Morgunblaðið - 24.02.2018, Blaðsíða 6

6 FRÉTTIRInnlent
MORGUNBLAÐIÐ LAUGARDAGUR 24. FEBRÚAR 2018
Upplifðu París
sp
ör
eh
f.
Sumar 1
Hin dásamlega Parísarborg er aldrei meira heillandi en einmitt
á vorin. Louvre safnið, Champs-Elysées verslunargatan,
Concorde torgið, Notre Dame, Montmartre og Sacre Cæur eru
bara nokkrir af þeim fjölda mörgu stöðum sem við sjáum. Svo
er frjáls tími til að njóta þeirra dýrða sem heilla mest.
17. - 21. maí
Fararstjóri: Laufey Helgadóttir
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 RVK
Verð: 149.900 kr. á mann í tvíbýli.
Mjög mikið innifalið!
Ágúst Ingi Jónsson
aij@mbl.is
Góð reynsla er af viðvörunarkerfinu
sem Veðurstofan tók upp í byrjun
nóvember, að sögn Elínar Bjarkar
Jónasdóttur, veðurfræðings og hóp-
stjóra veðurþjónustu á Veðurstof-
unni. Á þessum tíma hefur mátt sjá
appelsínugular
viðvaranir hátt í
tíu sinnum, en þá
hefur verið talið
að veðrið gæti
haft samfélags-
leg áhrif og erfið-
leika í för með
sér.
Gular viðvar-
anir hafa á þess-
um tíma nánast
verið daglegt
brauð og varla liðið sá veður-
fréttatími í sjónvarpi þar sem ekki
hefur mátt sjá gult viðvörunar-
merki blakta vegna storms eða úr-
hellis einhvers staðar á landinu.
Enn hefur Veðurstofan ekki gefið
út rauða viðvörun um óveður af
sjaldgæfum styrk, en það er hæsta
stigið.
Fólk skilur þessar viðvaranir
„Samstarf okkar við Almanna-
varnir hefur verið framúrskarandi á
þessum tíma, en við höfum unnið
náið með þeim, Landsbjörg og
Vegagerðinni,“ segir Elín Björk.
„Fólk skilur þessar viðvaranir og
veit að appelsínugult er orðið meira
heldur en almennt veðurfar þar sem
allir komast að mestu leiðar sinnar
ef farið er með gát. Kerfið er sam-
evrópskt og ferðamenn frá Evrópu
þekkja að birtist appelsínugul við-
vörun er það eitthvað sem þarf að
skoða.
Ég hef heyrt frá trygginga-
félögum, sem nota kerfið til sinna
starfa, að færri tjónatilkynningar
hafi borist. Sérstaklega hafi það
haft áhrif þegar tekið er fram í við-
vörunum að gæta þurfi að því að
vatn komist sína leið og fólk hreinsi
frá ræsum og slíkt.“
Helstu breytingar í útgáfu við-
varana frá 1. nóvember eru þær að
nýja kerfið tekur meira tillit til að-
stæðna hverju sinni miðað við árs-
tíma og samfélagslegra áhrifa.
Markmiðið var að auka þjónustu við
almenning og hagsmunaaðila. Ekki
var lengur hugsað um staka veður-
farsþröskulda, en viðmið sem Veð-
urstofan notaði voru t.d. 20 metra
vindhraði á sekúndu eða 100 milli-
metra úrkoma á 24 tímum. Elín
Björk segir að nýja viðvörunar-
kerfið taki lengri tíma fyrir veð-
urfræðinga og kalli á meiri sam-
þættingar en áður.
Viðvaranir í stað tilkynninga
Með aukinni vetrarferðamennsku
síðustu ár hafi Veðurstofan farið að
gefa út fréttatilkynningar þegar ill-
viðra var von, en því var hætt með
tilkomu nýja kerfisins. Appelsínu-
gulu viðvaranirnar hafa sömu þýð-
ingu, en eru meira lifandi og bjóða
upp á uppfærslu á spákortinu eftir
því sem við á.
Veðurstofan hafði rétt lokið við
að tilkynna um nýja kerfið þegar
gefin var út gul viðvörun á mið-
vikudeginum 1. nóvember. Í kjöl-
farið fylgdi appelsínugul viðvörun á
sunnudeginum á eftir. Síðar í mán-
uðinum var á ný gefin út slík við-
vörun þegar orðið var mjög snjó-
þungt í viðvarandi norðanátt sem
hafði áhrif á ferðir og flutninga frá
Vestfjörðum og austur á Hérað.
Í desember var gefin út ein app-
elsínugul viðvörun og síðan fjölgaði
þeim í janúar og febrúar. Appel-
sínugular viðvaranir hafa því verið
gefnar út í hverjum mánuði frá því
að kerfið var tekið upp, en þær hafa
yfirleitt verið staðbundnar og staðið
stutt yfir, að sögn Elínar Bjarkar.
Gular viðvaranir á þessum tíma
hafa verið fjölmargar, enda hefur
verið stormasamt þessa mánuði,
ekki síst nú í febrúar.
Síðasti hvellurinn?
Spurð um fjölda djúpra lægða frá
áramótum segir Elín Björk að þær
séu orðnar á annan tuginn. Þær hafi
þó ekki einar átt sök á vondum
veðrum því öflug veður á þessum
tíma megi einnig rekja til skila á
milli loftmassa.
