Morgunblaðið - 06.04.2017, Blaðsíða 72

72
MORGUNBLAÐIÐ FIMMTUDAGUR 6. APRÍL 2017
Sigurður Þorri Gunnarsson
siggi@mbl.is
Einn vinsælasti umboðsmaður
landsins í dag er hinn 28 ára gamli
Reykvíkingur Sindri Ástmarsson.
Hann stefndi að því að klára nám
til flugumferðarstjóra þegar um-
boðsmannsstarfið datt óvænt upp í
hendurnar á honum fyrir um
þremur árum. Síðan þá hefur hann
komið að tveimur stórum útgáfu-
samningum erlendis og stofnað
sitt eigið umboðsfyrirtæki sem
vinnur með mörgum af vinsælustu
tónlistarmönnum landsins.
Skipulagði fyrstu
tónleikana í 9. bekk
Sindri segist hafa verið bara
frekar venjulegur gaur sem hafi
farið að fikta með DJ-græjur í
Tónabæ á unglingsaldri. „Síðan
varð ekki aftur snúið. Ég held að
ég hafi verið í 9. bekk þegar ég
skipulagði fyrstu tónleikana mína
einmitt í Tónabæ. Þá bókaði ég
fullt af hljómsveitum og seldi inn á
300 kr.,“ segir Sindri sem síðan
varð mjög virkur í félagslífinu í
framhaldsskóla þar sem hann
skipulagði alls kyns viðburði.
„Þegar ég var 16 ára var ég líka
byrjaður að spila á skemmtistöð-
um og skólaböllum sem DJ og hélt
því áfram næstu tíu árin af mikl-
um krafti. Þegar ég var 18 ára
byrjaði ég svo sem útvarpsmaður
á útvarpsstöðinni Flass og var þar
þangað til stöðin hætti í loftinu.
Þar var ég dagskrárstjóri um tíma
en meðfram því að vera í útvarpi
vann ég í allskonar viðburðum,“
segir Sindri.
Varð umboðsmaður
alveg óvart
Þrátt fyrir að Sindri hafi frá
unga aldri starfað í kringum
skemmtanabransann við skipu-
lagningu og sem plötusnúður var
starf umboðsmannsins ekkert
endilega á stefnuskránni hjá hon-
um. „Ég var, eins og áður sagði,
dagskrárstjóri á útvarpsstöðinni
Flass og man eftir því að ég fékk
lag sent frá strákunum í Kaleo.
Ég varð strax mjög hrifinn og
vissi að þetta gæti orðið stórt. Ég
bókaði þá á tónleika á vegum út-
varpsstöðvarinnar og í kjölfarið
fórum við að ræða allskonar hluti,“
segir Sindri og bætir við að allt í
einu hafi hann gerst umboðsmaður
þeirra, eiginlega alveg óvart.
Nokkrum vikum síðar kom endur-
útgáfa þeirra af „Vor í Vagla-
skógi“ út sem skapaði þeim miklar
vinsældir hér á Íslandi. Sindri seg-
ir að strákarnir í Kaleo hafi frá
upphafi verið mjög einbeittir í að
ná langt. „Það kom einhvernveg-
inn aldrei neitt annað til greina en
akkúrat þetta. Strákarnir voru
mjög metnaðarfullir og þá sér-
staklega Jökull (Júlíusson, söngv-
ari sveitarinnar, innskot blaðam.).
Ég hef aldrei hitt neinn sem er
jafn ákveðinn og metnaðarfullur
og hann. Frá fyrsta degi var
stefnt að þessu og hættu strák-
arnir allir að vinna frekar snemma
í ferlinu. Þá var vinnudagurinn
þeirra einfaldlega þannig að þeir
mættu upp í æfingahúsnæði og
æfðu,“ segir Sindri og bætir við að
lagið „All the pretty girls“ sem
kom út árið 2015 hafi verið vendi-
punktur fyrir sveitina. „Þá vorum
við búnir að vinna saman í um 18
mánuði og restin gerðist á um það
bil tveimur mánuðum. Allt í einu
voru þeir fluttir til Austin með
samning við Atlantic Records og
hent beint í hljómsveitarrútuna.
