Morgunblaðið - 24.02.2018, Blaðsíða 12

Atli Vigfússon
laxam@simnet.is
Leikdeild Eflingar hefur fyr-ir löngu skipað sér fastansess í menningarlífi Þing-eyinga. Á hverju ári er fé-
lagsheimilinu Breiðumýri breytt í
leikhús og þar er setið við borð,
drukkið kaffi með vöfflum og fólk
nýtur skemmtilegrar kvöldstundar
þar sem áhugaleikarar stíga á svið.
Viðfangsefnin hafa verið mörg í gegn-
um árin, en gleði og kraftur hafa ein-
kennt þau leikrit sem hafa verið sett
upp og mörg þeirra hafa notið mikilla
vinsælda.
Í leikstarfinu er ekkert kyn-
slóðabil og ungir jafnt sem aldnir
taka þátt í sýningunum. Það hefur
m.a. vakið athygli hve mikið nem-
endur Framhaldsskólans á Laugum
hafa tekið þátt í þessari starfsemi.
Það hefur orðið til þess að auðga fé-
lagslíf nemenda að vera með sveita-
fólkinu í því að skapa eitthvað og
skemmta öðrum. Það eru því reyndir
og óreyndir á sviðinu, blanda af öllum
aldurshópum og allir hafa gaman af
því sem er að gerast.
Þetta árið býður Leikdeild Efl-
ingar upp á gamansöngleikinn Stöng-
in inn eftir Ólafsfirðinginn Guðmund
Ólafsson. Leikritið var fyrst sýnt árið
2013 af Leikfélagi Ólafsfirðinga og
Siglfirðinga og var það valið besta
áhugaleikfélagasýningin það árið og
fór verkið þá í Þjóðleikhúsið.
Leikstjórinn er
uppalinn í sveitinni
Þetta er gamansöngleikur með
ABBA-tónlist og gerist í litlu sjáv-
arþorpi þar sem konur ákveða að
setja eiginmenn sína í ýmiskonar
bann vegna áhuga þeirra á enska
boltanum. Þeir horfa mikið á boltann
saman og gleyma konunum, en það
fellur ekki vel í kramið. Í leikritinu er
fylgst með atburðarásinni og atburð-
irnir í þorpinu vekja athygli. Æfingar
hófust í byrjun janúar á Breiðumýri,
en það tekur margar vikur að æfa og
ljóst er að margir leggja mikið í þetta
og auðvitað allt í sjálfboðavinnu.
Leikararnir eru 18 talsins auk þess
sem fjöldi fólks vinnur á bak við tjöld-
in m.a. að búningagerð, förðun, leik-
mynd og ljósastjórn.
Leikstjóri hjá Eflingu er að
þessu sinni Vala Fannell, betur þekkt
Enski boltinn
rýfur heimilisfriðinn
Leikdeild Eflingar býður þetta árið upp á gamansöngleikinn Stöngin inn eftir
Ólafsfirðinginn Guðmund Ólafsson. Sögusviðið er lítið sjávarþorp þar sem konur
ákveða að setja eiginmenn sína út í kuldann vegna áhuga þeirra á enska bolt-
anum. ABBA-tónlist blæs krafti í mannskapinn og áhorfendur geta treyst því að
lognmollan svífur ekki yfir vötnum.
Einhleypingar Kristjana Freydís Stefánsdóttir og Eyþór Kári Ingólfsson í
hlutverkum einhleypinganna Dúddu og Hreins Sveins.
Of mikið Konunum er nóg boðið hvað karlarnir horfa mikið á enska boltann.
12 DAGLEGT LÍF
MORGUNBLAÐIÐ LAUGARDAGUR 24. FEBRÚAR 2018
Í tilefni af Alþjóðadegi móðurmáls-
ins í dag, 24. febrúar, býður Borg-
arbókasafnið í samstarfi við Sam-
tökin Móðurmál, Miðju máls og
læsis og Skóla- og frístundasvið til
tungumálahátíðar í Gerðubergi kl.
13.30-15. 30. Borgarbókasafnið
fagnar fjölbreytileika tungumálsins
þennan dag – sem og aðra daga,
með það að markmiði að stuðla að
jákvæðu viðhorfi gagnvart eigin
móðurmáli og annarra í daglegu
lífi.
