Morgunblaðið - 24.05.2018, Side 42

REYKJAVÍK
VEITARSTJÓRNARKOSNINGAR 2018
MORGUNBLAÐIÐ FIMMTUDAGUR 24. MAÍ 2018
Höskuldur Daði Magnússon
hdm@mbl.is
Hörð kosningabarátta hefur verið
háð í höfuðborginni í aðdraganda
sveitarstjórnarkosninga og á laugar-
daginn dregur til tíðinda. Stærstu
valkostir kjósenda virðast snúast um
það hvort núverandi meirihluti hafi
verið á réttri leið eða hvort breyt-
inga sé þörf. Leiðtogar tveggja
stærstu flokkanna, Dagur B. Egg-
ertsson hjá Samfylkingu og Eyþór
Arnalds hjá Sjálfstæðisflokki, berj-
ast um borgarstjórastólinn. Fjöl-
mörg ný framboð keppast um að
komast á kortið.
Sextán listar bjóða fram
Gjörbreytt sviðsmynd blasir við
kjósendum frá því fyrir fjórum ár-
um. Borgarfulltrúum verður fjölgað
úr 15 í 23 eftir kosningar og nú eru
tvöfalt fleiri framboð en síðast. Að
auki hefur mikil endurnýjun orðið á
framboðslistum flestra flokka.
Alls bjóða 16 flokkar fram til
borgarstjórnar að þessu sinni. Þeir
eru: Framsóknarflokkurinn, Við-
reisn, Sjálfstæðisflokkurinn, Ís-
lenska þjóðfylkingin, Flokkur fólks-
ins, Höfuðborgarlistinn, Sósíalista-
flokkur Íslands, Kvennahreyfingin,
Miðflokkurinn, Borgin okkar –
Reykjavík, Píratar, Alþýðufylkingin,
Samfylkingin, Vinstrihreyfingin –
grænt framboð, Karlalistinn og
Frelsisflokkurinn.
Meirihlutinn héldi velli
Núverandi meirihluti saman-
stendur af Samfylkingu, Bjartri
framtíð, Pírötum og VG. Dagur B.
Eggertsson, oddviti Samfylkingar,
hefur verið borgarstjóri síðustu
fjögur ár.
Samkvæmt skoðanakönnun
sem Félagsvísindastofnun gerði fyr-
ir Morgunblaðið og birt var í gær fá
átta framboð fulltrúa kjörna í borg-
arstjórn. Samfylkingin fengi átta,
Vinstrihreyfingin – grænt framboð
og Píratar fengju tvo hvor sem þýðir
að núverandi meirihluti héldi velli ef
þetta yrðu niðurstöðurnar. Raunar
er það svo að næsti maður inn væri
níundi borgarfulltrúi Samfylkingar.
Sjálfstæðisflokkurinn fengi sjö
borgarfulltrúa kjörna samkvæmt
könnuninni en Miðflokkurinn, Sósí-
alistaflokkur Íslands, Viðreisn og
Framsókn fengju einn fulltrúa hver.
Fjölmörg mál hafa verið til um-
ræðu í aðdraganda kosninganna í
Reykjavík. Borgarbúar hafa skipst
á skoðunum um skóla- og leikskóla-
mál en yfirvöldum hefur til dæmis
verið legið á hálsi fyrir að hafa ekki
skapað betri aðbúnað fyrir kennara
og umgjörð um skólastarfið. Þá
hefur verið gagnrýnt að viðhaldi og
þrifum hafi ekki verið sinnt sem
skyldi í borginni, svifryksmengun
fari til að mynda upp úr öllu valdi á
stundum.
Stóru álitaefnin virðast þó
snúa að skipulags- og húsnæðis-
málum og samgöngumálum. Nú-
verandi borgarstjórn hefur einbeitt
sér að þéttingu byggðar síðustu ár,
skipulagt nýbyggingar í grónu
byggingarlandi í stað þess að
skipuleggja ný hverfi. Þessi þróun
virðist hafa gengið hægar en margir
vilja og fyrir vikið hefur ekki reynst
auðvelt að anna húsnæðiseftirspurn.
Þetta snýr sérstaklega að minni
íbúðum fyrir ungt fólk og þá efna-
minni.
Samgöngumál hafa verið borg-
arbúum sérstaklega hugleikin að
undanförnu. Yfirvöld horfa til fram-
tíðar með borgarlínu en hafa sömu-
leiðis boðað að Miklubraut verði lögð
í stokk. Sjálfstæðisflokkurinn kveðst
vilja annars konar lausn á Miklu-
brautinni, þar á meðal mislæg
gatnamót og hringtorg auk opinna
stokka. Þá vill flokkurinn setja
Sundabraut aftur á áætlun.