Hvellurinn sem gekk yfir í gær-
dag er þó vonandi sá síðasti að
sinni. Líkur eru á að hæð gangi yfir
landið á næstunni og henni fylgi
meiri ró í veðrinu, þannig að fram
undir mánaðamót verði skaplegra
veður. Enn þá er þó bara febrúar!
Góð reynsla af viðvörunarkerfinu
 Hátt í tíu appelsínugular viðvaranir á tæplega fjórum mánuðum  Stormasamt síðustu vikur og
þær gulu hafa nánast verið daglegt brauð  Tryggingafélög merkja að tjónatilkynningar séu færri
Morgunblaðið/Eggert
Alls konar Stormar, snjókoma og rigningar hafa sett svip sinn á veðrið undanfarið og viðvaranir Veðurstofu samkvæmt nýju kerfi hafa verið algengar.
Elín Björk
Jónasdóttir
Appelsínugular viðvaranir eru
ekki öllum að skapi og hefur
Veðurstofan fengið athuga-
semdir út af þeirri orðanotkun.
Meðal annars hefur verið bent á
að betra sé að tala um rauðgul-
ar eða gulrauðar viðvaranir.
Elín Björk segir að ýmsum
sem gert hafa slíkar athuga-
semdir sé mikið niðri fyrir. Ekki
standi þó til að breyta þessari
orðanotkun.
Orðið ekki öll-
um að skapi
APPELSÍNUGUL?
Ólöf Pálsdóttir mynd-
höggvari lést síðastlið-
inn miðvikudag, 21.
febrúar, 97 ára að aldri.
Ólöf fæddist í
Reykjavík 14. apríl
1920. Hún var dóttir
Páls Ólafssonar frá
Hjarðarholti í Dala-
sýslu, framkvæmda-
stjóra og ræðismanns,
og Hildar Stefánsdóttur
frá Auðkúlu í Austur-
Húnavatnssýslu.
Ólöf nam við Kon-
unglega listaháskólann
í Kaupmannahöfn árin
1949-1955 hjá prófessorunum Aksel
Jörgensen og Utzon Frank. Hún út-
skrifaðist þaðan með gullverðlaun
fyrir verk sitt Sonur sem stendur nú
í Hljómskálagarðinum. Frekara nám
stundaði hún í Kaíró í Egyptalandi
árið 1954 hjá prófessor Wissa Wassef
og 1957 í Róm hjá prófessor Fazzini.
Ólöf sýndi og seldi verk víða um
heim, þar á meðal opinberum aðilum.
Höggmynd hennar Tónlistar-
maðurinn, af sellóleikaranum Erling
Blöndal Bengtsson, stóð lengi við
Háskólabíó en er nú við Hörpu. Ólöf
var einn af stofnendum listamanna-
samtakanna Den Nordiske og hélt
sýningar í Kettle’s Yard Museum við
Cambridge-háskóla og
víðar í Bretlandi, svo
og í Danmörku, Fær-
eyjum, Frakklandi og
Þýskalandi. Ólöf var
sæmd íslensku fálka-
orðunni árið 1970 og
var heiðursfélagi í Kon-
unglega breska mynd-
höggvarafélaginu.
Verk eftir Ólöfu er
víða að finna og eru
þau meðal annars í
eigu Seðlabanka Ís-
lands, Arion-banka,
Norræna hússins,
Reykjavíkurborgar,
Þjóðleikhússins, Verslunarskóla Ís-
lands, Kvennaskólans í Reykjavík,
Skógaskóla undir Eyjafjöllum og
Listasafns Íslands. Einnig er fjöldi
verka í eigu einstaklinga hérlendis
og verk Ólafar, jafnt í opinberri eigu
og einkaeign, má finna í Kanada,
Bretlandi, Ítalíu, Danmörku og Sví-
þjóð.
Ólöf giftist árið 1956 Sigurði
Bjarnasyni (1915-2012) frá Vigur í
Ísafjarðardjúpi, fyrrverandi þing-
manni Sjálfstæðisflokksins, ritstjóra
Morgunblaðsins og síðar sendiherra
Íslands í Kaupmannahöfn og Lond-
on. Þau hjón eignuðust tvö börn,
Hildi Helgu og Ólaf Pál.
Andlát
Ólöf Pálsdóttir
myndhöggvari
„Við fyrstu sýn
virðist aðstaðan
hérna vera miklu
betri. Ég fór í
skoðun hjá þeim
strax þegar ég
kom hingað og
fer svo í röntgen
á morgun. Það er
síðan vonandi að
ég geti hafið end-
urhæfingu fljót-
lega ef allt gengur vel,“ sagði Sunna
Elvira Þorkelsdóttir í samtali við
Morgunblaðið en hún var í gær flutt
frá sjúkrahúsinu í Malaga á Spáni á
bæklunarspítala í Sevilla.
„Þetta virðist vera talsvert betra
hérna,“ sagði hún aðspurð hvort það
væri mikill munur á aðstöðunni í
Malaga og Sevilla. ,,Læknarnir virð-
ast hafa meira vit á því hvernig með-
höndla á ástand mitt. Þeir t.d. tóku
strax af mér vafningana á fótunum
en þeir voru settir utan um legusárin
þegar ég var á spítalanum í Malaga.
Það er víst nokkuð sem má alls ekki
gera segja læknarnir hérna. Von-
andi fæ ég núna almennilega aðstoð
til að vinna í meiðslum mínum.“
aronthordur@mbl.is
Aðstaðan
virðist vera
miklu betri
Sunna Elvira
Þorkelsdóttir
 Sunna Elvira er
komin til Sevilla