Morgunblaðið - 06.09.2018, Qupperneq 6

6 FRÉTTIRInnlent
MORGUNBLAÐIÐ FIMMTUDAGUR 6. SEPTEMBER 2018
Sigtryggur Sigtryggsson
sisi@mbl.is
Endurupptaka svokallaðra Guð-
mundar- og Geirfinnsmála verður
tekin fyrir í Hæstarétti í næstu
viku.
Málflutningurinn hefst klukkan 9
fimmtudaginn 13. september og
heldur áfram á sama tíma föstudag-
inn 14. september. Áætlað er að
honum ljúki þann dag.
Dómarar verða hæstaréttar-
dómararnir Þorgeir Örlygsson, for-
seti réttarins, Greta Baldursdóttir,
Helgi Ingólfur Jónsson, Ólafur
Börkur Þorvaldsson og Viðar Már
Matthíasson.
Endurupptökunefnd féllst í febr-
úar 2017 á endurupptökubeiðnir er
varða fimm menn sem sakfelldir
voru í tengslum við hvarf tveggja
manna, Guðmundar Einarssonar og
Geirfinns Einarssonar, á áttunda
áratug síðustu aldar.
Davíð Þór Björgvinsson, fulltrúi
ákæruvaldsins í endurupptöku mál-
anna, skilaði greinargerð til Hæsta-
réttar í febrúar sl. Krefst hann þess
að fimmmenningarnir verði sýknað-
ir að öllu leyti. Verjendur munu að
sjálfsögðu krefjast sýknu.
Með niðurstöðu um endurupptöku
er málið núna lögum samkvæmt á
þeim stað eins og áfrýjunarstefna
hafi verið gefin út eftir dóm undir-
réttar, þ.e. sakadóms Reykjavíkur
19. desember 1977. Endurupptakan
snýst um að endurtaka beri meðferð
málsins fyrir Hæstarétti, að svo
miklu leyti sem Hæstiréttur sér
ekki annmarka á því.
Davíð Þór Björgvinsson, settur
ríkissaksóknari, fer með ákæruvald-
ið fyrir Hæstarétti nú. Hann flytur
málið gegn Kristjáni Viðari Júlíus-
syni, sem hét áður Kristján Viðar
Viðarsson (verjandi Jón Steinar
Gunnlaugsson lögmaður), Guðjóni
Skarphéðinssyni (Ragnar Aðal-
steinsson lögmaður), Sævari Marinó
Ciesielski (Oddgeir Einarsson lög-
maður), Alberti Klahn Skaftasyni
(Guðjón Ólafur Jónsson lögmaður)
og Tryggva Rúnari Leifssyni (Jón
Magnússon lögmaður).
Davíð Þór, Jón Steinar, Ragnar
og Oddgeir fá að flytja 90 mínútna
ræður og þeir Guðjón Ólafur og Jón
Magnússon í 60 mínútur hvor.
Í sakadómi voru Kristján Viðar
og Sævar dæmdir í ævilangt fang-
elsi fyrir að hafa banað Guðmundi
og Geirfinni. Tryggvi Rúnar var
dæmdur í 16 ára fangelsi, Guðjón í
12 ára fangelsi og Albert Klahn í 15
mánaða fangelsi.
Hæstiréttur kvað upp dóm sinn í
Guðmundar- og Geirfinnsmálunum
22. febrúar 1980 og mildaði dóma
sakadóms Reykjavíkur. Þar hlaut
Sævar 17 ára fangelsi, Kristján Við-
ar 16 ára fangelsi, Tryggvi Rúnar 13
ára fangelsi, Guðjón 10 ára fangelsi
og Albert Klahn 12 mánaða fangelsi.
Málflutningurinn tekur tvo daga
Morgunblaðið/Kristján Einarsson
Varnarræða Kristján Viðar Júlíusson flutti ræðu við lok málflutnings sem
fram fór í Hæstarétti í janúar 1980. Dómur féll í málinu í febrúar sama ár.
 Endurupptaka Guðmundar- og Geirfinnsmála verður tekin fyrir í Hæstarétti í næstu viku  Varðar
fimm dæmda menn  Hæstiréttur úrskurðar um hvort endurtaka beri meðferð málsins fyrir réttinum
„Við erum með stýrisspjöld á öllum
bílum okkar sem vara við akstri í ám
og benda á að allur akstur yfir óbrú-
aðar ár sé á ábyrgð leigutaka,“ segir
Þorsteinn Þorgeirsson, fram-
kvæmdastjóri bifreiðasviðs bílaleig-
unnar Avis.