Ég sá þá í London í febrúar spila
á uppseldum tónleikum fyrir 3.000
manns og hugsaði þá einmitt til
baka til fyrstu tónleikanna sem ég
sá fyrir 13 manns á Hressó. Þetta
er ótrúlegt ævintýri fyrir strákana
en því fylgdi líka mikil vinna og
þeir eru vel að þessu komnir,“
segir Sindri, greinilega mjög stolt-
ur af strákunum.
Stofnaði eigið fyrirtæki
Sindri var í námi til flugumferð-
arstjóra þegar ævintýri Kaleo er-
lendis hófust. „Ég kláraði bóklega
grunnnámið þar en svo fékk Kaleo
allt í einu þessa svakalegu athygli
og ég sá fyrir mér að flytja til
Bandaríkjanna að vinna með þeim.
Með enga reynslu af svona stórum
samningum var bara eitt í stöð-
unni og það var að fá stóran og
vanan umboðsmann inn í dæmið til
að klára það almennilega. Upp-
runalega planið var að við ynnum
þetta saman en það gekk ekki al-
veg upp,“ segir Sindri. Þegar
hann kom aftur heim frá Banda-
ríkjunum var hann í rauninni
verkefnalaus. Þá varð úr að hann
og vinur hans, Arnar Bjartmarz
stofnuðu fyrirtækið Mid Atl-
antic Management.
„Þetta rúllaði mjög
hratt af stað og allt í
einu vorum við
farnir að vinna
með fullt af tón-
listarfólki,“ segir
Sindri en meðal
þeirra listamanna
sem hann er
að vinna með
eru Jón Jónsson, Emmsjé Gauti
og Salka Sól.
Síðan Sindri stofnaði fyrirtækið
árið 2015 hefur hann verið á ferð
og flugi um heiminn. „Ég hef verið
að túra mikið með bæði Axel Fló-
vent og Mána Orrasyni sem eru að
gera flotta hluti erlendis þó að Ís-
lendingar viti ekki mikið um þá.
Svo hef ég verið duglegur að fara
á tónlistarráðstefnur hér og þar í
heiminum með allskonar hljóm-
sveitum,“ segir Sindri en flest
ferðalögin undanfarið hafa verið
tengd tónlistarkonunni Glowie.
Sindri hefur verið umboðsmaður
hennar hér á landi og aðstoðaði
hana við samningagerð erlendis en
hún gerði risa samning við útgáfu-
risann Columbia í mars sl. eins og
greint var frá hér í Morgun-
blaðinu. Sindri mun halda áfram
að starfa með Glowie á erlendum
vettvangi.
Frekari landvinningar
fyrirhugaðir
Sindri segir að starfið hans sé
alltaf að færast meira í að vinna
að samningagerð erlendis og eru
frekari landvinningar fyrirhugaðir.
„Við bindum miklar vonir við
nokkur atriði hjá okkur sem öll
eru frekar ólík. Það eru nýir og
spennandi markaðir að opnast í
Austur-Evrópu sem við erum
virkilega spenntir yfir ásamt því
að við fylgjumst náið með mark-
aðnum í Indlandi og Kína sem
gætu skipt miklu máli fyrir ís-
lenska tónlist í framtíð-
inni,“ segir Sindri en
bætir við að hans
helsti fókus næstu
mánuði verði á að
vinna með Glow-
ie. „Það er eitt
að gera samning
og annað að slá í
gegn,“ segir
Sindri fullur bjart-
sýni.
Ungur umboðsmaður á uppleið
Sindri Ástmarsson er einn
ötulasti umboðsmaður
landsins um þessar mundir.
Hann er fyrrverandi um-
boðsmaður Kaleo og núver-
andi umboðsmaður Glowie.
Hann hefur komið að tveim-
ur stórum útgáfusamn-
ingum erlendis.
Heimshornaflakkari
Sindri hefur í störfum sín-
um verið á ferð á flugi um
allan heim.
Tónastöðin • Skipholti 50d • Reykjavík • sími 552 1185 • www.tonastodin.is
Landsins mestaúrval af trommumí öllum verð�lokkum.Hjá okkur færðufaglega þjónustu,byggða á þekkinguog áratuga reynslu.