Skírnir - 01.09.2006, Qupperneq 125

ina, en þar hafa bakteríuskrímsl
nokkur næstum útrýmt fólki og
lagt jörðina í eyði. Vísindamenn-
irnir sem bjuggu til þessa bakter-
íu meintu vel því að bakteríunni
var ætlað að eyða eitruðum úr-
gangi jarðarbúa, en einhvernveg-
inn öðlaðist bakterían vitund og
eyddi ekki aðeins úrgangi, heldur
lagðist einnig á fólk og hvað ann-
að sem á vegi varð.32 Og það eina
sem getur útrýmt óvættunum er
Wolverine, sem sjálfur er stökkbreytt afkvæmi líftæknitilraunar.
Teikningarnar eru mjög órólegar og óreiðukenndar og undir-
strika á skemmtilegan hátt úlfsku Wolverine. Hetjan birtist hér
sem grannholda töffari, kynþokkafullur sem aldrei fyrr og alveg
til í að tuskast við óvætti framtíðarinnar.
Sagan í heild er áhugavert dæmi um þá líftækniáherslu sem
greina má í afþreyingarbókmenntum og kvikmyndum um þessar
mundir, en sú áhersla endurspeglar greinilega aukna umræðu og
fréttaflutning um líftækni. Í karakternum Wolverine birtist einnig
hversu vel varúlfurinn fellur að myndmáli líftækninnar, en segja
má að sæborgin sé alltaf að einhverju leyti hamfari.33 Líkami hetj-
unnar hefur verið endurbættur og stökkbreytingin — hamskiptin
— gera það að verkum að hvorki sjúkdómar né sár vinna á hon-
um. Erfðafræðin kannar nú möguleikana á því að endurbæta
mannslíkamann og umbreyta honum, hreinsa út óheppileg gen og
verja líkamann þannig sjúkdómum. En varúlfurinn er líka áminn-
ing um að líkamleg umbreyting er óaðskiljanleg frá sjálfsmynd
þess sem breytist. Hvaða merkingu hafa möguleikar líftækninnar
fyrir einstaklinginn og sjálfsverund hans? Sá sem einu sinni hefur
breyst í varúlf ber alltaf með sér eitthvað af úlfinum — líkt og
„úlfa krásir“ 371skírnir
32 Þessi baktería er raunverulega til, það er að segja baktería sem borðar bensín,
sjá Lewontin 2000, bls. 162.
33 Haraway 1992, bls. 303; hún talar um „shape-shifting“ sæborgir.
Wolverine gengur berserksgang.
Skírnir haust nota-1 13.11.2006 15:55 Page 371