Eins og fram kom í blaðinu í gær
hafa vaknað spurningar um hvernig
forvörnum sé háttað hjá bílaleigum
landsins gagnvart erlendum ferða-
mönnum varðandi akstur yfir óbrú-
aðar ár eftir banaslys í Steinholtsá
við Þórsmörk í síðustu viku.
Þorsteinn segir að einnig sé hjá
hverri leigu dreift sérstökum bækl-
ingi sem taki á flestum þeim atriðum
sem þurfi að varast við akstur hér
landi.
„Farið er yfir þennan bækling
með leigutökum og hafa sölufulltrú-
ar okkar verið sérþjálfaðir í því,“
segir hann. Einnig séu skjáir í af-
greiðslum Avis þar sem áhersla er
lögð á hættur og umferðaröryggi.
gudmundur@mbl.is
Vara við akstri
yfir óbrúaðar ár
 Viðvaranir í öllum bílum Avis
Bílaleiga Leigutakar eru varaðir
við akstri yfir óbrúaðar ár.
Dans-Ballett og
fimleikavörur
Háaleitisbraut 68 • s 568 4240
Mikið úrval af dans-ballett og fimleika-
vörum fyrir alla aldurshópa.
Ástund
Sigurður Bogi Sævarsson
sbs@mbl.is
„Allir gestirnir eru fólk sem ég hef
talað við áður og ef fólk þekkir það
ekki er það ekki að fylgjast mikið
með íslensku samfélagi. En þetta er
öðruvísi. Við gefum okkur tíma og
tölum um það sem við gerum ekki
venjulega. Ég held að ég geti lofað
því að í hverjum þætti kemur eitt-
hvað fram sem fólk vissi ekki áður,“
segir Logi Bergmann Eiðsson sjón-
varpsmaður.
Mikil forréttindi
Fimmtudaginn 20. september fer í
loftið fyrsti þátturinn af Með Loga,
en það er ný röð viðtalsþátta sem
Skot framleiðir fyrir Símann. Upp-
tökur á þáttunum standa nú yfir í
Gamla bíói en það hús á stað í hjarta
margra Íslendinga og þar með
margra viðmælenda Loga.
„Það eru mikil forréttindi að fá að
velja sér fólk í svona þátt, gefa sér
tíma og geta aðeins dvalið við hluti.
Venjuleg viðtöl eru stutt, 5-10 mín-
útur, og um eitthvað ákveðið. Þetta
er meira samtal en viðtal og um allt
mögulegt. Það er líka frábært að
vera í Gamla bíói. Það er mikil saga í
húsinu og við náum að breyta því
eftir okkar þörfum en samt halda í
karakterinn,“ segir Logi í samtali
við Morgunblaðið.
Í sjónvarp eftir árs hlé
Gestir Loga í þáttunum verða
Baltasar Kormákur kvikmyndaleik-
stjóri, Halldóra Geirharðsdóttir leik-
kona, Katrín Jakobsdóttir forsætis-
ráðherra og Ólafur Ragnar
Grímsson fyrrverandi forseti Ís-
lands. Allt þetta fólk sýnir í þáttum á
sér hlið sem almenningur hefur tæp-
ast séð áður. „Svo er náttúrlega frá-
bært að koma aftur í sjónvarp eftir
tæplega árs hlé. Við erum búin að
taka upp helminginn og ég hlakka til
að heyra í næstu viðmælendum,“
segir Logi Bergmann um þættina
sem verða sýnir í Sjónvarpi Símans
og verða jafnframt aðgengilegir á
Sjónvarpi Símans Premium
Ljósmynd/Axel Sigurðarson
Undirbúningur Logi Bergmann og Baltasar Kormákur ræða málin í sminkherberginu fyrir upptöku á þættinum.
Logi Bergmann með
þætti í Sjónvarpi Símans
 Baltasar og Katrín viðmælendur  Í loftið 20. september
Ljósmynd/Axel Sigurðarson
Gaman Logi Bergmann og Katrín Jakobsdóttir forsætisráðhera á röltinu
um Gamla bíó fyrir upptöku. Margt ber á góma í samtali þeirra.