Skírnir - 01.09.2006, Side 96

anna, frumstæðu og ægilegu afli stórborgarinnar sem setur svip
sinn á mannlífið. Eitthvað þessu líkt hefur fréttamaður DV eflaust
viljað fanga á meðan rónarnir hnoðuðust í grasinu á Austurvelli:
„Fólk hafði orð á því að stemningin væri engu lík eins og í miðborg
stórborgar í útlöndum, margt skemmtilegt í gangi en svo náttúrlega
alltaf eitthvað leiðinlegt sem líka er hægt að skemmta sér yfir“.41
Ofangreind frásögn er ágætt dæmi um það yfirborðslíf sem
DV miðlar stundum á síðum sínum sem kássast jafnan lítið upp á
íslenskan veruleika. Myndefnið sem fylgir fréttinni styður frá-
sögnina illa og ekki hjálpar að fletta „Dagbók“ Lögreglunnar í
Reykjavík vikuna sem um ræðir, en þar er hvergi rætt um meinta
ofbeldisverkið á Austurvelli, sem lögreglan stöðvar þó af mynd-
unum að dæma. Þó er í dagbókinni að finna ýmsar aðrar fréttir
sem fjallað var um á síðum DV í sömu viku, jafnt smáar sem stór-
ar.42
7. Heimur á heljarþröm
Á fréttavef BBC birtist fyrir skömmu úttekt á skýrslu sem breski
Verkamannaflokkurinn lét vinna um fréttir af gróðurhúsaáhrifum.
Í skýrslunni eru fjölmiðlar m.a. harðlega gagnrýndir fyrir „lofts-
lagsklám“, óagaða umfjöllun þar sem heimsslitasýnin ræður ríkj-
um. Umræðan er lesin í samhengi klámmynda, hamfaramynda,
vísindamynda og hrollvekjunnar.43 Leiðari breska blaðsins The
guðni elísson342 skírnir
41 Önnur skyld frétt um sinnuleysi Íslendinga andspænis þjáningunni er: „Háls-
brotin álft í dauðateygjum látin afskiptalaus“ (DV, 28.5.). Í fréttinni segir að
skólabörn í Hafnarfirði hafi þurft að horfa upp á hálsbrotna álftina „í nokkra
daga“ án þess að lögreglan aðhæfist nokkuð, þrátt fyrir að fá ítrekaðar tilkynn-
ingar um hana.
42 Sjá „Helstu verkefni LR helgina 16. til 19. júlí 2004“: http://www.logregl-
an.is/displayer.asp?cat_id=158&module_id=220&element_id=4937
Sem dæmi um smærri frétt úr DV sem ratar inn á síður Dagbókarinnar
þessa vikuna er þessi: „Þá var tilkynnt um að það sé búið að kveikja í sófa sem
var á miðri götunni á Laugavegi–Skólavörðustíg. Fengnir voru menn frá borg-
inni til að hreinsa upp ruslið og þurftu lögreglumenn að reka 3 menn á brott en
þeir höfðu verið að reyna að kveikja í aftur.“
43 Skýrslan fjallar ekki aðeins um heimsslitafrásagnir þó að það sé sá þáttur um-
ræðunnar sem ég hef mestan áhuga á í samhengi þessarar greinar. Höfundar
eru jafn gagnrýnir á þá sem reyna að gera lítið úr hættunni, vilja skýra hana í
Skírnir haust nota-1 13.11.2006 15:55 Page 342