Sex barnakórar syngja lög á sín-
um móðurmálum, hægt er að skrifa
bréf til vina og ættingja í öðrum
löndum, tungumálatré verður
skreytt með orðum á öllum heims-
ins tungumálum og hægt er að
taka þátt í tungumálasmiðju og
karaoke. Samtökin Móðurmál kynna
safnkost sinn en þau hafa unnið að
því að skrá bækur á ýmsum tungu-
málum í bókasafnskerfi Gegnis.
Til þess að varpa ljósi á ríkidæmi
tungumálaforða nemenda eru skól-
ar hvattir til að skrá tungumálin
sem þar eru töluð á vefsíðuna
tungumalatorg.is undir hlekknum
tungumálaforði.
Café Lingua fyrir alla fjölskylduna
Tungumálatorg Uppákoman er liður í norræna verkefninu Mánuður fjöltyngis.
Tungumálatöffarar og töfrandi
tónar á degi móðurmálsins
Auður I. Ottesen garðyrkjufræðingur
heldur erindi um garðrækt og mat-
jurtir í Borgarbókasafninu í Árbæ
mánudaginn 26. febrúar kl. 16.30-
18.30. Auður, sem er mikill reynslu-
bolti þegar kemur að ræktun mat-
jurta, leiðbeinir með sáningu og
ræktun því núna er einmitt tíminn til
að huga að slíkum verkum. Einnig fer
hún yfir ræktun og umönnun mat-
jurta í máli og myndun, segir frá mis-
munandi ræktunaraðferðum, kynnir
fjölda tegunda mat- og kryddjurta
auk ætra sumarblóma í salatið yfir
sumarið. Gestir geta mætt með
blómapotta og spreytt sig á að sá
fræjum í eigin potta, en boðið verður
upp á mold í safninu.
Erindi um garðrækt og matjurtir í Borgarbókasafninu í Árbæ
Rétti tíminn til að huga að sáningu
Með græna fingur Auður I. Ottesen.
Bandaríski fatahönnuðurinn Jeremy
Scott, sem ræður ríkjum hjá ítalska
tískuhúsinu Moschino, hélt á lofti
ákveðinni samsæriskenningu á
Tískuvikunni haust og vetur 2018/
2019 í Mílanó, sem nú stendur sem
hæst. JFK-samsæriskenningu nánar
tiltekið, sem hljóðaði á þá leið að
John F. Kenn-
edy hefði sagt
Marilyn Monroe
að geimverur
væru raunveru-
legar. Hún
hefði ætlað að
leka fréttinni í
fjölmiðla og því
verið myrt –
rétt eins og
forsetinn ári
síðar. Þótt sag-
an sé tóm
steypa mun Scott hafa spunnið
hana áfram og sagt sjálfa Jackie
Kennedy hafa verið geimveru og
ábyrga fyrir dauða beggja, eig-
inmanns síns og leikkonunnar.
Tískugreinanda bandarísku net-
útgáfu Vouge þótti kenningin fyndin
og alveg í anda Scotts, og jafnframt
skýra óvenjulegt litarhaft sumra
tískusýningastúlknanna sem voru
farðaðar í ýmsum litum, appelsínu-
gulum jafnt sem sægrænum. Frá
hvirfli til ilja að því er virtist.
En hvað sem geimverukenning-
unum líður er ljóst að flíkurnar frá
Moschino draga dám af Jackie Ken-
nedy, sem var tískufyrirmynd í lif-
anda lífi og er enn. Þótt áhrifa henn-
ar hafi gætt mismikið síðan á
sjöunda áratugnum koma þau annað
slagið fram á sýningum frægustu
hönnuða heims. Ákveðin tíska er
jafnan kennd við hana svo sem penir
hattar, stundum kallaðir pillubox, og
stór og svört sólgleraugu.
Tískuvikan í Mílanó, haust og vetur 2018/2019
Jackie O.-áhrifin í ýmsum litum
AFP
Litrík Sægræn stúlka í gulri dragt frá
Moschino og með „pillubox“ í stíl.
Tískufyrirmynd
Jackie Kennedy.
Ármúla 24 • S. 585 2800Opið virka daga 9-18, laugardaga 11-16 • www.rafkaup.is