarsson
ai@mbl.is
Núna er rétti tíminn til að halda út
í garð með klippurnar og snyrta
bæði tré og runna. Þorgrímur Har-
aldsson rekstrarstjóri Hreinna
garða (www.hreinirgardar.is) segir
að það hefði verið óhætt að byrja
snyrtinguna fyrr, ef ekki hefði ver-
ið fyrir snjóinn. „Það er mikilvægt
að ná að klippa áður en greinarnar
byrja að laufgast. Með því er ekki
bara auðveldara að sjá hvað maður
er að gera heldur skiptir líka miklu
fyrir heilbrigði plantnanna að
snyrta á réttum tíma.“
Þorgrímur útskýrir að trén og
runnarnir hafi mikið fyrir því að
sprengja út laufin að vori. „Ef mað-
ur síðan klippir burt stóran hluta af
laufmassanum strax í kjölfarið þá
getur það haft slæm áhrif sem
koma í ljós að ári liðnu í formi
skemmda og sýkinga.“
Þorgrímur vill að landsmenn
klippi tímanlega, og óhætt er að
byrja að klippa þó úti sé frost og
kuldi. „Margir halda ranglega að
það sé best að klippa eins nálægt
laufgun og hægt er, en það er ekk-
ert betra að klippa að vori en að
ráðast í þetta verk í janúar eða
febrúar, og mjög óheppilegt fyrir
okkur sem önnumst garðklippingar
fyrir almenning ef verkefnin hrúg-
ast inn á mjög skömmum tíma.“
Bráðum fer líka að verða tíma-
bært að ráðast í vorhreinsunina;
sópa stéttir, fjarlægja rusl sem fok-
ið hefur í beðin og láta arfann
kenna á því ef hann lætur á sér
kræla. Hreinir garðar geta tekið að
sér hreinsunina en fyrirtækið ann-
ast einnig garðaúðun, slátt og trjá-
fellingar. „Gott er að planta trjám
og fella með vorinu, og verður bara
að gæta að því að frost sé farið úr
jörðu. Er vorið oft hentugri tími en
hásumarið til gróðursetninga því
yfir heitustu sumarmánuðina getur
það farið illa í plönturnar ef heitt
er í veðri og þurrt.“
Hreinir garðar bjóða upp á
slátt og úðun í áskriftarþjónustu en
Þorgrímur segir að garðahreins-
unin geti verið svo miserfið eftir
görðum að þar þurfi að meta hvert
tilvik fyrir sig, miðað við stærð og
ástand garðsins. „Ef það hellirignir
yfir sumarið getur arfinn þrifist
mjög vel og verið heilmikil vinna að
ná görðunum fallegum.“
Óþarfi að úða ef
engar eru pöddurnar
Starfsfólk Hreinna garða byrj-
ar að slá 17. maí ár hvert og fer í
garða viðskiptavinanna reglulega
út sumarið og dreifir einnig áburði
á grasflatirnar ef þess er óskað.
Úðunin fer þannig fram að ekki er
úðað nema þörf sé á, og sparar við-
skiptavinurinn sér kostnaðinn ef
garðurinn reynist laus við óæski-
leg skordýr. „Sumir halda að úðun
verði að eiga sér stað á ákveðnum
tímum og hafi fyrirbyggjandi
áhrif, en það er til lítils að úða ef
engar pöddur eru sýnilegar. Áður
en við úðum leitum við að pöddum
sem eiga ekki að vera á plönt-
unum, lítum undir laufblöðin og
svipumst um eftir skemmdum. Ef
við finnum ekkert þá er beðið með
að úða þangað til í næstu heim-
sókn.“
Spara vinnu og tækjakaup
Að fá fagfólk til að hugsa um
garðinn hefur marga kosti. Þor-
grímur segir að verðið komi flest-
um skemmtilega á óvart, og þá
þyki mörgum gott að losna við
þann kostnað og umstang sem
fylgir því að t.d. slá garðinn sjálf-
ur. „Það má ekki gleyma að ekki
aðeins útheimtir garðslátturinn
töluverða vinnu heldur verður líka
að fjárfesta í sláttubúnaðinum og
finna honum geymslustað allt árið.
Flestir geta hugsað sér skemmti-
legri hluti að gera en að slá garð-
inn þegar þeir eiga frídaga á sumr-
in, og svo er líka óskemmtilegt að
koma aftur heim eftir nokkurra
vikna sumarfrí og sjá að grasflötin
er komin í órækt.“
Viðskiptavinir Hreinna garða
eru bæði einstaklingar og húsfélög
og segir Þorgrímur að þar sem
margir deila húsi geti stundum
gengið erfiðlega að fá alla til að
taka þátt í garðverkunum. Að gera
samning við verktaka léttir hús-
félagsstjórnunum lífið og kostn-
aðurinn alls ekki mikill þegar hon-
um er dreift á margar íbúðir.
Átök Starfsmaður vinnur að því að fjarlægja stubb. Garðverkin geta verið strembin.Tæki Ef laufmassinn er skorinn af trjánum tapa þau dýrmætri næringu.
Ekki ætti að úða garðinn nema finna megi greinileg merki
um að skaðleg skordýr séu til staðar. Að láta verktaka sjá
um garðinn er ávísun á ánægjulegra sumar.
Snyrt áður en greinarnar laufgast
Morgunblaðið/Kristinn Magnússon
Þægindi Að láta verktaka sjá um garðinn hjálpar til að halda friðinn í fjölbýli. Þorgrímur hjá Hreinum görðum.
76
MORGUNBLAÐIÐ FIMMTUDAGUR 6. APRÍL 2017
VORVERKIN
Eltak sérhæfir sig í sölu
og þjónustu á vogum
Bakpoka-
ryksugur
Tvær 18V rafhlöður sem knýja kolalausan 36V
mótorinn í allt að 60 mínútur á fullu sogi.
HEPA ryksía
Fyrirferðarlítil og mjög meðfærileg. Hentar vel
í stiga og þröng svæði.
Hljóðlát - aðeins 70dB(A) eða lægra.
2ja lítra ryksugupoki sem auðvelt er að skipta
um.
ÞÓR FH
REYKJAVÍK:
Krókháls 16
Sími 568-1500
AKUREYRI:
Lónsbakka
Sími 568-1555
Vefsíða:
www.thor.is