Barátta turnanna tveggja
„Stóru málin í Reykjavík eru
samgöngumál og húsnæðismál auk
þeirrar þjónustu sem borgin veitir,
svo sem skóla- og leikskólamál,“
segir Eva H. Önnudóttir stjórnmála-
fræðingur
Hún segir að baráttan hafi að
miklu leyti til snúist um tvo stærstu
flokkana, Samfylkingu og Sjálfstæð-
isflokk. „Þetta eru turnarnir tveir.
Samfylkingin stillir upp sínu starfi
síðustu fjögur ár og vill halda því
áfram en Sjálfstæðisflokkur sækir
að henni. Stærsti flokkurinn mun
leiða borgarstjórn, hvorum megin
sem það lendir.“
Komið að ögur-
stund í Reykjavík
 Barátta turnanna tveggja í Reykjavík, Dags B. Eggerts-
sonar og Eyþórs Arnalds  16 listar bjóða fram  Stóru
álitaefnin eru skipulags- og húsnæðismál og samgöngumál
Morgunblaðið/Hari
Við Fríkirkjuna Þessir piltar sýndu listir sínar í miðbænum á dögunum.
Reykjavík Sextán flokkar bjóða fram til
borgarstjórnar. Átta þeirra ná inn manni
samkvæmt nýjustu skoðanakönnun Fé-
lagsvísindastofnunar fyrir Morgunblaðið.
Bragi Halldórsson flutti til Reykja-
víkur árið 1983. Hann var áður bú-
settur á Flateyri og starfaði við
beitingar og í frystihúsinu, „í slor-
inu“, eins og hann kallar það sjálf-
ur. Þegar til Reykjavíkur kom
fékk Bragi starf við viðhald í Sól-
heimum 23 þar sem hann starfaði í
yfir tvo áratugi. Bragi segir að
Reykjavík sé allt önnur borg en
þegar hann kom þangað fyrst.
„Já, borgin hefur breyst mikið.
Þegar við komum hingað ’83 var
aðeins smábútur hérna meðfram
Suðurlandsbrautinni malbikaður.
Það gerðist í tíð Dabba, sem kall-
aður er, og spottinn fékk því nafn-
ið Dabbabraut. Svona var þetta
nokkuð lengi. Og þá var ekkert
annað komið þarna, hvorki Hús-
dýragarðurinn né gróðrarstöðin.
Maður mátti keyra niður um allan
Laugardal, þetta voru allt malar-
vegir. En að sjá hvernig þetta er
orðið í dag. Sjáðu bara skóginn,
þetta er orðinn frumskógur! Þetta
er ótrúleg breyting sem orðið hef-
ur.“
Bragi segir að flestar breytingar
hafi orðið borginni til batnaðar.
„Það eru margir sem vilja tuða og
finna að öllu. Meirihlutinn hefur
verið af hinu góða.“
Sumir kvarta yfir umferðinni.
„Það er nú bara eðlilegt þegar
fjölgar svona. Við getum ekki búist
við öðru. En hvort það er hægt að
lagfæra þetta er önnur saga. Ég vil
til dæmis sjá breytingar á Miklu-
brautinni. Þar eru þrjár akreinar
og ég vil hafa sinn hraða á hverri
þeirra, 70, 80 og 90.“
– Hvernig líst þér á Dag og Ey-
þór?
„Eyþór er náttúrlega reynslulaus
en hinn er þrælreyndur. Þetta
verða kannski tvísýnar kosningar,
ég gæti trúað því. Svo er svo mikill
fjöldi, þetta eru svo margir flokkar.
Hvernig í ósköpunum eiga þeir að
ná að vinna saman? Það verður al-
veg stórmagnað að fylgjast með
því.“
Lilja Benediktsdóttir, fyrrver-
andi verslunarkona, segist vera
orðin leið á loforðum fyrir kosn-
ingar, það komi aldrei neitt út úr
þeim. „Nú skila ég auðu, ég nenni
þessu ekki,“ segir hún.
– Hvernig líst þér á Dag og Ey-
þór?
„Ég myndi nú aldrei taka Eyþór.
Mér finnst allt í lagi með Dag en ég
sé heldur ekkert annað fyrir mér.
Það er ekki margt í boði. Dagur hef-
ur staðið sig ágætlega.“
– Hvernig líst þér á borgina í dag?
„Mér finnst miðbærinn ömurleg-
ur. Það er búið að eyðileggja hann,
til dæmis með háhýsum. Maður sér
ekki lengur út á sjó þegar maður
labbar Laugaveginn og þess saknar
maður. Ferðamannastraumurinn er
líka of mikill og svo vællinn í kring-
um hann. Það er alltaf svo mikill
æðibunugangur í fólki.“ hdm@mbl.is
Frumskógur í
Laugardalnum
 Reykjavíkurborg hefur breyst mikið
Morgunblaðið/Valli
Breytingar Bragi flutti til Reykjavíkur 1983.
Morgunblaðið/Valli
Ópólitísk Lilja Benediktsdóttir ætlar að skila auðu.