Breiðfirðingur - 01.04.1946, Side 13

BREIÐFIRÐINGUR
3
BÆRINN
A KVEMABREKKU
Margir hinna gömlu sveitabæja á íslandi eru nú sem
óðast að liverfa fyrir nýjum húsum. Ber ekki að lasta
það, því að mikil framför er að húsunum mörgum
hverjum. En bæirnir voru margir fallegir og áttu næst-
um undarlega vel við íslenzkt landslag. Væri vel ef
hinni nýju húsagerð tækist að ná einhverju slíku sam-
ræmi áður en of langt líður. En þar koma að visu ekki
húsin ein til greina, heldur einnig hið næsta umhverfi
þeirra.
Bærinn á Kvennabrekku er einn af þessum fallegu
gömlu bæjum, með portbyggðu lagi eins og algengt mun
hafa verið norðanlands og við Breiðafjörð. Á Suður-
landi munu svo háir torfveggir liafa hentað ver sök-
um veðráttunnar. En furða er hve vel hlaðnir torf-
veggir og úr nógu góðu torfi geta enzt vel þar sem
ekki er því votviðrasamara.
Nú hefir verið byggt vandað nýtízku-steinhús á
Kvennabrekku, og þótt gamli bærinn standi enn, er
þess ekki að vænta að hann verði lengi til úr þessu.
Þessi bær var síðast byggður upp vorið 1914, en með
alveg sama lagi og áður, og standa jafnvel enn í veggj-
um miklu eldri hleðslupartar, sem óþarfi þótti að rífa.
Þj'kir mér líklegt, að bærinn hafi staðið um aldir með
þessu eða mjög svipuðu lagi.
En nú er nýi timinn kominn, þegar margt gamalt
hverfur að fullu. En þá geta myndir af hinu gamla
liaft sitt gildi.