Skírnir - 01.09.2006, Síða 91

legt að þessi blaðaumfjöllun hafi áhrif. Ef þú heldur að allir í
kringum þig séu ofboðslega vondir þá brynjar þú þig upp og verð-
ur kannski svolítið verri sjálfur.“38
Ef gotneskur fréttaflutningur DV og annarra fjölmiðla er far-
inn að hafa áhrif á áherslur íslenskra stjórnvalda í öryggismálum
ætti írónían ekki að fara framhjá neinum sem fylgdist með deilum
Björns Bjarnasonar og ritstjóra DV, en Björn hefur líkt og rit-
stjórarnir lagt mikla áherslu á þær ýmsu ógnir sem hugsanlega
steðja að íslensku samfélagi og vill hann efla öryggi borgaranna
með ýmsum aðgerðum. Þó voru ritstjórar blaðsins jafnan vantrú-
aðir á þær lausnir sem Björn setti fram. Á annarri síðu DV var að
finna ritstjórnarliðinn „Fyrst og fremst“ þar sem brugðist var við
samfélagsumræðunni með einum eða öðrum hætti. 15. apríl 2004
beina ritstjórarnir augum að Birni Bjarnasyni og hefja pistil sinn á
þessum orðum: „Við á DV höfum hvað eftir annað undanfarið
verið spurð hvort okkur „sé illa við“ Björn Bjarnason dómsmála-
ráðherra. Ástæðan er sú að við höfum skrifað sitthvað um fram-
ferði hans að undanförnu og munum ekki mótmæla því hástöfum
ef einhver dregur þá ályktun að í sumum þeim skrifum hafi verið
nokkur gagnrýnistónn fólginn.“ Síðan beina ritstjórarnir sjónum
að orðum Andra Óttarssonar á Deiglunni.com en hann rekur um-
deildar ákvarðanir Björns Bjarnasonar síðustu misserin og segir
meðal annars: „Friðhelgi einkalífs skiptir ekki lengur máli heldur
eru símhleranir án dómsúrskurðar ekkert mál. Í hverju málinu á
fætur öðru er gert ráð fyrir að réttindi borgara og almennings víki
fyrir ráðstjórn og lögreglu.“ Þessi ummæli Andra þykja það
merkileg að þau eru dregin út og sett fram í stóru, rauðu letri. Af
skrifum ritstjóranna má ráða að þeir vilji standa vörð um réttindi
landsmanna og að djúp virðing fyrir einkalífi borgaranna stýri
skrifum blaðamannanna á DV. Þó má ætla að hugmyndir Björns
beinist að þeim einstaklingum í samfélaginu sem grunur leikur á
að hafi gerst brotlegir við lögin eða ógni öryggi þegnanna. Þetta er
sami hópur og DV reynir að fylgjast með og varar daglega við á
síðum sínum. Blaðið býr yfir sínu eigin eftirlitskerfi, fréttaskot-
dauðinn á forsíðunni 337skírnir
38 „Er harkan meiri?“ Fréttablaðið, 6.3. 2004.
Skírnir haust nota-1 13.11.2006 15:55 Page 337